عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
هاذي اول مشاركه لي كنت ادخل بس اشووف معاناه المشتركات وقلت اذا الله رزقني بالحمل راح اقوول قصتي تزوجت بتاريخ 31/12/2008م وكنت عارفه اني ماراح انجب لان عندي تلخبط في الدوره وتكيس على المبايض طبعا سافرت وستانست وبعد شهرين من زواجي فكرت في الحمل رحت لدكتوره قالت التكيس موجود بس لاتستعجلي توك عروس اصبري سنه اول سنه ونص وبعدين فكري بس عطتني فولك اسيد طبعا رحت وزجي يقول مش مستعجلين احنا تونا في البدايه وورانا سفرات وروحات وسكرت السالفه كم شهر يوم صار لي 5 شهور من زواجي ردت حليمه على نفس الموضوع وسبحان الله كل ما ابي احمل يطلع لي شي في وجهي كان رب العالمين يأخرني اول شي صادني التهابات وقرحه وسويت كي قالت لي الدكتوره ما ينفع معاج الا ابر منشطه وراح تحملي كل شهر اقرر اني اروح يطلع لي شي يا سفر مع زوجي يا اني بروح العمره في رمضان ورجعت من العمره على شهر 9 قلت خلاص ماراح افكر في الموضوع لان كنت مخططه على سفره ههههههه في عيد زواجي الاول 😀 وبس على شهر 10 نسيت السالفه مع زواج اخووي عاد في هذا الشهر ما نزلت الدوره لان كانت متلخبطه عندي رحت لنفس الدكتووره ابيها تنزلها لي سوت لي تلفزيون علشان نتاكد ان ما في حمل وتأكدنا عطتني حبوب تنزل الدوره فقترحت الدكتوره تعطيني ابر قالت لي انتي جربي اول شهر ما صار شي اجلي الموضوع وسافري قلت لزوجي وتوكلنا على الله تاريخ 25/10/2008 نزلت الدوره ثاني يوم من الدوره خذيت ابره وثالث يوم ورابع يوم يعني 3 ابر بس مع كلوميد لمده خمس ايام وخلاص نطرت لين عاشر يوم من الدوره وسوت لي تلفزيون والحمد الله كانت فيه بويضتين وحده حجمها 17 والثانيه 18 وحددت لي الايام اللي انام فيها وقالت اليوم اللي بتحسين فيه بمغص نامي مع زوجك نمت والله اني ما نمت معاه الا يومين والايام الباقيه اللي حددتهم لي اني انام معاه كان مسافر فيها ورجع من السفر وسافرنا كم يوم تغير جو ولا حطيت في بالي شي الا اني مثل كل مره مش حامل وكنت مداومه هذا الشهر على سماع سوره البقره والاستغفار وبس قبل الدوره بخمس ايام كنت احس بمغص فضيع ققلت لامي قالت يمكن حامل قلت لها عن المزح مش حامل ولا شي اليوم الثاني رحت سويت تحليل منزلي بالليل طلع لي خطييين 😡 قلت لا اكيد مخربط التحليل راح انطر لين الصبح وعيده مره ثانيه طلع خطينننن 😆 قلت بعد مخربط عاد يوم رجعت من الدوام زوجي وداني اسوي تحليل دم وبعد ساعتين طلعت النتيجه اني حااااااااامل:( بعد ما مر على زواجي 10 شهور سبحان الله اذا اراد الله شي يقول كن فيكون والحين انا في الثالث الله يتمم علي ويرزق كل محروووم ولا تيأسوا من رحمه الله
وللمعلومه اسم الدكتوره فاتنه عمران من دوله قطر للمشاركات من دوله قطر
