كثير يسالوني .. كيف بيتك مرتب ودايم نظيف وانتي تداومين

أنـــــــا كنت ناويه أذكر هالتنبيه بالجزء الأول ..
صدقوني مصدر نشاطي وتوفيـــــــقي في بيتي ..هذا الحديث …جربوه ولا تستهينوا مثلي في بداية الموضوع ..
ولما جربتــــــــــه ….وااااااااااااااااو

عن علي رضي الله عنه ،
أن رسول الله ـ صلى الله عليه وسلم ـ قال حين طلبت منه فاطمة ـ رضي الله عنها ـ خادمًا:
(( ألا أدلكما على ما هو خير لكما من خادم ؟ إذا أويتما إلى فراشكما ،
أو أخذتما مضاجعكما ، فكبرا أربعًا وثلاثين ،
وسبحا ثلاثًا وثلاثين ، و احمد ا ثلاثًا وثلاثين. فهذا خير لكما من خادم ))

http://up.hawaaworld.com/up/sites/up.hawaaworld.com/files/links/87a815238***b007cb00a495744d6372.jpeg

وبالنسبه لكــــــــــــل اللي سألوني عن الفواحات أنا أشتريها من نكتـــــار برائحة الفواكه ..أحسها تعطي البيت أنتعاش ..ماأحب روائح الزهوووور والعود نهائيا ..
وفي روائح عند زهور الريف منعــــــــــــــشه مثل الفواكه .. وبالنسبه لغرفة النووووم راح تعرفون السر بهذا الموضوع
ونفس الفواحه الزجاج من سنتر بوينت وزهور الريف

ويلا بســــــــــــــم الله نبـــــــــدأ

…………………..

باللنسبه لحياتي اليوميه انا وزوجي

أنا أول مااتزوجت ..كـــــان زوجي فوضوي لدرجه مجنونه …وجنني معااااه …أش صلحت معاااااه ..؟؟؟؟

جلست يوم معااااه وسألته قلت وش تتمنى مني أسوي لك عشان تعيش بسعاده قال : ……..و……. و …… ألخ ..ومن ضمنها قال البيت يكون حلو ومرتب

قلت له طيب بس أنا ماعندي الا يدين ثنتين ..كيف أوفق بين دوامي ونظافة بيتي وفوضويتك …أنا من اليوم ورايح ماراح أشيل أي شي أنت ترميه ..

يجلس مكانه لو شهر .. ولو شفتك تشيــــل أشياءك وترجعهم مكانهم كل يوم لك مفاجأه ؟؟؟قال والله وعد قلت أيوه وعد …

ثاني يوم جمع أشياءه ورجعهم مكانه ..وصلحت له القاتوه اللي يحبه مفاجأه ..

اليوم اللي بعدو صلحت له ليله رومنسيه ..فااتحمس أكثر أستمريت على ذا الحال يمكن أسبوع وبعدها وربي أتعود هو ينظف ويرتب اشياءه

وبكـــــــــــــــــــــذا الحمدلله ارتحت من فوضويته ..

بالمطبــــــــــــــــــــــــ ـــــــــــخ ..

حطيت سله بشكل حلو بالمطبخ ..وحطيت بها ملاعق وصحون وكاسات بلاستيك …واستخدمها كثير خصوصا
الملاعق في الخفق مثلا للبيض وغيرو …جربوها ..ماراح تندموا ..

بالنسبه للصواني أو عند بعض المناطق بيسموها (( الطوفريه )) أشتريت لها المفارش ذيك ام ريال اللي تجيك 20 حبه وكمان حطيت سله طقم للأولى
وحطيتها فيها وحطيت معاها المناشف الصغيره وصرت استخدمها وترجع الصينيه نظيفه يصير بس أرجعها للدولاب ..

كمان بالنسبه للخضروات الورقيه مثل البصل الأخضر والشبت والجرجير أحفظها بطريقه أنها تدوووووووم أطول وهي اني أحطها بجريده والفها وأدخلها
الثلاجه ..

قبل تقطيع الخضروات أو الدجاج أو غيرو حطي تحت لوحــــــــــــة التقطيع سفره ..عشان مايتنثر شي وتروحي تشيلي وتحطي …………

غرفة نومي ..لهـــــــا سحر خــــــــاص ..

والله يابنات ,,,كل من دخل غرفة نومي خصوصا جاراتي ..أحسهم يذوبوا ..لا تقولوا ديكور …ولا أثاث ..لا

لمســـــات بسيطه لكن لها سحرها …

بالنسبه ..للعـــــــطر تبعها …هو مسك روز السايل (( المسك الابيض )) اللي يستخدم للجسم ..أكيد تعرفوه ..

طريقة أستخدامــــــه // أحطه في الفواحه بدل الزيت العطري في غرفة النوم بس مع شوي قطرات موية ورد وزيت عطري قطره وحده

بالــــــتوت من نكتاااار ..جربوا هذي الخلطه لغرفة النوم بس …وشوفوا كيف ..زوجي يقوووول أحس ودي أجلس بغرفة النوم دااااايم

بالنسبه لدولاب الملابس …

أحط مبخرة العود …في دولاب زوجي ..كل يومـــــين وأنا كذلك في دولابي ..وكمان ..طحنت مكعبات المسك من عبد الصمدالقرشي

وحطيتها بكيـــــس أورجنزا …المعروف وحطيت ورد مجفف ..وحطيت زيت عطري في أسفنج وربطت الكيس ..وعلقته بين الملابس

يعطي رائحه عجيبه …

بالنسبه لكوي ملابس زوجي الداخليه // اللي تحت الثوب // شوفوا أش سويت ؟؟؟؟

أخذت علبه فاضيه لبخاخ عطر اللي مثل هذا منظف الزجاج ونظفتها ….وحطيت نصف موية ورد ..ونصف مويه عاديه ..

وربع توله تقريبا عود رجـــــــالي .. وكل ماجيت أكوي الملابس أبخ عليها ..وأكوي والله أصحاب زوجي بالدوااااام يسألوه

عن هالعطر أش اسمه …..هههه

هذي الفكره أستفدتها من المنتدى اللي هي ,,الكومفورت ..تحطيه على ملمع الزجاج تثبت ريحتـــــه ,,,روعه ترى ..…

في طريقه أنا لما اتكلم مع صاحباتي يستغربوها ماأدري انتو تطبقوها ولا لا …بعض الناس يستغربو لما اقول أكنس السيراميك بالمكنسه

الكهربائيه …مدري ليه هم يقولو نستخدم اليدويه ..هذي أرتب وأسرع وأضمن …

الحمـــــــــــــام

فيه بالسوبر ماركت ..مكعبات أزرق لونها تحطيها بالسيفون ..ولما تسحبي المويه ..تنزل زرقاء وتعقم ..

ولإزالة بقع الصدأ اللي غالبا حول مقابض الحنفيات أ تفرك بنصف ليمونة مغموسة بالملح أو ملح الليمون أووإذا كانت البقع قديمة
وصعبة تغطى بقطعة قماش مبللة بالخل الدافئ وأتركيها عليه لفترة عشان تتحلل ثم تفرك ببودرة الفرك ((فايم )) تحصليها ببنده .

للتنــــــبيه الصــــــــــور مو لبــــيــتي ..هي تجميعـــــــي لعيونكم من النت