عالم البنات النسائي كل ما يخص المرأة العربية من ازياء وجمال والحياة الزوجية والمطبخ
(( قصيدة الحقيقة المره ))
جابه لنـــــــفسه العــــــــــنا والغرابيل
يومه (ظلــــــــــمني) يحسب الله يسيبه
قام وخدعني وتفـــــــــــــــنن بالتعاليل
خيب الظــــــن فيه وياقـــــــــــوها خيبه
كنت أحسبه مثل باقــــــــــــي الرياجيل
يمتلك نخــــوة وشهــــــامة لكن غريبة!
حط عمره بموقف بايـــــــــــــــخ هزيل
وقام الكــل يدعـــــــــــــــي ربي حسيبه
جابني لأهلي وحــــــــــــاول المستحيل
يبي يطفــــــــــــشني بأسالــيبا” عجيبة
مالقى مني إلا الصــــــــــــــــبر الجميل
زاد الحقــــــد بقلبه وتوقــــــــــد لهيبه
أخذ يغنـــــــي أكاذيبـــــــــــــــه مواويل
يبي يقــــنع إلي حوله بعـــــاثر نصيبه
زيف الحقايق مابين تحـــــــريم وتحليل
وحاول بشتى الطرق يخليـــــني معيبة
بدري عليه(ولد ……)وأنابنت الرياجيل
ماعاش من يهز طرف خشمي ويجيبه
مغرورة ومن حقي مايبـــــــــــيلها دليل
بنت رجــــــــال دين وأدب عاقله لبيبه
فديت عمري فديت منبتي الأصــــــــــيل
فديت بيتا” ضـــــــــــــــمني بعد غيبه
رجعت لأهلي(مرفوعة الرأس)الكــــحيل
رجعت راضية بقسمة المولى ونصيبه
لا جيت بعار ولا جيت بوجهي ذلــــــــيل
معززه مــــــكرمه وكلي شموخ وهيبة
والوالد الغالي له الذكر الجــــــــــــــــليل
عطفه غمرنــــــــــــــي وحكمته وطيبه
كسر بخاطره إلي ماثمر فيه الجمـــــــيل
خسر نفسه وبــــيته وكل مادفعه جيبه
ترك حاله لكلام الناس والتــــــــــهاويل
وعاش متردد مابيــــــن الشك والريبة
وقت الشدايد يبان منهو الأصـــــــــــيل
وقت الله الله انكشـــــــــــــفت عذاريبه
لا صار مايخاف ربه وقلبه علـــــــــــيل
وش نرتـــــجي منه وش عـــاد نبي به
لا هو إلي ستر نفسه!ولا هو رجالا”أصــيل
يحاااااااااااااسبه رب العبــــاد وينصرني بطيبه
وسلامتكم،،،،
