قصه حملي وولادتي بليونه ..

وباختصار انو نزل عليا دم ببداية حملي وروحت فقيه للطوارئ وقالولي سقطتي وادوني ادويه ومضادات وابر وبعدين راجعت في الاطباء ابا اتاكد انو الرحم نظف اتري في البيبي ..

الحمدلله قلت قدر ولطف ياربي لك الحمد ..

الموهيم قعدت فتره وبدات اراجع عند د/ حنان الشمراني .. وفي الشهر الخامس قالتلي لازم نعمل السونار الكبير عملتوا ..
الشهر الي بعدوا جات تشوف الا لقيت في التقرير انو بطن البيبي في مويا  ..

قالتلي عشان تطمني دولا ماهم مرا شاطرين ومعرف ايه .. روحي لدكتور اسامه عبد الغني في عرفان ..
روحتلوا على طول فوقتها وعملت الالتراساوند الرباعي وطلع بطن الببيبي مليان مويه ، وقلي نتوقع انو من ثقب القلب لانو كبير يعني خرجت من عندو وانا اعرف اكتر  وطلب تحليل كروموسومات للتاكد ..
وانا الحمدلله سارت حالتي حاله بكريه واتفجعت كم فجعه ياربي لك الحمد ..
طبعن قلت كروموسومات ما اسوي ابدن ..
الله يسعدها دكتوره حنان ارسلتني عند تبع الجينات في المستشفى الجامعي عند د انتصار مدني ..
وقالتلي هيا تلاته احتمالات المويه اما انها من القلب او خلل كروموسومات او فايروس ياخود وقتو ويروح ..
وبرضوا حددتلي كروموسومات وقالتلي في التخصصي افضل ..
وبرضوا انا ما ابا اعملوا وطنشت وكنت يوميا او يوم بعد يوم اقرى البقره والرقيه واشرب ملعقه زيت زيتون مقري عالريق …
وسرت الله يكرمكم استفرغ كم مرا بعد مابدات ومع الاستفراغ نزلت قطعه سودا الله واعلم ايش هيا بس ماما قالت نزل الشر ا ن شا الله ..
المهم ود حنان سافرت وقعدت فتره ما اروح وبعدين روحت عند د/ جيهان في مجمع السامريه مرا طيوبه كل ماروحلها تطمني روحتلها تلات مرات وكل مرا بمشكله خخخ ..
اول ماحكيتها قالتلي دي الميه مستحيل تروح او تقل لانو د حنان كانت قالتلي قلت المويه ، قالتلي دي غالبا بتدمر الجنين ، وانا سبحان الله ماهزت فيني شعره قتلها طيب سويلي التراساوند قالت طيب وعملت الا المويه اختفت بقدره قاجر ياربي لك الحمد ..
بقي القلب ،رجعت لدكتور اسامه قال لا في الثقب ، رحت لدكتوره هيام ابو رمش في الحرس قالت في ثقب واحتمال شريان ، روحت الجامعي لدكتورجميل عطا شخص الحاله انها ثقب في القلب ، والتصاق بين الشريان الرئوي والاورطي وقال الحاله ممكن تولديها في اي مكان واي مستشفى بس بعد اسبوع توديها التخصصي تحتاج تدخل جراحي ،د/ حنان كانت تباني اولد في التخصصي تقول افضل ، بس هما كانوا عاكين معانا لانو التقرير جا من د حنان من الاطباء وهوا لازم من مستشفى حكومي ، قالت طيب اسويلكم اياه من الجامعي على اساس باقيلي وقت على نهايه التاسع وقالت لو مانفع اولدها في الجامعي ..
طبعن انا بنتي مانزل راسها وقالتلي د / حنان قيصري ، اخر يوم في الاسبوع ال38 اقوم من السرير سبحان الله كنت فطرت ومافيني أي شي قومت الا مويه تشرشر مني مرا كتير ومافي ذره الم ، وماما كلمتد حنان قالت تعالوا على الجامعي ، عبال دخلت اتروش ولبست خلاص وجا زوجي ، وانا انزل في الدرج بدات اول طلقه ، ودقت دكتوره حنان قالت مافيا سره ابدن في الجامعي خلاص الاطباء بسرعه ، وياسلام طول الطريق وانا اطلق تخيلوا بدا معايا كل 5 دقايق ، روحت طبعن نزلت السداده والمويات بحر ، دخلت طورائ الاطباء جاتني وحده دكتوره اعو ذبا الله منها اقولها انا قيصري قالت طيب لازم اكشف كشفت ويداتها كانها جبل مو يد من كبرها اعو ذ با الله وانا من الالم شديت جسمي شويا قامت تنفخ عليا ، المهم قالت دي قيصريه حااااااالا الرجول نازله  ..
طيب مو قتلك من بدري !!!! وزاد الطلق بعد الكشف وقاموا يجهزوني للعمليه ، وجات مدري ايش اقول عنها ملاك الرحمه ولا ايه ربي يسعدها جات فوق راسي من الطوارئ الين غرفة العمليات ومع كل طلقه تلقني ادعيه لبنتي ربي يسسسسسسسسسسسسسسسسسسسسسسسسعدها ويحميلها بزورتها يارب ويحق كل امانيها ، والله تهون على الوحده التعب ، وبس جا دكتور التخدير وانا من الالم ما ارد على اسئلتوا هيا ترد ، حتى جلس يضحك ويقولها هيا ماعندها لسان تقولوا انا امها ..
وخدرني وسوت العمليه الحمدلله ..
ودوني غرفتي وطبعن محد راني بنتي وانا بنجنننن اتاريها في العنايه واقوم بعمليتي وانزل العنايه بالليل ماقدرت وشوفت حبيبه قلب الماما ..
يومبن ونقلوها التخصصي ، وعمرها 5 ايام جربولها القسطره مانفعت ، اليوم الي بعدوا قلب مفتوح وانا قلبي يتعصر الحمدلله بنتي عمرها 6 ايام وقلب مفتوح وانا مالمستها تخيلوا والحمدلله ربي من عليها بالصحه والعافيه وهيا دحين في العنايه احسن الحمدلله ، وماتعرف ترضع حبيبه قلب الماما كل يوم ندربها عالرضاعه ادعولها تتعلم ، وباقيها عمليه او عمليتين ربي يلطف بينا يارب ..
دعواتكم لها بالشفاء يارب .. منظر الغرز في صدرها وبطنها يقطع القلب والله ..

اخيرن : أحب اشكر د حنان من كلللللل قلبي لولا الله ثم هيا ماعرف ايش كنت اسوي ، أخلاق جددددددن وقفت معايا وقفة ام واللهي عمليتها تجننننننننننن وكله تديكي مسكنات ماتحسي بشئ ما شا الله وحنونه وكل شئ والي تبا تولد براحه تروح عندها والممرضات في الاطباء يرفع المعنويات وحبوبين وكل شئ ..
اممم اقلكم الاسعار عشان يسير موضوعي مفيد :
د/ خنان الشمراني :
طبيعي :9500 ..
قيصري :18500 ..
كشفيه :200 ريال ..
الأطباء :
عناية الأطفال الله لايحوج احد لها :
1200باليوم ..
انا بنتي قعدت يومين ب8000 ماعرف ليه .. امكن ادويه وهيك ..
طلبنا د : ايكو جا من برا ب500ريال ..
السونار الكبير تبعهم ب400 اعتقد نسيت والله ..
الاخصائيات الكشفيه ب :150ريال ..

السامريه :
الكشفيه بدون سونار 70 ريال ..
السونار 130 ريال بس الكبير ..
الرباعي عندهم ب400 وماجربتو ..