عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ابد ماجيت ابارك ولكن جيت باوصيك
على الله ناوي تدخل بها الليلة معذبتي
ترى لولا الظروف اللي عطتك وحدت محاكيك
قسم بالله ماتدخل عليها لو على رقبتي
ولكن النصيب اقوى ولاادري وش اسوي فيك
نعم صارت معزبتك ولاصارت معزبتي
تراها غالية جدا.. وتكفى والله يخليك
تدللها.. تدلعها..تنسيها مصاحبتي
انا من كثر مااغليها احس اني بديت اغليك
ولاتسال باية حق ولا وش مناسبتي
ابيك تحطها داخل عيونك وبين ايديك
وهي دلوعة اعتادت على كثرة مداعبتي
فداعبها شوي شوي حتى تشتهي طاريك
وشاغبها لين تقولك بطل مشاغبتي
واذا هي مالها خلقك ولاتضحك ولاتسليك
تحملها واسالها ياعمري ليه عصبتي
وبالك اسمع انك يوم تضربها وهي تشكيك
مايحتاج اوري لك بفن الضرب موهبتي
صحيح انك بتملكها ومعك الصك بالتمليك
وانا عارف حدود الله ومن حقك معاقبتي
ولكن قلها المجنون وصاني وهو يعنيك
يقول انه بينتظرك لو شيب وشيبتي
وانا مجنونها اللي مانساها وانت مايمديك
تغطي ذكرياتي في هواها وربع تجربتي
احس اني تماديت بكلامي والغضب حاديك
ولوانك في مكاني ماتفكر في محاسبتي
وانا مجيت اخرب اعرسك الليلة ولااذيك
انا جيتك عشان اخاطبك واسمع مخاطبتي
توصى وانتبه واحرص عليها والله يهنيك
ترى كل الكلام اللي طلع من ضيقي ومن كبتي
ولكن ماقدرت اقوله وانت مايخفيك
اخاف اني اذا قلته تقوم وتقطع رقبتي
