قصتي وباختصار ~

ماادري ايش اللي خلاني اكتب لكم بس في شي بداخلي مرا سار يؤلمنى وغير متضايقة ومزاجي ع طول مقفل ..

انا بنت مدللة ودلوعة ابوها رغم انو انا بكر اهلي بس كلمتي ماتسير 2 عندهم عمري 25 سنة ..

درست دبلوم انجلش بكلية خدمة المجتمع في جامعة الملك عبد العزيز ( بعد الثانوي سنتين ) اتوضفت بمدرسة اجنبية رغم رفض ابويا للوضيفة بجحة انو الشغل يتعبني وانو مو محتاجة بس تتغير شخصية الانسان لما يشاتغل ويحس انو عضوء فعال بالمجتمع بعدها اخذت كورس شهرين واسبوعين بكلية ادارة الاعمال ( cba )
وطلعت من 10 الاوائل ويحق ليا منحة دراسية

الموشكلة انو اذا قبلت الدراسة والمنحة صح انو مجال احبوووو موووت واقدر ابدع فية بس اهلي مو راضين يقولو راح تتاخري ع الزواج

لانو الدراسة 4 سنين …

وانا للحين حرة مافي احد خاطبني رغم انو كثير خطبو ني بس ماسار نصيب ..

اتغيرت حياتي وشغلت تفكيري هالموضوع ~
وسارت نفسيتي زفت وحتى صحباتي بعدو عني او انا بعدتهم عني ..

اغلبهم من صحباتي نصحوني انو اكمل دراستي … واخاف ابداء مشواري واشغل نفسي بالدراسة
يجي واحد يخطبني وابويا يجلسني بالبيت …

لانو اكثر من مرا جلسني بمجرد انو انخطب …

ايش تنصحوني ~

ارجع اعيش الحياة زي زمان صحبتي ووناستني ودراستي وانسى موضوع الزواج لحد ما ربنا يكتب ليا نصيب ؟؟؟