قصه معاناتي

سلام يابنات كيف احوالكم
انا متضايقه مررررررره ومهمومه وحزينه ➡
ماابغا منكم غير انكم تدعولي ربي يعوضني خير ويشفيني
والله طفشت مشاكلي كثيرررره وابغا افضفض لكم الي في قلبي
يوم كنت صغيره كان عندي احلام مالها اول ولا اخر كان عندي امل
ودائما اقول ابغا اكبر واتوظف واعتمد على نفسي ومااطلب احد شي انا طبعي مااحب اطلب احد شي ولااحس فلحظه اني عاله على احد وكانت عندي هوايات احبها واهداف اسعى لتحقيقها وحب اصبر نفسي عشانه وبراءه ملها حد كنت اتصور لما اكبر كل شي راح يضحكلي وكل الابواب راح تنفتح لي كبرت و انا عمري ماكنت غبيه لكن ماادري اش حصل وكل شي صار عكس
الصدمه الاولى كانت لم اتخرجت من الثانوي وكانت نسبتي حلوه بعد سنه مليئه بالجد والالم والبكاء
الحمدلله جبت نسبه زينه لكن رفضت تقبلني الجامعه ودخلت الكليه بقسم انغصبت عليه لان كان مافي خيار ياهذا القسم يالبيت وطبعا قلت ادرس ولا اني اقعد في البيت دخلت هذا القسم وانا مااطيقه ولا عمري فكرت مجرد تفكير اني ادخله لكن نصيبي
المهم حاولت تمشي اموري فيه لكن مره مي زابطه كل يوم ابكي ومتنكده واحس بضيقه مالها حد حسيت كل احلامي طاحت فوق راسي وسببتلي خلل صرت اذاكر واذاكر بدون اي فايده طلعت من اولى وانا حامله ماده
طلعت ثاني قلت لازم احاول واحاول تصبرت وكملت الترم الاول وكنت مذاكره وواثقه اني راح عالاقل انجح لكن للاسف حملت ثلاث مواد وكانت الصدمه بالنسبه لي كبيره جاتني حاله انهيار صرت ابكي واصرخ بدون مااحس بنفسي واهلي خافو مايدرون اش فيه ومو مصدقين ان هذا كله بسبب الكليه الله يكفيني شرها وكنت راح ادخل المستشفى لولا لطف ربي بي وتعرفون كلام الناس مايرحم بكل شي والله حتى لوكانت امي الي هي امي تسمعني كلام يقطع القلب بس لما كنت راح انجن ويدخلوني المستشفى صدقوني
المهم كملت سنه ثانيه بدون نفس وانا بحاله صدمه دائمه من الي قاعديصير معايه وبرضو حملت مواد لكن مااصرت احس باي شي غير القهر وراح اعيد السنه واتفرق عن صاحبتي الي مصبرتني اكمل
اه اه اه بس حاسه بغربه ملها حد
الصدمه الثانيه ان الشخص الي كنت احبه واستناه من يوم كنت صغيره مادراعني ولا عن احوالي ولا عمره سأل عني و راح يكون لغيري
طبعا اكيد انا مافيه اي شي يغري اي شخص يفكر يتزوج انا والحمد لله مو حلوه وجسمي مليان حبوب واثار القهر الاكبر ان امي مهي حاسه بمعاناتي اقولها امي ادعيلي ماتعطيني وجه وتكسح فيه وماعندي اخلاق وكمان فاشله دراسيا
والله قالتلي كلمه تقطع قلبي منها اتخيلو اختي توها داخله سن المراهقه طلعتلها كم حبه بظهرها قلت لاامي امي شوفي اختي طالعلها حب قالت ايوه انتي اعديتيها لان الحساسيه لاعبه فيه لعب وصدري احمر واحيانا احس اني ابقطع نفسي من الالم والحكه بالله انا اش ذنبي انا لو بكيفي اصير احلى وحده لكن ربي يريد كذا دايما يحسسوني ان اختي احسن مني بالشكل وهي على طول شايفه نفسهاعليه ولما نتهاوش مع بعض لاي سبب تقولي انقلعي بحبوبك بوجهك ياربي لاتبلانا
حتى صاحباتي بعد مادخلت الكليه وهما دخلو الجامعه اتخلو عني ولا عمرهم سألو ولما ادق عليهم مالهم نفس يتكلمو الله يسامحهم
غير كذا دايم احس اهلي وصحباتي دائما ينظرون لي نظره شفقه لاني الفاشله بكل شي بالبيت وبالدراسه
صرت حتى لو احد يسألني سوال سهل واعرف اجابته اغلط من كثر ماحسيت اني غبيه وماافهم شي
حتى الرسم والاعمال الفنيه والاشعار الي كنت اسويها رااااحت وماصرت اعرف شي غير الاب توب اضيع وقتي فيه
مااطلع ولا نفسي اقابل احد
مليـــــــــــــــــــــــت لكن مباليد حيله
ماابغا منكم غير دعوه صادقه بالشفاء العاجل والرزق والزوج الي ينسيني همومي والامي ويرضى بكل عيوبي
محتاجه دعواتكم بكل خير