عالم البنات النسائي كل ما يخص المرأة العربية من ازياء وجمال والحياة الزوجية والمطبخ
أهلين كرووشآت ونفووسآت
..
ابشرركم ترآ ولدت الحمدلله << قديمه 
بس حصلت لي ظروف وماقدرت ادخل واكتب قصه ولآدتي .. لانو صآبني اكتئاب بعد ما ولدت مو طبيعي
بس ابكي .. وما ابغى اقابل احد .. 
الله لا يوريكم دآ الشعور ..
حبدآ قصتي ..
“1“
كنت بآخر يومين بالتاسع .. وكنت حخلصو يوم الجمعه الموافق 14 ذو القعده
عالعموم كآن عندي موعد مع دكتورتي في سليمان فقيه يوم الخميس .۔
” يعني قبل مااخلص التاسع بيوم“
كنت مررة طفششانه من نفسي وخايفه ..لانو الموعد الي قبله كان رحمي مفتوح 1 سم بس
وعندي تكلس بالمشيمة ..ووزن البيبي ماتبغاه يزيد عشان مايكون كبير عليا ..
فقالتلي لمن حتجيني نهايه التاسع ازا ماجاتك بوادر حنحدد موعد للطلق الصناعي.۔
فملن روحت الموعد شافتني وكان لسع 1 سم ..طبعا انا انوااااااااااااع الاحباط
ولقت في تكلس اكتر قالتلي حنحدد يوم للطلق الصناعي وحيكون يوم الاحد..انا طرررت من الفرح
حسيت انو اخيررا قرب الفرج
الموهيم يوم السبت صحيت من النوم والاقي شي زي الزلال بس ما معاه دم .۔
طبعا قبلها بالليل كنا سهرانين مع البنات بالتجمع <<
فديييتهم
المرة التانيه لقيت انو بينزلي دم معشي كثيف مخاطي شوية
سآلت البنات قالولي هدي السداده ..فررحت وخفت ..كان دا كلو الساعه 7 الصباح .۔
كلمت ماماتي قالت هدي علامه ولاده ..بس استني امكن حيجيكي طلق
روحت استحميت وزبطت نفسي وشعععري وشنطتي .۔ استعدادا للولاده
قعدت مع البنات الييييييييييين 11 الصبح ..وقتها ماما خرجت من دوامها وقلنا خلاص نروح عالمستشفى
روحنا اخدناها انا وزوجي وروحنا على الطوارىء ..حطوولي جهاز التخطيط ..وقاسو الرحم .۔
كان 1 سم ونص .۔ وفي طلق بس مو منتظم مررررة ..قعدت كم ساعه .۔
بعدينا جات دكتورتي وقالت حنطلعك فوزووق للغرفه ونخليك تحت الملاحظة .۔
يعني كل شوية حنشوف الطلق ونبض البيبي طلعت الغرفه وارتحت شووية
وكل وقت يجو يطمنو على وضعي .۔
قالولي ادا ما انتظم الطلق ومانزلت موية الراس ..بكرا 8 الصبح حنزلك عالولاده للطلق الصناعي
“يعني زي الموعد الي كنا متفقين عليه مع الدكتورة في زيارتي الاخيره لها ”
“2“
قمت صباح الاحد الساعه 6 .۔ كان زوجي بآيت معايا .۔ ومامتي رجعت البيت تجهز نفسها وترتاح
جاتني مامتي بالصبح .. وقعدت امشي ساعه وربع في المستشفى .۔ وانا امشي حسيت بشي بينزل
طنششت قلت لو زاد اروح اشووف .۔ واستمريت امشي بعدينا حسيتو مررة زآد وبدآ ينزل لفخدي
رجعت عالغرفه الا اشووف السداده لسع مستمرة تنزل ومعاها دم .۔
ارتحت شوية عبآل ماتجي الساعه 8 .. وينزلوني للولادة .۔ 
جآت الساعه 8 ونزلوني لتحت لغرف الملاحظة .۔
قآسو الرحم .. لقوه 2 سم .. بس يآدوووب ..
برضو كان عندي طلق ومو منتظم ۔ ۔ جات دكتورتي واعطتني تحميلة عشان يفتح الرحم اكتر ،,
وكل ماتمر ساعه احسالطلق يزيد .۔ الين الساعه 11 الصبح وهوا شبه محتمل ..
طبعا سمعت انووواع الصريخ .. بدآت ارتعب مرررة
وبعدينا بدآ يزيد الالم مررررة عالساعه 2 .۔ جات الدكتورة وقاست ..لقته لسع 2 سم
حطتلي التحميله التانيه .۔ وقالت الين 9 الليل ازا مافتح اكتر حنحولك عمليه .۔ لانو طلقك حامي
والرحم معلق على 2 سم .. ونخاف ينفجر لاسمح الله .۔
من الساعه 3 بدآ الالم يسير غير محتمل .. طبعا ماكنت اصرخ بس كنت اتألم وابكي
كانت معايا مامتي وزوجي .۔ وبعدينا جات ام زووجي .. خففو عني كتير ..
كانو كل مايبغو يجو يقيسو مررررررررة اخاف لانو لمن الالم زاد سار القياس يعوور اكتر
خصوصا انو كل مايقيسو يحاولو يوسعو اكتر ..
الين ماجات الساعه 7 ولسع معلق على 2 سم .۔ طبعا سرت ابكي وعصبت .۔
وقلت خلاص ابغى عمليه ارحموووووني من دا الالم ..
” دكتورتي قالت لمن يفتح 3 سم حنعطيك ابرة الظهر ” في حاله مااستحملتي الالم وحابه تاخديها
اخر مرة لمن جاتني شافتني مرررة اتلوى من الالم .۔ قالت مو مشكله تاخديها وانت 2 سم
<< كسرت خاطرها 
طلبنا انو خلاص يعطووني الابرة .. بس كانت غرف الولاده مرررة زحمه ومافي مكآن ..
استنينا الين السعه 9 ونص .۔ طبعا هنا .۔ انا كنت مرررررررررررة مستوية وخلاااص منتهيه عالاخر من الألم
قبلها بساعه الا ربع .۔ كانت في دكتورة هيا اللي ولدت مامتي عليا .. يعني خرجت على يدهآ
هيا من برآ المستشفى بس تعرف مامتي ..
في اثناء شده الالم كانت ام زوجي الله يسعدها تقرآ قرآن عليا .. وقرآت سورة يس ..
وكانت تقولي اححس انو دا الالم يعني فتح اكتر .. 
انا كنت وقتها اقوولهم خلاص مادام حاخد الابره بعد شوية ماابغى احد يكشفلي الا لمن اخدها
لاني اتعذب مررة .۔
راحت ام زوجي خرجت ومالقت احد . . جات دكتورة الي ولدت ماما عليا وقالت لها خلاص انا اجي
اقيس مدام مافي احد .۔ جات قاست لقته 3 ونص الى 4 .. هنا كلنا فرررحنا مررة
وقالو خلاص حندخلها على غرفه الولاده .۔ قلت يلا الحمدلله قرب الفرج .. بس للاسف الغرف زحمه
ومافي غرف تفضى الا بعد ساعه . .حاولت استحمل واستحمل .۔ الين جو ونقولني للولاده .۔
كانت الساعه 10 ..جا دكتور التخدير وسوالي الابرة وهو يتمتم بايآت من القران..كان وقتها زوجي معايا
بعدها بشوية بدا الالم يخف مررة ورجوولي تنمل وما اشعر فيها .۔
قعدتتت .۔ وجات دكتورة تبى تكشف انا مررة خفت .۔ الا الاقيها دخلت يدها وتوسع وانا مرررة مو حاسه
بشي .۔ شعوووووووور يجنننتن لمن يكشفو وماتحسي ..سرت اتمنى كل شوية يجو و يوسعوو
بعدها فتح 6 ونص سم عالساعه 1 ونص الليل .۔ عالساعه 3 فتح 9 او 10 سم .۔
بس نونتي كانت مرتفعه شوية مو مرة نازلة بالحووض سارت تدفعها من فووق
وتقوولي ادفعي بشويش عشان يقرب الراس وينزل اكتر ..بعدينا فتح 10 سم ..وجات دكتورة
تانيه غير دكتووورتي وسارت تقولي لمن تحسي بالطلقه ادفعي ولمن يروح وقفي
انا ماكنت شاعره بشي ابببدا وكنت اقولها كدا ..تقولي بعد شوية حتشعري بشي خفيف لايذكر
لمن تحسيه ادفعي ..انتظرت شوية وحسيت بالم مرررررررررررررررررة نقطه حتى بالكاد لاحظتو
دفعت دفعه قوية بس نفسي ضيق ووقفت ..جات التانيه ودفعت بنفس اطول وماقدرت ووقفت
التالته دفعت بكل قوووتي وطووولت نفسي وسارو يحمسوووني يقولو شاطرة كمااان كمااان
خلاص حتنزل ..وفي لحزة حسيت بشي غريب ..كدا جسم يخرج مني .۔
وخرجت بنوووتتي حبيبتي تبكي حطووها على صدري وانا مو مصدقه ..بالضبطت خرجت الساعه 4 الفجر
بعدينا خيطوووني وكل حاجه .۔ وعالساعه 8 الصبح طلعووني غرفتي .۔
بنوتتي سميتها رفيف الله يحفظها ويخليها ليا ياااارب.۔
ويارب يسهل عالحوامل ولادتهم.۔
صراحه انصحكم بابرة الظهر اللي بفقيه .۔ تجنننن وعنايتهم حلوووة مرةة 
خياطتهم تجميليه بدون ماتطلبي ..وكل الي هناكا عسسسل مررة .۔ كانت الحمدلله ايام حلوووة
