كثرت العاب التحدي ولكن هنا التنافس الحقيقي (نرجو المشاركة) !!

شحالكم اخواني عساكم طيبين وحلوين وكل عام وانتو بخير

في الآونة الأخيرة شفنا الكثير من العاب التحدي ولكن كلها من المستوى ( الـ Easy )

ما أحس بمتعة الفوز لانها بسيطة !!

وقلنا انجرب لعبة يديدة وننافس فيها الاعضاء

مستعدين للعب ولا !!

ولا اقول غصبن عليكم البعض منكم الفضول يجتله الا يجرب اللعبة (( ولو يعرف انه ما راح يفوز )) خخخ

والاغلبية منهم البنات > بيشعل الفتنة ههههه عشان التحدي تكون فيه نوع من الاثارة

المهم

..
..

اللعبة عبارة عن كرة تنس تقوم بالضغط عليها مرة بالماوس لترتفع عن الارض

واللي عليك انك تتم تحافظ عليها بالارتفاع بالنقر ..

واذا طاحت الكرة تخسر اللعبة ..

وان شاء الله بتفهم اللعبة أكثر لما تلعبها..

واللي ما يفهم يطرشلي رسالة خاصة

عشان اقوله (( انت غير لائق للعب )) > شكلي بنظرب اخر شي ههههـ

يلاا يا جماعة شدو الهمة ..

اخوكم مليونير رومنسي مبدأيا وصل

40

والدليل موجود برفقلكم صورة بعدين

وهذا وانا مغمض عيني ،

وقلت يالله بنشوف جان حصلنا منافس عقبها نشد الهمة

والملف في المرفقات وفي انتظار المشاركة من الجميع وشكرا