قصــــــــــــــه ولاده مؤلمـــــــــــه بالريــــــــــــــــــــــــــــــاض

انا كنت ناويه اذا دخلت التاسع بكتب لكم قصتي الي صارت معي قبل اكثر من 3 سنواااات
وباخر القصه بكتب لكم ليش انا كتبتها بالشهر التاسع بالذااااااات ..

صحيت يوم الجمعه تاريخ 29-4-1427الصباح بحدود الساعه 6 دخلت الحمام الله يكرمكم خلصت وقفت بلبس الا شي غريب كانه احد ضربني بسكين بنهاية ضهري بسرعه قلت اخ الا راح الالم بلمحة بصر
قلت يمكن شد عضلي او أي شي ما اهتميت ابدااااااا
رجعت كملت نومتي
صحيت الساعه 9 يمكن وضعي طبيعي الساعه 11جالسه الا حسيت نفس ضربة السكين باخر ظهري استغربت
بس ما اهتميت لانها راحت بسرعه
على اول الظهر حسيت بضربه ثالثه >>>هنا بديت اوسوس
قلت وش ذا طلق يعني لالا مو طلق .. الا يمكن انا بكريه وش عرفني
رحت لامي وقلت لها حسيت بطعنه باخر ظهري 3مرات وبديت اوصف قالت امي بظهرك ؟!!
انا حملتكم كلكم ماحسيت بطلق فالظهر ابدا بس سمعت فيه حاريم يجيهم طلق بالظهر
طرت لاختي الي هي باخر ايام نفاسها وسالتها نفس السؤال قالت بالظهر ؟!!
قلت ايوه .. قالت ما ادري صراحه مامر علي طبق بالظهر
قالت يروح ويجي .. قلت ايوه قالت ماتوقع طلق بس انتبهي اذا صار يروح ويجي وقريب من بعض فهو طلق
قلت بنفسي شكلي ماعندي سالفه ..
على الساعه 2 الظهر حسيت بوحده رابعه .. ولا قلت لاحد .. بديت اشك
رحت اتصلت على خواتي بتاكد قلت فيه وحده منكم جاها طلق بظهرها .. الكل وباالجماااع قالو .. لأ ..
وكلهم يقولون الطلق يجينا بالبطن واحيان ينزل للفخوذ وبس
قلت بنفسي الوصف الي يوصفونه وصف الي فيني طلق بس المكان مو مكان طلق .. قلت يمكن شوي يجي فبطني ؟!!
وبدى كل فتره يجي ويروح وبدى يقربون من بعض وتاكدت انه طلق بس للاسف بنهاية ظهري بس

طبعا الشطوره البطله ما رضت تقول لاحد انها بتولد لانها بطله وقويه وبتروح تولد ولا احد يدري عنها وبتتصل وبتقولهم مفاجئه انا ولدت >>> لعب عيال هو ..

اختي بالغرفه تستشور الشعر وتتكشخ زوجها جاي ياخذهايومين و تخلص نفاس .. سالتني هاه وش الاخبار ؟!!
وبكل ثقه لا ما فيه شي الظاهر مو طلق معاد جاني شي ولا حسيت بشي .
بس كليتي اليمنى تعورني اذا ما خف الالم بتصل على زوجي يوديني المستشفى ..

سبحت .. استشورت شعري .. ولبست

الساعه 12 باليل اتصلت عليه وقلت له تعال كليتي تعورني قالي ولاده قلت لالا
قال زين اشوى انا مواصل من امس مانمت فيني نووووم بوديك للمستشفى ولما ارجع بناااااام .

جى المحروس وقلت له اسمع انا كذبت على اهلي وقلت مافيني شي انا فيني طلق بس لاتعلم احد لين اولد
الاخت على بالها الموضوع سهل ..

وصلت مستشفى قمة الاخلاق الزفت والوساخه والاهمال مستشفى قوى الامن بالرياض (حكومي طبعا)
الله يسامح كل وحده مدحته لي ..

دخلت بعد انتظارجت ممرضه امريكيه حطت لي جهاز على بطني وقالت فيه طلق
شوي جت وكشفت ماعورتني قالت 2ســم فرحت فرحه ماتتخيلونها لاني قريت بالنت ان الوحده لما يجيها الطبق 12 ساعه وتولد وبديت هنا احسب متى يمر علي 12 ساعه ..
قلت الله وناسه يمكن على الصبح الظهر اكون والده ..

فجئه فجئه من وقت كشفت ويبدى الطلق يحمى بشكل يخوووووووف معد اقدر اتحمل ابد والممرضه تطالع بالجهاز وتقولي طلقك حاممممي مررره تصدقون صار كل 3 دقايق واحيان يتاخر يصير كل 4 دقايق
جتني دكتوره سعوديه باين الشطاره من عيونها .. احسها حتى الحروف ماتعرف تقراهم
قالت 2سم خلاص اطلعي البيت واذا تعبتي تعالي <<< لا ياشيخه تكفين
جيت امشي وانا طالعه بكل حزن ولاني قادره امشي من قوت الطلق الا تناديني الممرضه والدكتوره مع بعض بصوت عالي رجعت ويا الله اقدر سحب رجولي
قالت الدكتوره العبقريه توني اشوف التخطيط طلقك حاامي مررره بنطلعك فوق تنويم >>> فرحت مره

نادو زوجي وخلص الاجراءات وطلعت فوق والطلق يخووف مره مره قوي كل 3 دقايق
حتى اني ما اقدر امشي خطوتين عشان اوصل للغرفه
وصلت فوق الا بدو يقيسون حراره ضغط وزن الموهم تقول وقفي على الميزان وانا فيني طلقه قويه ما قدرت اتكلم او ارفع راسي واشرت لها بيدي انتظري الا الفلبينيه تنافخ وتتافف وكانها تقول خلصيني بس
ضاق صدري ياناس ليش كذا انا وش ذنبي اذا الطلقه جتني بنفس وقت الوزن
المهم ودوني للغرفه وزوجي طلع وانا اوصيه امانه لاتعلم احد لين اولد واذا احد سالك قلهم كليتها تعورها ولازم تنويم
اتصلت على اختي وامي وكلمتهم اذا راحت الطلقه قعدت اتكلم معهم بسرعه وقلت مافيني ولاده تنويم عشان كليتي تعبانه والدكتوره كشفت وقالت تقول بتوليدين بعد اسبوع
واذا جت الطلقه سكرت الخط .. واذا راحت اتصلت وقلت .. ترى الخط يقطع الغرفه مافيه ابراج عدله
المهم انهم صدقوني ..
الالم متواصل ناديت وجت ممرضه وقلت الالم يزيد مررره وكل 3 دقايق ابي مسكن ..
قالت مافيه مسكن دكتوره يجي ساعه 9 صباح انتي كلام ابي مسكن ..

يؤيؤ اجلس كذا لــ9 الصبح مستحيل كان اموت ..
طنشتني وراحت قمت اقرء قران واتصبر واقول يمكن ولادتي قريب دام الطلق قوي وحامي وكل 3 دقايق
اذن الفجر قمت اتوضى بصلي (يقولون من تحسين بالطلق ماعليك صلاه )
المهم رحت اتوضى الا نزل مني دم امتلى ارض الحمام
طلعت ناديت وناديت يسمعون يطنشون وصلت لين الباب وانا ياالله امشي عشان يجون ولما شافتني عند الباب جت قلت فيه دم واجد قالت انا روح سرير
شوي الاجت ممرضه تكشف الله يكسر يدها انشاء الله انا اشك انه كشف .. كانها تدور لها شي فيني تروح يمين وتروح يسار وترجع تدخل زياده وانا اااااااااااااااااااااااااااااااه خلاااااااص .. ويوم خلصت قالت 2سم

يؤيؤ 2سم ماتغير شي على ذا الطلق القوي .. قلت والدم ذا قالت دكتوره يجي 9 صباح كلام انتي فيه دم ..