قصه حملي وولادتي 00باحلى 00غنى

مرحبا يا احلى تجمع 00ايش اخبااركم
وحشتوووني 00 جيت احكيلكم الي حصل معايا 00 زي ما وعدتكم راح اكتب لكم قصه ولادتي 00المهم زي ما صحباتي في االتجمع عارفين اني اولد قيصري ومحددليا الولاده في الاسبوع الثاني من التاسع00 وكان نهايه شهري التاسع 15-5 المهم كنت اراجع في عياده الشركه من اول شهر الين الخامس سالت الدكتوره عن نوع الجنين 00قالت لي مو مبين بس احتمال بنوته00وخرجت ومعاد شفتها الا في نص الثامن00 لمن كشفت عليا قالت لي ان مويه الجنين ناقصه علا البيبي وممكن في خطوره علا النونو واعطتني موعد بعد اسبوع بس قلبي مو مرتااح رحت دكتوره حنان غنيم في بخش في مكه00 عملت لي سونار(طبعا ماقلت لها اني المويه ناقصه ابغا اعرف منها) جلست تقلب وتحوس وتلوص سالها زوجي ممكن اعرف نوعه الا الان ماعرفناه 00قالت لي المشكله انو في شي مخوفني سالتها ايش في قالت ان المويه ناشفه علا الجنين من قلة المويه النونو متلصق في بعضو0000هنا انا انتهيت ايش متلصق يعني قالتلي واني مو في الاسبوع ال34 انتي في 32 يعني اخرتني اسبوعين00 وحولتني اعمل سونار عند دكتوره ثانيه وخرجت من عندها من خوفي نسيت ثوبي مرفووع كويس اني لابسه عبايه وما جا هوا وطيرلي العبايه 00سرت اجري في الاسياب وانا متبلمه وعيوني بتخرج من الرعب00 عملت سونار عند وحده ثانيه غليضه اسئلها ماترد وتريح لي بالي 00 دم ثقيل
جلست انتظرها الين ترسل الصور للدكتوره 000 وعلا حظي قالت لي ان الدوام انتهى 00انا انجنيت ودخلت للدكتوره 00طالعت في تقولي انتي ايش عندك وهيا تجمع اغراضها 00 قلت ابغ اتطمن00 قالت لا عادي مافي خوف وتعالي بعد اسبوعين اتابع المويه00انا الان دوامي خلص بكل بروود تتكلم
وخرجت من عندهم 00 وكملت الاهماال وما رحت الا بعد اسبوع لدكتوره العياده 00 قالت لي ان في نقص في المويه والمفرووض تولدي عشان انتي دخلتي التاسع00 قلت لها ان الدكتوره حنان اخرتني اسبوعين0 جلست تضحك قالت مو علا كيفها انتي دخلتي التاسع والمفروض تولدين ولا في خطوره00هيا حسبت علا حجم الجنين 00 صح الجنين صغير بس انتي دخلتي التاسع واصلا هو طفل صغير حجمه ومكتمل00 واعطتني تحويل لفقيه ومن الصباح رحت ابغا الدكتوره سحر ميلودي اتصلت وانا في الطريق احجز قالت لي مافي موعد الا بعد شهرين 00 شهرين اي بس للاسف من الساعه 8 ما اشوف الا السرير الاسود قدامي اقولها ايش في تقولي انتي معاكي طلق ولازم تعملي العمليه سرعه

اهئ محد معايا لا امي ولا زوجي ولا احد جروووني جر للعمليات كبرت عقلي وقويت عقلي;) وقلت خلاص راح اقول للدكتور ابغا بنج نصفي00لازم اقوي قلبي00 ولمن دخلت غرفه العمليات سئلتني السستر انتي طالبه نصفي 😡 00 من الخوف قلت ايش شي بس اخلص من ارعب وعلا طول اعطوني ابره في يدي وبس ما شفت شي وصحيت علا صوت السستر مداام مبروك جبتي بنووته000 ودخلوني غرفتي وقدهم شررفو العيله بد ايش انا مت رعب بس الحمد لله علا كل شي00ربي تمم علي وشفت ينتي بصحه وعاافيه ومافيها الا كل خير
ولله الحمد والمنه علا احلى غنو الله يحفظهالي هيا واخواتها وابوهم ياااارب العالمين
سامحوني علا التطويل بس حاولت اختصر قد ما اقدر