عالم البنات النسائي كل ما يخص المرأة العربية من ازياء وجمال والحياة الزوجية والمطبخ
الاحتفال بقدوم المولود يختلف من بلد لاخر
وهنا فى مصر له طابعا خاص مميز
يسعدنا فى جميع انحاء المعمورة إنه احتفال اسلامى فهو من ناحية لا يخالف الشرع
بل على العكس يزيد من الحسنات ويبارك الطفل بمرضاة الله ومن ناحية أخرى فيه فرحة
لأهل الطفل والجيران والأطفال
فيه تكون العقيقة .. بالطبع الكل يعرف العقيقة وهى ذبح شاتين للذكر وشاة للفتاه وإطعام
الأهل والجيران من لحومهما والتصدق منها على الفقراء
ومن السنن النبوية الآذان فى أذن الطفل يوم مولده ويكون الآذان بصيغته كاملة فى الأذن اليمنى
للمولود والإقامة فى الأذن اليسرى
وكذلك حلق شعر الوليد والتصدق بقيمة وزنه ذهباً أو فضة حسب المقدرة
تلك سنن وعادات نبوية نرضى بها الرب ونفرح بها العبد
تعالوا معايا نتعرف على العادات والقاليد فى مصرنا العزيزة
من خلال حضورنا بقدوم شمعة جديدة فى المنتدى الغالى
انها الفراشة الصغيرة فوفا مولودة المشرفة فيرونا
حيث يتم الاحتفال به فى اليوم السابع … تعاللوووووا نردد سويا عبارات
حلقاتك برجالاتك ….يا رب يا ربنا تكبر وتبقى قدنا .. قيدولى شمعتى انا لسه فى لفتى
ح نبدا الاحتفال بالتجهيز ومساعدة فيرونا بديكورات الحوائط والمداخل
التى نزينها بالبالونات والورود
عملنا علاقة ملابس بهذا الشكل..علشان نكتب عليها اسم المولود
تزيين ديكور الحائط وهو بالاشرطة الملونة للزينة
فكرة اخيرة لتزين الحائط باللعب والدباديب
تعالو نتعرف على التجهيزات ليوم السبوع ولمحة من الماضى والحاضر
والكل بينام ويصحى على يوم السبوع
يستيقظ الجمبع على فرحة يوم المولود
وتعالو نشوف اهم جزء
لقد قمنا ليلا بتحضير القلة الفخار طبعا الولد بيتحضر ليه الابريق ووضعنا الشموع
التى ظلت منورة الى الصباح وتوضع فى صينية بها ماء….
ودة شكل الابريق قديما تم التقاطة من احدى محلات بيع المستلزمات ومكانهم فى العتبة
ولكن الظاهر ان التقدم ما لوش حدود فقد استبدل ايضا
بديكور جميل يتم انارتة بالكهرباء
منها ما يناسب البنت او الولد
احنا كنا مجهزين الملح والسبع حبوب الجافة
وح نرشها على الام والمولودة و الزفة شغالة
وطبعا محضرين الغربال اللى ح نحط فية المولود مع الاحتفال
نورو شمعتى انا لسة فى لفتى
تعبر الشموع عموما عن الرومانسية الحالمة ولكن هنا تعبر عن الفرحة بقدوم مولود
جديد فنتفنن فى اقتناء اجمل الاشكال والالوان
جبنا اليوم مجموعة مميزة جداااا من الشموع التى تصلح للسبوع
اواستخدامها كهدية
الشموع اساس السبوع
احنا جبنا البمبى علشان فوفا بنوتا وامورة
ومادام الجميع حضروا خلاص ح نجيب المولودة الامورة ليتم وضعها فى الغربال
وهو ايضا خضع لتطورات العصر
وطبعا مش دارية بالهيصة اللى بتحصل
ويبتدى دق الهون
تك … تك … تك … تك … تك ..
بعد توزيع الشموع على الاطفال
هناااااااااا كل واحد يقول
حلقاتك برجالاتك
يا رب يا ربنا تكبر وتبقى قدنا
اسمع كلام امك ولا تسمع كلام ابوك
كلمات تعودنا على سماعها فى يوم السبوع ولطالما رددناها ونحن صغار
وفرحنا بها عندما اصبحنا امهات
ويتسابق الحموات فى اصدار الاوامر للصغير بان يسمع كلامها
وهى يا عينى فى دنيا تانية
وتحملها الام
وتتبخر بالبخور سبع مرات او لفات
ثم
تلف مع الاطفال وترش الملح ….
ويكرروا الاطفال اغانى السبوع االجميلة توارثناها عن الاجداد
ويتم توزيع التوزيعات على الاهل والجيران فى حب ومودة الكل فرحات برؤية
وجه جديد
وترن الزغرووووتة بفرحة وسعادة
ح اتكلم معاكم فى اخر الموضوع على الزغروتة واصلها ……
