عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اول شي السلام عليكم فراشات
انا طبعا كنت هون بس الي فتره ما دخلت لانه ما كنت فاضيه انا ئبل شهرين بالضبط ولدت
بــ 226 2008 ما بعرف بالقمري المهم الله اومني بالسلامه الحمد لله وسهلها علي
بس بدكم الصراحه انا ما كنت اتوقع الولاده هيك 😆
يييييييييييييييييييي انا ما طولت بولادتي بس شفت الموت بعيوني من الوجع كانت بالنسبه للي كانوا معي اسرع واسهل وحده الحمد لله
طبعا انا اخدت دوى عشان اولد لانه تااخرت عن موعد ولادتي اسبوع وعنا ما بيعطوا اكتر من اسبوع واحد
ئبل حكيت عن المحرض الي كانوا بدهم يحطولي ياه بس انا كنت فاهمته غلط انا كنت مفكره انه جل بحطوا بعنق الرحم طلع هيك بس الجل مو عادي جل عادي اصدي بيكون متل كبسوله بتحطها الدكتوره بعنق الرحم
وهادي الكبسوله ما بتخلي الرحم يتوسع لا بتخلي الطلئ الطبيعي يجي لحاله حطولي ياها على الساعه 7 المغرب وبلش معي الطلئ بعد نص ساعه بس ما كنت حاسه في بالمره لدرجه انه الممرضه استغربت من الموضوع لانه كيف صارت هادي
انه الطلئات بتبان على المونيتار بس ما بحس فيها المهم على الساعه 8ونص بدايت احس بالطلئ بس كان متباعد بس والله بوجع وبالمستشفى اعدت بالجكوزي عشان يخف وجع ضهري وضل زوجي معي عشان ازا حتجت شي
المهم على الساعه 10 بدا الطلئ يزيد والموت بانه ما كان عندي ولا شي توسع وكان الوجع كل 5 دئايئ وبهاد الوئت اجت الممرضه الله لا يوفئها طلبت من خالتو وزوجي يسيبوني ويروحوا مع انه ممكن يكون معي واحد وعملولهم ئصه طويله عريضه الله لا يوفئهم وطبعا انا صابتني حاله عصبيه وزاد الوجع لدرجه انه صار كل 3 دئايئ طلئتين ههههههههههههه بس والله متت وانا لحالي واحنا حكينالهم انه ما بعرف احكي انجليزي مع انه بعرف احكي منيح بس بدي حد يضل معي
وهاد كله وانا لحالي وبعد ساعه اجت اخت وزجي وضلت معي وبهدلتهم وطلبت غرفه برايفت ونئلوني طبعا فحصتني وهو ما حد عندي كان صاير 2 سنتيميتر والنيرسات الله يخرب بيتهم حطوا انه ما في توسع مع انها حكتلي في 2
المهم نئلوني وفحصوني عطول كان عندي 4 سنتيميتر ورجع زوجي وامه عطول وضلوا معي ولما فحصوني كانت الساعه 12 ونص وكان الوجع كل 3 دئايئ طبعا وبعدها الوجع ما خف واجت الدكتوره ودخلت بدخلت زوجي ورجعت فحصتني على الوحده ونص كان التوسع عندي 7 سم
وبعد 10 دئايئ صار عندي التوسع 10 سم وولدت على الساعه 2 بالليل يعني ولادتي كانت بس 20 دئيئه وبس الحمد لله وانا كنت اطلئ كنت ابكي واحكي لزوجي “طبعا ضل معي هو وامه وممرضتين والدكتوره” ازا بدك ولد تاني روح تجوز انا ما بدي “بس على مين والله ما بخلي هههههههههههههههه
هادي ئصه ولادتي لعصوم حبيب ئلبي هلا صار عمره شهرين وهو متل الئمر
ويلا الله يئوم كل الحوامل بالسلامه وما تتصعبوا بالولاده
