عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السالفة وما فيها
إني أعيش مع أهل زوجي وعند زوجي أخت وحدة ولكنها تعيش في بيت بروحها وبيتها قريب من بيت أهل زوجي وعندها ثلاث عيال بنتين وولد
تخيلوا كل يوم طايحين في البيت وما شاء الله عليهم شياطين 
وحدة الدلع طالع من عينها 
والثانية لسان طويل 
والولد صياح رقم واحد 
بصراحة إذا دخلت الغرفة أنا وزوجي ناخذ راحتنا شوي بس دقيقة وإلا داقين علينا الباب بعد مب دقة وحدة ويروحون بل لين ما يكسرون الباب ما يروحون شو أسوي فيروح زوجي يفتح الباب وضاعت الفرصة
مب هذا وبس يوم نبا نطلع برة يعني بروحنا بتلقيهم واقفين على راسج بنروح بنروح ……
الواحد شو يقول ما يعرف وفي بلاوي أكثر ……
أحيانا أعصب ولكن ما أروم أقول ليهم شيء أخاف أقول شيء فأعصب عمتي وعمي ولكونهم وايد يحبونهم وإمكن زوجي يضن إني ما أحب عيال أخته
ولكن يا ناس أنا متزوجة من سنة يعني أبا شوية استقلالية تخيلوا الحين من شهرين ما رايمين أنا وزوجي نطلع بروحنا
وبصراحة كارها العيال ولكن أخاف رب العالمين يعاقبني لكوني لحد الحين ما حملت إمكن لكوني كارهة العيال
الله أعلم
وأخت زوجي لا حياة ولا مستحى قاطة عيالها على أمها الكبيرة في السن أحيانا تهدهم بالأيام ولا تسأل عنهم أقول إن عمتي مدلعتنها لكونها البنت الوحيدة لكن مب لهذا الدرجة
يا الله شو أسوي ضايقة بي الدنيا ما أصدق يروحون من البيت أحس إن الفرحة طالعة من عيني
آآآآه يا الفراشات مكبرة الموضوع ولا أنا من حقي أعصب ؟؟؟؟؟؟؟؟؟؟؟؟؟؟
نوروني ساعدوني شو أسوي شو أسوي
