قصت ولادتي في مستشفي رعايه الرياض((التأمينات))

اليوم راح احكي لكم قصت ولدتي في بنتي لمووسي..

في تاريخ 18-6-1428

كان يوم الثلاثاء كنت نايمه يوم اذن الظهر قمت علي الالم خفيف في بطني وفرررررحت مره مره قلت اخيرا لان مليت استغفر الله

وجلست علي هذا الالم لين الساعه 6 المغرب والالم نفسه مزاد ولا تغير بس الالم يضايق شوووي يعني ما تجلسين مع النااس

وصرت امشي بغرفتي واشم ((حلتيته)) وكنت حاطه حلتيته بمويه بالحمام علشان احطها بالفووطه والبسها يقلوون انها تفتح الرحم بسرعه وسويتها

وبعدين رحت للمستشفي وكان استقبالهم بارد مررره وكنت اقوولها بسرعه وديني علي غرفه الولاده لاني ما اتحمل العبايه ونكتمت بس ماهمها كلاامي تمشي ابروووووووووووووووووووووود
وبعدين دخلت غرفه الولاده وسووي لي تخطيط تقوول الممرضه الطلق باارد وجت دكتووره وسووت كشف قالت تووك 2 سانتي انا هنا جاني انهيااااااااااار بكيت لين قلت بس من الظهر لين الساعه 6 المغرب 2 سانتي الله يعين علي البااقي

قالتلي رووحي للبيت واذ فيه موويه او دم تعالي انا رحت للبيت وانا منهااااااره وجلست في غرفتي اتبطح علي السرير وانام شووي واقووم شووي وتعشيت كنت ميته من الجووع

وسبحان الله ربي رحمني نمت نووووومه بعد العشاااء ريحتني الحمد لله بس قمت علي الالم الساعه 9 باليل شووي زااد وجلست ابكي من الخووف لاني قبل مااطلع سمعت حريم يصاارخون بالمستشفي واقوول لنفسي الله يعين انا ابجرب مثلهم

وصرت اتذكر امي واهلي واتذكر النااااس وابكي<<<<فاضيه

والمهم قمت ورحت للحمام وشفت دم هناا زاد البكاااااء

وقمت ودقيت علي زوجي وقلت يالله حان الان وجاء زوجي وقلت خذ لفه بالسياره اضرب فيني مطااااب يقلوون يسهل الولاده

المهم دخلت عليهم مره ثانيه وسووت كشف قالت لسه 2 سانتي انا هنا شوووي علي كلامه انهيااار الا سووويت فيلم هندي خلااااااااااص

المهم قالت خلااص اجلسي هنا لان شكل ما عليهم ضغط ذاك اليوم ولا كان تقوولي يالله الباب

وجلست عندهم لين الساعه 12 باليل انا فيني الالم متووسط مو مره المهم بعد الساعه 12 اختفى الالم ولا كان فيني شي رااح كل شي صرت مااحس بشي ابد قسم بالله انقهرت قلت وش ذا!!

المهم استغليتها فرصه ونمت لين الساعه 2 الفجر قومتني الممرضه تقوول يالله ماما قوومي امشي علشان ولادده وصرت امشي وامشي بالسيب واصيييييييييييييييييييييييييح ودموعي اربع اربع

وسبحان الله مع المشي صار الالم يتغير صار اقووي من الي قبل وصرت امشي وامشي واخر شي ما قدرت اكمل

بالفتره هذي زوجي كان نااايم يوم صارت الساعه 5 الفجر جاني الالم شديد صرت ابكي واصاارخ واقوول يمه يمه واستفرغ

الا تجي الممرضه الهنديه وكان تعاملاها شوووي زفت تقوولي ليش تجين وانتي لسه ما فيه ولاده اوووف انتي صغير ما تعرفين<<<احلفي بس

المهم حطتلي زي الابره الكبيره وفيها موويه مع الفرج وقالتلي رووحي للحمام هذا علشان اثناء الولاده ما تبرزين عليهم من التعصر..

ورحت للحمام وسويت كان فيني برااز علشان تنظف لي المنطقه<<<<<سوووووري

المهم شووي شوووي الالم يزيد وانا ابكي وكان فيه حرمه بالغرفه الثانيه جايه مع بنتها الا وتدخل علي تقوولي يابنيتي قولي لا اله الا الله اذكري الله وكان تمسح علي ظهررري وانا والله ماكنت اشووف غير السقف من الالم

وتجي الممرضه الهنديه وتقوولي ليش انتي كذا ليش تبكين انتي ما فيه كوويس كذا

المهم مرت ساعه وجابتلي الكمام وصرت اشفط بس احس بتقل بجسمي وانااااام ولساني ثقيل ورااسي ثقيل وكاني بحلم

المهم بهذا الوقت زوجي جاء بيشوووف وش صار علي لقاني ناايمه واشفط من البنج كني سكرااانه

واذ قمت من البنج اقوووم اخاصم والج عليهم وامسك زوجي من ثوووبه كني ابهاااوش واقوووله وخر هذا عني انا مادري ليش كنت اقوول كذا مادري ليه ما كنت ابغي البنج<<<
المهم مرت الساعات الطوويله وانا اقووم شوووي واخذ البنج شووووي وانام شوووي لين الساعه 11 ونصف الظهر واسمع الدكتووره تقوول خلاااص 10 سانتي يالله ولااده

وشاالو عني البنج وقمت وصحصحت وجاني الزحير الي كان رووحي بتطلع من تحت والممرضات الهنديات يشجعووون يالله يالله يالله

وبعدين اذ راح عني الطلق يخلووني انام علي ظهري بعدين اذ جت الولاده يقوولن يالله يالله يالله

مرت نصف سااعه علي هالحاله لين طلعت البنت الحمدلله

انا يوم شفت المنظر هذا يعني خرووج بنتي مني صرخت قلت بصووت عالي سبحاان الله لان بالفعل تعجبت والله تعجبت خرووج مني انسااااااان يتنفس ويصيح

والحمد لله خلصت الحتووووووته