عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم انشاء الله طيبين
بصراحه ودي اقول قصه صايره معاي وودي انكم تتعضون منها وتحذرون
احترت وين اكتب الموضوع باي قسم
المهم ماطول عليكم انا ماعرف اقول مقدمات مشكلتي 😐
==========
الله يسلمك الوالده تعبانه من رجولها لها سنين ولاهي قادره تمشي زين بس تعرج هذا غير الألم الي يجيها
وصفت لها وحده مراخه تجي لحد البيت اخذت رقمها الوالده وسوت معها موعد تجيها للبيت
طبعا جنسيتها فلبينه بس طول عمرها بالسعوديه ومتزوجه مصري
المهم جت اول مره سوت لأمي مساج انا دخلت عليهم حسيت شعر جسمي وقف
لقيتها تمرخ جسم امي وتسوي حركات بيدينها غريبها كأنها تمسك شي بالهوا وتنزله بالارض
تمرخ ساق امي واذا وصلت لأخر شي كأنها بترمي شي بيدها وتقرا قران
اول مره سكت
ثاني مره جتنا بعد كم شهر الا انا توي متملكه ودبلتي بيدي بس درت اني توي متملكه اكلتني اكل انتي لازم تعالجين وجهك كان فيني حبوب وانا عندي شي يصفي الوجه بس بعشرة ايام وعندي وعندي وعندي ورخيصه اسعارهم موب غاليه قلت اجرب وش وراي خل وجهي يصفى لين موعد الزواج
لين قلت لها خلاص جيبي وبعد كم اسبوع جابته لي
وقالت لازم اول شي تسوين مساج بوجهك قلت طيب
عطتني كريم عادي موجود بالمحلات دايم اشوفه وشي ثاني علبة اسكنول الكل يعرفه اكيد مطهر للوجه ريحته مثل الكولونيا بس لونه غريب بحياتي ماشفت مثل لونه كانه بيبسي او فيمتو وتقول مو موجود بالسعوديه انا اجيبه من الفلبين
المهم قلت لها مريم سويلي مساج لوجهي وحطيلي الكريم انتي
نظفت وجهي بالاسكنول وسوت لي المساج شافتها امي وقالت انا بعد مريم سويلي
المهم بهالليله انا مانمت مدري وش جاني غرفتي ماعدت ابيها صرت انام بغرفة اخوي فاضيه وصياح طول الليل وكوابيس اقوم من النوم وجهي منفخ من الصياح والروعه
وسكت ماقلت لأمي جلست اقرا على روحي البقره
كل ليله ولااقدر اكملها اعجز مره مرتين ثلاث لين الحمدلله مسكت القرايه طبعا من الي فيني تركت كل شي كنت اعتني بروحي ومتحمسه للزواج والي زاد الطين بله ان دبلتي الألماس فص ملح وذاب قمت من النوم ماحصلتها بيدي وانا قبل انام شايفتها بيدي لأني كنت على النت
عقبها جتني امي قالت انا مدري وش جاني هالايام بس اصرخ واصيح وانا نايمه وابوك لاحظ هالشي كل يوم أروعه مسكين ويقوم ويقرا علي
مدري شلون سبحان الله تفطنا وقالت لي امي روي جيبي العلاجات الي جابتها لك مريم المراخه
واجيبها واطالع الاسكانول واشمه زين واتفحصه
تدرون ايش طلع
طلع دم حيض الله يعزكم
الاندونسيات والفلبينيات يحطون على الحبوب الي تطلع لهم دم حيضهم وينشفه على طول
شغالتنا الاندونسيه قد قالت لي اول ماتجيك الدوره لى طول اخذي دم حيضك وحطيه على الحبوب تنشف على طول ويصفى وجهك على طول طرا في بالي كلامها
تخيلو كل هالفتره هذي طلعت انام واصحى على نجاسه بوجهي اخذت الادويه وربطتهم بكيس وبالزباله الله يعزكم
ومسحت رقمها وتوبه اخذ شي من احد ماعرفه
انتبهو يابنات مو اي احد تثقون فيه انا اعاالج الحين عند الدكتوره بالألاف ولااخذ من احد شي
ادعولي ان الله يتمم علي ويسر زواجي
انشاء الله ماطولت عليكم >>>>الا نفختي راسهم 😆 🙂
تحياتي لكم
