عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساااااء/صباااااح الخييييير يا كروشااااات;)
اخباركم مع الاجسام الرشيقه والبطون المشدوده .. انا اليوم جبت لكم قصه ولادتي الاولى منها تسليه ومنها اقولكم على مشكلتي الحين وان شاء الله القى منكم كلام يريحني << ياكثر مشاااكلك واسئلتك وخرااابيطك اللي ماتخلص
السالفه طالت اعماركم << تربعت 😆 🙄
كان حملي الاول وماكنت عارفه اش راح اجيب كل مره كان النونو مو مبين مره ملقينا ظهره ومره مقفل رجلينه ومره الحبل السري بين رجوله ماكان هامني كان اهم شي عندي اشوفه طيب ومتعافي كنت عند زوجي بالشرقيه بس لما قربت ولادتي رحت عند اهلي تعرفون بكريه ولااااازم ابلش امي معاي
المهم اهلي في منطقه مو كبيره يعني مافيه الا المستشفى العام الكبير
عاد انا كملت مراجعتي عندهم وتعرفون بما اني بكريه تعديت موعد ولادتي ب8 ايام المهم يوم الاربعاء كنت عند الدكتور تخطيط كل يوم لاني طولت الدكتور قالي لما يجي يوم القومعه وانتي لسى ماولدتيش تيقيني اعملك عمليه
هو قالي عمليه انا صارت عيوني كذا
<<< دجاااااااجه بنت الحلال .. المهم من يوم سمعت عمليه وانا بطني يمغصني رحت لبيتنا .. بطني يمغصني.. خلص الاربعا.. بطني يمغصني .. جا الخميس بطني يمغصني << كل هاذا عشان قال عمليه اجل لو محكوم علي اعدام!!
الموهيم وقتها كنت قالبه نومي يعني انام بالنهار واصحى باليل ذيك الليله تسلطت وقلت بعدل نومي بنام بعد الفجر واصحى بدري مع صلاه الظهر اقصد يوم الجمعه ( طبعا كل هالكلام وفيني مغص بس مره خفيف عادي جدا) المهم صليت فجر الجمعه وانا مواصله وقمت تروشت واستشورت شعري وقعدت على سريري اتدهن <<عجيز ويوم ارتحت وعينت من الله خير قلت يالله يامخده 
بنات انا انسدحت منا هنا الا وشي دافي حسيت فيه نزل وانتوا بكرامه رحت اشوف الا وفيه شوي مويه طبعا امي قايله لي كل شي بس انا ماجا في بالي انها ولاده رحت وغيرت ورجعت انام<< قلبها منفضخ الا وتتكرر نفس السالفه يؤ!!!!!شوي زادت السالفه شوي شوي صار فيه مغص غريب يجي بسرعه ويروح!!!!! يممممه وشو ذااا بعد
قعدت على هالحال الين جات الساعه 9 والله واصحي اووووومي
واعلمها قالت لا مايصلح هاذي مويه الجنين امشي المستشفى
واروح وانا مستاااانسه 💡 مدري وش اللي بيجيني بس وقتها كان فيني نووووووم لاني من امس مو نايمه المهم دخلوني غرفه فحص اول ولقته مفتوح 2 سانتي وقالت يالله جواااا والله واستااانس زياده وادخل معها 😈 شوي الا ودكتوري جا طبعا هو استشاري ويعرف ابوي بالمره ف مسوي فيها معامله خاصه المهم جا وسال عن كل شي وماكشف علي فيهدكتوره تكشف وقالي كول حاقه كويسه قلت له طيب انا بطلع فيني نوم بنام وفالليل اجي << رايحه عرس الظاهر
قالي لا مستحيل ميّه القنين بتنزل
والله واقعد وماعرفت انام من الازعاج شوي العب بالجوال شوي اقوم افرفر بالقسم اتفرج وزوجي ياحياتي ماعلمته وكل مادق صرفته بسالفه ماابيه يعلم امه ومابيه يحاتيني مع انه كشفني فالاخير
ماعاد فيني طاقه يوم شفت الوضع كذا عرفت اني ماراح اقدر اسوي شي ولا اساعه نفسي حسيت الموضوع اكبر من قدراتي واتصل على ابوي وانا اصيح لاني عارفه امي شلون بتهديني تخيلوا يابنات اول مره اكلم ابوي كذا 😆 idea: قلت له شووووف انا مااقدر اولد انا بموووووووت الحين ومن غير ماتقول لامي دق على اكرم< الدكتور يجيني يفتح بطني << خروف مو ادميه 😥 تراااني بموووووت والله مااقدر اولد قال يابنتي تعوذي من الشيطان و و و وقمت اصرخ عليه الله يسامحني 😛 قلت له كلللللللم الرجال وقفلت الخط تخيلوا 😎 ربي يسامحني شوي الا امي تتصل كككك علمها ابوي واصرخ عليها قلت لها انا مااقدر انا مانمت انا مرهقه مره مااقدر اسوي شي كلموه بسرعه واقفل الخط:P
وكل شوي يتصلون وانا ماارد كنت طايره بين السما والارض الطلوق تلعب فيني فالاخير يوم زهقت دقيت عليهم << بعد شين وقوي عين
قلت وين الدكتور قالوا يقول مااقدر اجي ( طبعا يكذبون علي لانهم قالهم انا سالت عنها وضعها طبيعي وكل شي كويس سيبوكوا منها هيا بتتدلع واقعد اصرخ وكل شوي اتصل وهم كل شوي يصرفوني
قلت ماش اهلي ماينفعون واحط حرتي بالممرضات ابي الدكتوووووووور اقرفت امهم كانت الساعه2 ونص الفجر فالاخير زهقوا مني وعطوني مسكن في ابره ارتحت بقوووووه شوي وراح اثره ورجعت اجن من اول شوي الا وصوت امي
تخيلوا يابنات دخلوا امي علي
تصدقون كثر ماحطيت حرتي فيها كثر ماكنت ارتاح من الالم بس ياحياتي وربي عذبتها الله يخليها لي ويجزاها خير ياكثر مابكت مسكينه ذاك اليوم 👿
شوي جات السستر ومعها ابره قلت لها هاذا ايش قالت مسكن انا انبسطت على بالي مسكن قبل شوي
طلع طلق صناعي يابنات 😆 idea:قسم بالله كنهم شابكيني فالكهرب
وانا اللي اولع فيهم انواع الصياح وش سويييييييت في امي
😆 🙂
حتى كان بالغرفه حمام واحد وانتوا بكرامه من بعد الساعه 4 وانا فالحمام مو راضيه اطلع قاعده ع الكرسي واصرّخ وامي على راسي هي والممرضات واشكالهم كذا احسهم يلعنون الساعه اللي جت فيها هالبزر عندهم وعليها الين اذن الفجر
قالوا الله اكبر من هنا
ودوني غرفه الولاده من هنا
وشدي حيلك شدي حيلك هه هه الين جات احللللللى بنوته فالدنيا فرووووحه 😳
المشكله يوم جات من يوم طلعت وهي تصييييح تصيييح والسستر تقول لسااااان طوووويل سيم سيم مامايالبى بس
وخيطوني وطلعوني ويوم طلعت اعتذرت منهم كلهم وانا ع السرير وشفت امي وضميتها وقعدت اصيح وهاذا اخر شي شفته
لاني لاشعوريا نمت<<< من امس صاااااحيه وماصحيت الا الظهر وهم جايبين لي فول وطحينيه
حتى زوجي ماكلمته لين صحيت
الحين انا معد ابي اطول لاني متاكده ان هاذي اطول قصه ولاده قريتوها بحياتكم بس المشكله الحين وين فيه
المشكله اني للحين دجااااااجه خواااافه واخوف من اول والحين انا عارفه وش سالفه الولاده لدرجه اني من الخوف كل مايجيني مغص وانا توي بالسابع تقعد رجليني تصافق ويقلب وجهي ازرق من الخوف واقول ولاده
ف وشلون راح اولد وانا كذا ووشلون راح اولد وامي ماراح يدخلونها معي لانه ممنوع بس ذيك المره من كثر مافضحتهم فالمستشفى بصياحي وربي يابنات خايفه خوف مو طبيعي تكفون طمنوني 😐 ابي اتشجع واساعد نفسي بس عارفه نفسي على هالخوف احس ولادتي اول مره كنت اشجع من كذا مليون مره
الله يهون علي وعليكم ويقر عيونا بشوفه مافي بطونا بخير وصحه وسلامه
( على فكره ماتبت شوفوني للحين نومي خربان واسهر فالليل)
والسلام
