قصه ولدتي في مستشفى دله

رحت لدكتورتي الي ارجع عندهاقالت لازم ولاده انتي معوشره ومعك سكر حمل روحي المستشفي عشان يولدونك والله يوم قالت لي كذا وانا الي جاني خوف مهوب طبيعي كاني اول مره اولد
المهم على اساس اولد في الحرس بس الشاطره مامعها طلق ولا بوادر ولاده حكومي اكيدمايستقبلون
قلت مالي الا مستشفى خاص احسن لي غير كذا نفسيتي كانت مررره تعبانه الواحد يدور راحته

رحت لدله دخلت الطواري وسولي كشف من تحت ارحم فاتح واحد بس جاني احباط قالت الدكتوره لازم اشاعه وتحاليل مع انه كانت معي اشاعاتي وتحاليلي بس مايعترفون الا بشغلهم في المستشفى لانه مسؤليه عليهم اذا صار فيني شيء
سويت اشاعه طلعت مطوفه ماخذه من العاشر اسبوع دخلوني غرفتي الساعه عشر اليل ويوم جت الساعه7الصبح حطو لي تحميله وبدى عاد الطلق الصناعي يلعب فيني
طلبت مسكن عطوني ابره في الورك والطلق يروح ويجي بس مهوب حامي مره ويوم جت الساعه عشر جتني الدكتوره وقالت على الساعه 1ونص بنعطيك تحميله اقوي انا احولت عيوني اقوى من كذا الله يعين

عشاني ماتابعت في دله جيتهم وقت الولاده كل شوي داخله علي دكتوره على حسب المناوبه حقتها

دخلت علي دكتوره سودانيه جعل يده الكسر خشت علي من تحت والله يابنات جلست اصارخ من قو الالم يدها كانها يد رجال من كبرها حسبي الله عليها وشايفه نفسها قلت اذا هي بتولدني عز الله رحنى وطي

جت الساعه 12 واختكم الضعيفه ماولدت حطو فيني تحميله ثانيه وقالت الممرضه امشي واقوم امشي واطلق يلعب فيني امشي شوي واذا جاني الطلق وقفت من الم00000 رجعت الغرفه قلت شوي برتاح وزوجي يقول اجلسي لاتمشين وانا من الم الي احس فيه مدري وش اسوي0 0 0000 مع الغدى كانو جايبين سبع حبات تمر جلست اكل منها وانا منسدحه حسيت بشىء من تحت ينزل مني خفت زوجي عندي قلت منيب قايله له اخاف يكون دم مابغاه يشوفه ❗ ارن الجرس على الممرضه قلت فيه شيء ينزل معي طالعت قالت لا مافيه دم عادي وراحت وانا احس شىء زي المويه انفجرت واضغط الجرس وتجي قلت نادي الدكتوره جت وخشت على من تحت قالت 6ونص بسرعه ولاده عطوها حقنه انا وين والحقنه وين بموت من الطلق تعطوني حقنه اطلق يلعب والحقنه تلعب دخلت الحمام الله يعزكم بس معاد قدرت خلاص اطلق يلعب كل دقيقتين يجي طلعوني فوق غرفت الولاده دخلوني في غرفه صغيره هذي الغرفه قبل الولاده انتظار المهم الممرضه على اقل من مهلها تقيس الحراره وتشوف الضغط وانا خلاص بمووت من شده الالم زوجي يقرى علي رحمني بس انا احس اني خلاص ماعاد اقدر جلس اصارخ على رجلي قلت ابغى ابره ظهر ماتحمل راح زوجي طلع من الغرفه عشان يوقع اوراق الابره سعرها 1733بس الدكتوره رفضت تقول خلاص الرحم فاتح 6 ليش اعطيها ابره
زوجي طلع الممرضه طلعت من الغرفه ماعندي احد حسيت بالم جلست اصارخ بقوه دخلت الممرضه قلت بموت احس انه بيطلع دخلت الدكتوره وتكشفف الا انا خلاص واصله توهم مانقلوني غرفه الولاده طبعا ليش صار معي كذا لانهم مايدروون انه تحت طلعت معي مويت الراس فايحسبون انه توني

المهم الدكتوره تلبس بسرعه والممرضه تجهز اغراض الولاده الحمد الله الحمد الله ولدت اخيرن جعل ماحاني من تعب والم تكفير

وحطوني في غرفه بعد ماولادت المهم كنت ابغى انوم من التعب تو عيني بتغفى الا اسمع صراخ وحده تولد دخلوه غرفه جنبي هي تصارخ وانا اصيح معها وادعي لها والله يابنات بغيت اقوم واروح اعلمها وشلون تولد =مسويه خبره ههههههههه
بس والله تصارخ صراخ بشكل غير طبيعي حتى الدكتوره طفشت منها تقول لاتصارخين كذا ماراح تولدين والله انا نفسيتي تعبت ماصادقت اولد وارتاح000000 عشت شعور الولاده مرتين خخخخخخخ
حتى زوجي دخل على ماقدر يجلس من صوت صراخها طلع من الغرفه
هي تصارخ وانا اصيح معها لين ولدت 😆 🙄 الحمد الله

هذي قصه ولدتي في مستشفى دله

صراحه يابنات المستشفى مره حلو وراقي انصحكم تولدون فيه 😉
اسم الدكتوره الي ولدتني زينا عراقيه مرره اخلاق وذوق واسلوب 000

احمد ربي واشكره على العافيه والله يرزق كل محروم ويسهل ولادت كل حامل