قصر صالة السرايا بالاحساء ومحلاتهم وطريقة نصبهم وتحايلهم كل عروس وعريس تدخل وتحكم

طبعا هي وحيدة أبوها وحيدة من البنات بين أخوه أربعة كلهم متزوجين تقدم لها شخص للزواج على قد حاله ومن فرحة أخوي حاول يحجز لها أحسن صالة السرايا الله يكرمكم استلف مبلغ عشان يحجزها ويخلي زواجها احسن زواج وكنت معهم في تجهيز زواجها رحنا لصالة سرايا اول مادخلنا استقبلنا واحد مصري وقالنا فيه امكانيه حجز وصرنا نفاوضه في السعر عشان نخلص واوشكنا نخلص معه .فجئه دخل واحد كبير شوي صاحب الصالة ما اعرف شلون فجئه صار يهاوش المصري بجنبنا ويسبه احنا ماندري وش الموضوع .
اتضح انه صاحب الصالة خلاه يقوم من الكرسي وجلس ايتكلم معانا
اول ما جلس قال بالنسبة للحجز ما نقدر نعتمد لكم الحجز بسبب الزحمة وكثر الحجوزات عندهم لكن في حل وهو انكم تحجزون الكوشة والطاولات وقاعة الرجال وراح نعملكم خصم في السعر طبعاانا هي شايفه كذا كوشه وعاجبتها عند كذا محل واسعارهم مناسبه المهم الزمنا نحجز كل شي من عندهم بالغصب حتى الكيكه ما ضل الا فستانها يكون منهم او ان أو يجيبون لها عريس ثاني أخوي انحرج وقال خلاص انا وعدتك يكون زواجك فيها اختاري اللي تبين
جلسنا نتفرج على الكوشات الي عندهم كلها مصوره في نفس الصالة واغلبالتصاميم شايفتها في بعض المحلات ويكذب يقول هذي من شغلنا المهم شفنا كذافكره اعجبتنا بس كان سعرهم غالي المهم بدل ما ينسق معانا على حجز الصالةوترتيبها اصبحت جيتنا كان احنا جايين عشان نحجز الكوشه والطاولات قاله خطيبها طيب احنا جايين نحجز الصالة والا الكوشه والطاولات نبغي نعرف ترتيب الصالة كم تسع والتفاصيل فجئه صار يتكمل عن غرفة العروس vip ما يبغاهم يروحون فندق واحنا بنجهز لكم الكيكه حقت العرس واحنا بنعمل ضيافه الرجال واحنا نعمل تصوير واحنا ممكن نأمن بوفيه للعرس طبعا احنا حامت كبودنا من هذرته .
المهم اعتمدنا الكوشه والطاولات بعد يومين مريت السوق اشوف بعض الافكاردخلت كذا محل اسألهم عن الكوش والافكار الجديدة بس يعرفون ان زواجنا في السرايا يرفضون يطلعون وبعد اللحاح حاولناانعرف ليه ما تطلعون لصالة سرايا اتصح انهم يضايقون المحلات اذاجاوا يركبون الكوشه ويتأخرون في افتتاح الصالة عشان ما يمديهم يسوون شي ويخلصون بالعربي يبغون كل شي من عندهم شفت ناس بشعه وجوعانه وما شافت خير بس مش زيهم .
المهم بعد مرور أسبوع توفى أبوها الله يرحمه ويغفر له وكان العقد بأسمه طبعا اتلغى الزواج وكل شي تفركش رحنا عشان نخبرهم ان صاحب الشأن توفي ونحاول نسترجع المبلغ الي دفعناه واخذنا معنا شهادة الوفاة كا أثبات تفاجئنا بنفس الشخص يستقبلنا بنفس خايسه حسبي الله عليه حتى كلمة الله يرحمه ما قالها عكس اولما جينا كان طاير فينا قلنا يمكن راح يقدر موقفنا ويرجع لو نصف المبلغ والله مارجع ولاشي اول ما دخلنا عنده وقلنا له قال قبل ما تجون قريتوا الشروط اللي بالعقد .
حاولنا نشوف طريقه وجبنا احد ياخذ الحجز ويعطينا لو نصف اللي دفعها تخيلوا صار يعقدنا اول شي قال بشرط ما يتغيير ولا شي في العقد يوم شافنا موافقين قال وشرط يكون من نفس العايله يعني اخوها او اختها وتجيبون ما يثبت ان من نفس الافراد الي بكرت عائلة المتوفي .
طبعا فوق حرتها على ابوها وحرمانها منه انحرمت حتى تسوي حفله صغيره بعد ما جات من السفر وكل متتذكر استقباله لنا يوم جينا نلغي العقد ونطالبه بالمبلغ صارت تبكي وتتحسب عليهم .
نصيحة لكل عروس خلي زواجك في بيتكم أرحم وأهون من نصب صالة سرايا حسبي الله عليهم واتمنى من اصحاب المنتدى والمشرفين ما يحذفون موضوعي عشان الكل يعرف حقيقة هالناس القذرة .
أدعو لأخوي بالمغفره والله سبحانه ياخذ حقنا منهم ,