{’’كان ماتقدر تخفف هــم قلبي “لا تزيــدة” …. من روائع حامد زيد

من روائع الشاعر حامد زيـــد

أشكي الله من غياب ضيق صدور المباني
قبل للوحشه تزعزع بيتك الصلب وتبيده

بيتك الي من رحلت وكل جدرانه تعاني
ما تحمل ينتظر شهرين وعيونك بعيده

الله العالم لو انك جيت متأخر ثواني
ما تشوف الا بقايا من حصاه ومن حديده

من عرفتك ونت تايه من مواني لي مواني
وتارك قلبي مولع من وجيده في وجيده

ضاعت سنيني أحد بهاليالي وتحداني
ونت ما تشبع غياب ولا تخاف من النجيده

ودي اتحمد لك الله بالسلامه ما مداني
كل ما توصل برحله ترجع برحله جديده

دام تدري كل وجه غير وجه الله فاني
ياخي اكسب لك ثواب وخاف ربك في عبيده

كان فينى عيب قلي فينى العيب الفلاني
كان هرجي مزعلك في شي قلي لا تعيده

عيب تصغر في عيونى ونت برقاب الغواني
ليه تستسهل طعوني ونت خابرنى وليده

لعنبوك ان مت بيدك وش يفكك من خواني
لـ حزنو ربعي على فرقاي شـ الي تستفيده

انت مـنت الي عشقته انت اكيد انسان ثاني
ليه صرت بهالبرود وهالاحاسيس البليده

وين حبك لزعل وين العناد الاولاني
وين حنية زمانك وفرحة العمر الرغيده

وين ذاك الي لو أقبل ما يبات الا بماني
وين راح الي لو اقفى ما يروح الا فقيده

واحد من جابه الله بس يامر ويعصاني
الوحيد الي اخافه غصب ومشي معه سيده

ما بغيت اطيح بيده لين ما ربي بلاني
ولا انا لو هي بكيفي ما بغيت اطيح بيده

ذاك بس الي ليا من جيته بس يلخبط كياني
الي بنظره ينشف دم قلبي في وريده

قبل اشوفه اجمع له احلى القصايد والمعاني
ون لقيته ما عرفت اقولي جمله مفيده

الف مره قبله اعد القصيده من لساني
ولعنبوه ان جيت عنده قمت اخربط بالقصيده

امدحه ونا ادري انه لو تباطاني نساني
امدحه ونا اعرفه مجنون وافكاره عنيده

من يسويبي سواتك يالرهيف الاسمراني
من هو من الناس غيرك غلطته ترفع رصيده

من يقص جناح طيرك ونت اعز انسان جاني
ليه اخاف رماح غيرك ونت ضرباتك سديده

ان تبعتك اتبعك من طيبي وواسع ابطاني
ولا انا لاجيت اكيد انسان عز الله اني بكيده

اقدر انزعلك ثيابي ولبس ثياب الاناني
واقدر اطلع من عذابي والعب بدورك وجيده

ومستعد اكسب رهانى لو بغيت اكسب رهاني
وخدعك بحساس كاذب وتحدى من يصيده

ابكى انا لو شفت خلي يحط غيري في مكاني
والله اني لتركه وان صد لعشق سيد سيده

جيت ما بيك أتحقرني جيت ابيك تعز شاني
جيت ابي فزعت ضلوعك من مشاعرك البليده

خلني داخل حدودك وجبر بخاطر زماني
اكذب في باقي وعودك وصدق بلحظه سعيده

انتشلني من برودك لو تولع بالمحاني
عطني احساس بوجودك وخذ كل الي تريده

تكفى ون قلت تكفى بيع خلق الله عشاني
لا تضيع من يدينى فرصة العمر الوحيده

يعلم الله شفت منك ومن غيابك ما كفاني
كان ما تقدر تخفف هم قلبي لا تزيده

شف غيابك وش مسوي بالصدور وبالمباني
ونت تدرى كيف كانت صدمة غيابك شديده

والله انك لو وصلت البيت متاخر ثواني
ما لقيت الا بقايا من حصاه ومن حديده