عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
شووو اخباركم انشاء الله كويسين؟؟
المهم جبت لكم قصه من تأليف مخيخي
يالله ببتدي القصه وانشاء الله تعجبكم قصتي
في اربع بنات ربع في المدرسه الثانويه الصف الاول
1_ مريم (( بنت حلوه وشاطره بس عيبها انها قصيره والحمدلله مسالمه ))
2_ سلوى (( بنت مسترجله لدرجه الوهاصه وكله عبالها البنات يحبونها بس فيها شي زين لو تقولون لها ابي شي تلبي الطلب ))
3_ ساره (( بنت تحل مشكلات البنات وتنصت لصديقاتها في كل مشكله وتحل مشكلتها بكل سهوله وقلبها طاهر ابيض))
دلال _ (( بنت واثقه من روحها بزياااده وصريحه وياكرها اذا جات تسوي نفسها خفيفة دم ))
مريم دقت على سلوى العصر الساعه 4
مريم : الووو السلام عليكم
ام سلوى : هلا وعليكم السلام هلا هلا مريوم
مريم : هلا خالتي شخبارج
ام سلوى : الحمد لله كلنا بخير حبيبتي
مريم : خالتي موجوده سلوى ؟
ام سلوى : اي حبيبتي مريوم اليوم سلوى تعبانه ونايمه الحين تبين شي اقول لهاا؟
مريم : اشفيها سلوى عسا ماجاها خبيث؟
ام سلوى : لا ياعيوني مافيها شي بس أهي تدلع علينا شكلها بس تبي تغيب
مريم : خلاص ياخالتي قولي لها انا ودلال وساره بنجي لهاا بعد ساعه
ام سلوى : خلاص يوصل ان شاء الله الحين بروح اقول لها
مريم: مع السلامه
ام سلوى : مع السلامه في حفظ الله
مريم : شنو فيها سلووه غريبه تعبانه لايكون مرضت على ذاك اليوم الي تسببت معاها الدبه مها
صح نسيت بروح ادق على الربع عشان نروح لها
ترن ترن ترن
دلال : هاااااالو مييييين
مريم : هلا دليّل شخبارج
دلال : الحمد لله تماموووو وانتي؟؟
مريم : الحمد لله
دلال : دووم ياربي
مريم : المهم دلالوو ترى سلوى تعبانه وبنروح لها لازم زين؟؟
دلال : اوكييييي بس متى ؟
مريم : بعد اشوي تجهزي انتي وانا بدق على السواق يجيني وراح امر عليج
دلال : انتظري بعد ساعتين على ماأتكشخ
مريم : دلالوه بمشي عنج يالبطيئه الله يعين اهلج عليج يالبارده
دلال: اشفيج انتي ليش معصبه علي
مريم : انتي تحرقين اعصاب الي ماتحترق اعصابه سمعي دلول دقي على ساره وخبريها
دلال : اوكيه باااي
مريم : باي
مريم : ياربي الحين بيخلص رصيدي حق الجوال بس يالله عشان سلووه خل يخلص
كايبوي ماي كلالي باري اها اها << نغمة جوال كومار السواق ههه
كومار : الوه
مريم : كومار وين انتا
كومار: انا في بقاله يبي يشتري هق انا بيبسي
مريم : عما في عينك تموت على الببسي تعال بيت
كومار : هااازر مدام
طق << سكرت الجوال بوجهه
طق
كومار نزل يرن الجرس بيتهم
مريم : جيت
كومار : اي مدام يله اطلع بره
مرت مريم على البنات ربعها وراحو بيت سلوى
ام سلوى فتحت الباب
البنات : السلام عليكم
ام سلوى : وعليكم السلام
ساره : هلا خالتي شخبارج
ام سلوى الحمد لله تمام وانتو
البنات : الحمد لله بخير
ساره : وين سلوى
ام سلوى : فوق بغرفتها
البنات راحو فوق للغرفه
سلوى غاطه وجها بالحاف
ساره : هلا سلوى اشفيج
مريم : حبيبتي سلوى عسا ماشر
دلال : سلوى اشفيج !!
سلوى : هلا بنات استريحو استريحو
مريم اليوم دقيت عليج لج يومين غايبه عسا ماشر !؟
ساره : اي صحيح توني بدق عليج الا دقت عليج مريوم قولي اشفيج
سلوى : آه هم كبيـــــــر فيني ولا أحد حاس فيني
مريم : ليــش وحنا وين رحنا
دلال : صحيح احنا يعني وين رحنا مو مالين عينج << تطق علك وتلف في شعرها ووجها بالجهه الثانيه
سلوى : عاد سكتي انتي بس ماعمري سويتي لي شي زين
ساره : صلو على سيدنا محمد
البنات : الهم صلي وسلم عليه
ساره : سلوى يابعد عيني اشفيج يمكن انا اقدر احل مشكلتج
سلوى : مــــــــــــــاحد راح يساعدني ابد
ساره : قولي أشفيج وان شاء الله نقدر نساعدج
سلوى تصيح : والله ماتقدرون تســاعدوني
مريم : ياربي ياسلوى طيب ليش ماتقولين
سلوى : اففففففف ماقدر اقول
ساره ومريم : ليش؟
سلوى: احراج ماقدر ماقدر
ساره : طيب احنا نفهمج ونعرفج بس هالمره صايره غامضه بزياده قولي عيوني قولي
دلال : اقولج نكته في فيل منحاش عن امه وبوه قالت له النمله البدّ وراي هاهاهاهاااي
سلوى: والله انج فراغه ياليت يصير لج الي صاير لي
دلال: تف تف تف اسم الله علي
ساره : سكتي دلال الله يعافيج ياله قولي سلوى وكلنا اذان صاغيه
سلوى : مااعرف مادري شقول احس مو راضي يطلع من بلعومي
مريم : يعني شي جايد وله عادي
سلوى : لا اكيد شي جايد
مريم : طيب قولي
ساره : اي صح مريوم عورتي قلبي قولي عاد
سلوى: طيب بقول
سكتت سلوى اشوي
سلوى : جاتني
مريم وساره ودلال : شنو مين الي جاتج؟؟
سلوى : مابكمل فهموها انتو
ساره : سلووه تراج تتكلمين بالالغاز شنو الي جاتج
سلوى : جاتني الدوره
دلال : جبتينا من هناك وغايبه لنا يومين وعندج شي جايد بعدين تقولين جاتني الدوره وخير ياطير كلنا جاتنا
ساره : اها سلوى مايخالف يعني شنو صار
مريم : صحيح روعتينا عبالنا شي ثاني
سلوى : انتو شنويعرفكم ماتدرون ان انا ابي اصير ولد في ولد بهالدنيا تجيه الدوره
دلال: خخخخخخخخخخخ
سلوى تقصد دلال : سكتي انتي
مريم : طيب انتي بنت ياسلووه مو ولد
ساره : سلوى استغفري الله الله الي خلقج وتحمديه بدال ماتصيحين وصاير وجهج اصفر قولي الحمد لله ان انا بنت
سلوى : يعني انتو ماتعرفوني ان انا مشهوره في المدرسه ان انا ولد وكل البنات تشوفني
دلال : مصدقه روحها خخخخ
مريم : ياسلوى احنا نشوفج بنت بس انتي الله يهداج تشوفين روحج ولد
سلوى تصيح: طيب واذا البنات دروو ان جاتني وين اودي وجهي
دلال: ههههههه
مريم : عادي مافيها شي عاد انتي بنت
ساره: استغفر الله انتي بنت وببتغيرين الحين وبتشوفين روحج ان انتي خلاص صحيح بنت
مريم : اي صح كلام ساره
سلوى: شالحل
ساره : الحل انج تصيرين طبيعيه وعادي ليش هالزعل كله عشان انها جاتج
سلوى : آه اخخخ اففففف
ساره : فكري اليومين هذي وقولي لنا واحنا ندري ان هالاسبوع بتغيبين عشان هالمشكله بس مايخالف فكري عدل وزين وفكري ان الله خلقج
سلوى : ان شاء الله
البنات : يالله تصبحين على خير
سلوى : وانتو من اهله
مريم : بدق عليج اليوم
ساره : حتى انا
دلال: حتى انا
سلوى : اوكي
البنات : مع السلامه
سلوى : ااففف الله يسلمكم
ها شراكم بالقصه تبوني اكمل وله لا؟؟؟؟؟؟؟؟؟؟؟؟؟؟؟؟ اذا عجبتكم قولولي عشان اكمل :090:
