عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
بنات انا كتبت موضوع قبل كده عن ولدي والامساك بس انا خلاص دحين مو قادره اصبر على دا الموضوع لاني باشوف ولدي يتعذب قدام عيوني وهوه لسة ماكمل ثلاثه شهور ولدي ياجماعة الخير كان يتبرز عادي ومافيه الا العافيه بس دحين قبل اسبوع تقريبا صار مايتبرز لا تقولو عنده امساك انا سمعت من كدا وحده تقول دخلي عود الاذن مع زيت زيتون لقيت انه يطلع ساااااائل يعني مو امساك طيب ليش مايطلع لحاله مادامه سااائل؟؟؟؟ اول ماكان يتألم فمشيت الموضوع عادي لكن دحين صار يجلس حبيبي يزحر يزحر ويضغط على نفسه ووجهه يحمر وتجيه فتره يصير يبكي يبكي بكاء حق الم والله قلبي يتقطع عليه ومايتنزل ولا نقطه براز انا خايفه تكون عنده مشكله في الفتحه بس المشكله انو كان عادي يتبرز اول معناته انو فتحة الشرج عنده طبيعيه انشاءالله طيب ايش ممكن يكون السبب يعني يجلس اربعه ايام تقريبا مايتبرز ولو ماادخل له العوود بيطول اكتر من اربعه ايام ويصير يبكي فاقوم مجبوره ومكرهه والله غصبا عني مع انه شي مره مره صعب ويقطع القلب وادخل العود في فتحته واشوفه ينزل زي المعجون وكثيييييير معناته انه كان متجمع في بطنه وبعدين يرتاح والله اشوفه وابكي عليه لسى صغير ياحرام نفسيتي صارت زي الزفت وديته عند دكتور قال عادي بس عنده التهاب في افتحه واعطاه كريم ومرهم بس برضو ماشفت نتيجه انا خاااااااااااايفه مره عطيته برتقال عطيته مويه وسكر مافي فايده عطيته تحاميل ملينه اول مره طلع عطيته مره ثانيه بعد كم يوم طلع شويه جدا جدا مع انه بطنو كانت مليانه ياربي ايش اسوي بالله افيدوني بحل يريحني وادعو لولدي بالشفااء انا كل شويه ابكي عليه لا تقولو طبيعي ماحد شايف المعاناه الي اشوفها في وجه ولدي والله اكتبلكم وانا ابكي خايفه عليه يعني مابيتبرز الا لمن ادخل عود الاذن ؟؟؟ والله حرام مايتحمل العذاب دا كلو
انا طولت في الكلام ادري بس ابغاكم تساعدوني بإذن الله وحبيت افضفض لكم باللي مضايقني وواجع قلبي
