قصه ولادتي المفاجأه

السلام عليكم ورحمه الله وبركاته
حبيت انزلكم قصه ولادتي المفاجأه واللي ماكنت ابدا ابدا اني اولد بهاليوم لان كان موعد ولادتي 1-11 وولدت يوم 18-10 يوم الجمعه بالليل
اول شي جاني طلق خفيف من بعد صلاه الفجر وحسبت انه مغص عادي تعرفون بكريه ومااعرف المغص من الطلق المهم جات الساعه 8 الصباح واروح المستشفى تعرفون يوم الجمعه مافي الا طواري وعلى طول قالت لي لازم اكشف وانا مصره انه مغص عادي ورفضت الكشف وحاولت معاي لما جت تكشف وصارخت عليها المسكينه عاد ماعمري جربت الكشف وماحسبته بالشكل هذا يوووه اللي تقول الكشف مايعور اعذروني والله مووووت ههههههههه وماخليتها تكشف زين قلت خلاص انا اكلت البارح وشكله تسمم اصرفي لي مسكن والمسكينه على طول صرفت لي مسكن ههههههههههه رجعت البيت واحس الالم يشتد اكثر من اول وماغير اتلوى بالفراش ومع كذا صابره كنت مره خاااايفه من الولاده مع ان مقرر لي عمليه وكان بيحددونها يوم السبت وهذي الاحداث يوم الجمعه المهم رجعت للمستشفى بعد صلاه الجمعه قالت مااقدر اسوي لك شي انتي بكريه واحتمال تقعدين يومين كذا يوووه الالم ماينوصف وهذي تقول لي يومين جاء العصر ويزيد واستسلمت واروح للمره الثالثه والاقي دكتورتي مستدعينها وكشفت علي قالت مافي ولاده الرحم مقفل وانا حاطه في بالي طبيعي لا ورجعوني البيت هههههههههههه وانا ماشغلتي الا رايحه جايه وزوجي وجهه متغير بس مايبي يوضح لي شي كل ماقلت له يالله قال يالله منهبل من الالم المهم ويجي بعد صلاه المغرب والالم مره كل خمس دقايق جد ذاك الوقت عرفت انه خلاص وابي اولد وارتاح نزلت شويه مويه وارجع للمستشفى ههههههههههههههههههههههههههههههههه ويوم شافتها قالت مو ولاده ارجعي لحوووول وانا اقول لها خلاص ولدوني ابي ارتاح قالت الرحم مسكر وارجع البيت وزاد الطلق صار كل دقيقتين والم مره مااقدر اتكلم ومامداني اجلس الا وانفكت المويه حسيت براحه واحس الالم خف احسن من اول واتصل زوجي على الدكتوره قالت خلاص خلها تجي واستدعو دكتورتي يوم رحت كشفت انفتح الرحم 3 سم بس والمويه نزلت وماعاد اتحمل اصارخ بس اقولهم خلاص دخلوني العمليات شوي تجي الدكتوره تقول لي اليوم جمعه ومافي تخدير واجلس ابكي واترجاها تكفون خلاص باموت زوجي انهبل ويصارخ يقول كيف مستشفى مافيه تخدير او حتى احد يناوب وعلى طول استدعوه قامت قالت لي خلاص دخلوها العمليات شوي قالو شركة التامين مو مداومين يوم الجمعه ولازم موافقه انا في وادي وهم في وادي قال زوجي والمطلوب يعني زوجتي بتموت وانتم يقولون لازم موافقه ليه ماترسلونها من قبل قالو خلاص روح ادفع عشان نقدر ندخلها العمليات تخيلو الاحداث هذي من صلاه العشاء الى الساعه 10 بالليل وانا متعذبه وعلى طول راح دفع زوجي وطلعوني العمليات وجلست انتظر دكتور التخدير متى يشرف وقعدت تقريبا ربع ساعه لا وازيدكم من الشعر بيت القصطره ركبوها لي 4 مرات وعلى طول خدروني 10 ونص وجات الساعه 12 مادريت الا وهم يصحوني والمده اللي خلوني فيها لما جاء التخدير وطلعوني العمليات وانتظرناه التف الحبل السري على البيبي ماعلموني الا اليوم الثاني بس الحمدلله كلنا بخير انا والبيبي وهذي هي قصه ولادتي صح طولت عليكم بس قلت لازم انزل لكم بالتفصيل الممل