عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
أكتب لكم حكايتي ودمعي غسل ملامح الفرحه من وجهي وامتلى وجهي دموع والم
بقولكم كل شئ بالتفصيل الممل بس تكفون تحملوني واعتيروني اختكم وربي ماعندي احد اشكي له تعبت من كثر مااكبت واكتم اللي بداخلي ..
********************
كنا عايشين مع عماني ببيت واحد وهذا البيت باسم ابوي يعني ابوي اللي بانيه وتعبان عليه ودافع دم قلبه فيه البيت عباره عن ارضين والدور اللي فوق فيه شقتين وحده لنا والثانيه لعمي وتحت 2 من عماني متزوجين وغرف لجدي وجدتي وعمتي وعمي اللي لسى ماتزوجوا المهم عماتي وعماني مايحبون ابوي ودايم يسببون له مشاكل حتى امي مسكينه ماتركوها بحالها وحتى انا واخواني لما نجي ننزل تحت نبي نلعب مع البزران او نسلم ع جدي وجدتي يسكرون باب الدرج ويقفلونه وعشنا معهم تقريبآ 10 سنوات بس وربي كانت بالنسبه لنا عذاااااااااااااااااااب هالسنين في كل شئ وبعدها ابوي تعب من المشاكل وقرر انو نطلع ببيت بروحنا مع ان البيت اللي هم فيه بيت ابوي
وطلعنا ببيت ايجار << مارضى ابوي انو يطلع والديه واخوانه من البيت ويتعبهم الايجار ورضى على نفسه وعياله بالتعب
المهم بعد ماطلعنا بسنه تقاعد ابوي
وتقريبآ بعد 4 سنوات طلعوا عماني وجدي سالفه انو البيت ضيق عليهم وبيبعونه وبيشترون بيت ثاني ( طبعآ البيت باسم ابوي مايقدرون يسوون شئ ) مع ان ابوي ماعمره حسسهم انو هالبيت مو لهم ولاعمره ضايقهم بشئ
وكل يوم والثاني جايين لجل هالسالفه وربي الذي لاإله إلا هو البيت كبير مرررره والمجالس والملاحق برى بس الانسان مايعجبه شئ
وفي يوم من الايام جانا جدي الساعه 7أو 8 الصباح كسر باب البيت يبي ابوي ولما طلع ابوي جلس يبكي مثل الطفل يقول تكفى أكتب البيت باسمي قاله ابوي هذا البيت لعيالي بعد عيني اش راح يسسوون
المهم ابوي ماقدر يمسك نفسه لما شاف دموع ابوه وقاله باكتب لك البيت وفلوسه كلها لك ولامي بس ماابي منها إلا 200 ألف اشتري فيها بيت او ارض لعيالي قال جدي انت اكتبه باسمي واعتبر 200 بجيبك واقسم ومسح ع وجهه انه ماينسى حق ابوي
وراحوا للمحكمه ولما طلع جدي وابوي لقى عماني ينتظرونهم برى ويضحكون ضحكه كلها شر ويقولون الظاهر انه سكران يوم يكتب لنا البيت ( حسبي الله ونعم الوكيل )
المهم باع جدي البيت 700 الف وبنوا لهم فيلا في حي راقي وابوي لحد الان ماجاه ريال واحد وبعدين باعوا البيت اللي بنوه بمليون وثلاث مية ألف وشروا لهم فيلا ب 600 الف والباقي قسموه بينهم وابوي لحد الان ماشاف منهم ريال واحد كل ماراح قالهم قالوا مالك شئ عندنا وأبوي بان الهم والتعب ع وجهه
وهالسالفه لها سنتين وعماني اهم اللي موقفين في طريق ابوي كل ماجاء جدي يعطيه حرضوا عليه بس الجبار العزيز ماراح يتركهم اهم ضمنوا مستقبلهم ومستقبل عيالهم ولافكروا في ابوي وربي كل واحد من عماني عايش حياه حلوه كلهم بيوت ملك ويملكون اغلى السيارات ليش الظالم دايم مرتاح ومتهني والمظلوم مسكين << اللهم لاأعتراض ع حكمك وقدرك
واحنا ساكنين ببيت صغير وايجار في اخر بيت ناس نعرفهم وهالناس احتمال يبيعون بيتهم والله ماندري وين نروح خصوصآ انو ابوي راتبه أقل من 4000 ريال ومانقدر نستأجر
تكفون لاتنسونا من دعواتكم
والشئ الوحيد اللي ابيه منكم اني حابه أسال يجوز اني ارسل لجدي رسائل من رقم مجهول اذكره بعذاب الظالم واتحيسب عليه لاني كل مااشوف ابوي اتعب من حاله وانا مابيدي شئ اسويه تكفون ردوا يجوز ولا لا ..
