قصيدة الشيخ احمد العجمي

هذي قصيدة الشيخ احمد العجمي في من ظلمه…………….

ولدي علي قلبي من الظلم محروق..
من ظالم دمر حياتي وقهرنـــــــــي..

ياما رفعته فوق راسي على ذوق ..
وهو سل سيف الغدر وبيده نحرني..

وياما سقيته صافي الحب والشوق..
وهو سقاني السم كاس وغدرني ..

له سقت روحي سوق مطفوق مطفوق..
ومابين ليلية صـــد عنــي ونكرنــــــي ..

لاجله سهرت الليل ما اشتكي عوق ..
وهو الذي من زود ظلمه كفرنـــي ..

ماذقت عمري شربت خمر والبوق ..
يستر على الخمار وانا فضحنــــي ..

ظلمك ذبحني والصدر صار مخنوق..
منك مرض ولدي وغدرك سدحني ..

ما جاني السكر ولا صرت محروق..
الا من اللي حش فيني وجرحنــــي..

عرضي بفمه مثل علك با طـــــوق..
هو يحسب ان اللي خلقني تركني ..

واللي اكل مالي ويقول مسروق ..
ياحيف يوم الاخ جار وظـــــلمني..

ادعي عليك في ليل وشروق ..
اللي على عيالي فجعني وحرمني..

ادعي عليك اللي سمع صوت فاروق..
ادعي عليك اللي بسجودي سمعني ..

حسبي عليك يا ظالمي فــــــوق..
في وسط جوفه دعيت ونصرني..

ولدي علي قلبي من الظلم محروق..
من ظالم دمر حياتي وقهرنــــــــي..

ياما رفعته فوق راسي على ذوق..
وهو سل سيف الغدر وبيده نحرني..