عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بنات مالقيت غيركم اقولكم مشكلتي
بنات انا موجوده معاكم في المنتدى بس فرمت جهازي وبينات الدخول انمسحت ..لان انا قبل كنت مسويه حفظ للبيانات والحين بعد ما انمسحت توهقت ماعرفت كيف ادخل فسجلت بحساب ثاني
بنات والله كرهت حياتي .. امي معاملتها لي خلتني اكره الدنيا والله ساعات افكر بالانتحااار 
بنات بقولكم قصتي
انا قبل كنت احب الدراسه وكنت مجتهده وفجأه ما ادري شصار لي صرت كل متضايقه واصيح على كل شي
كرررررررهت الدراسه احس عقلي ماصار يستوعب شي…… حتى في المحاظره الدكتور لاحظ هالشي
يقولي انتي في اثناء الشرح كل تسرحين وما يحس اني مركزه معاه
والله صرت احس بضيق بشكل موطبييييييعي تعبت
بنات انا بعدين فكرت اني اروح المستشفى واكشف وبعد التحليل قالت الدكتوره عندج خمول في الغده
وهي اللي تسبب لج اكتئاب وتعب على اقل مجهود وعطتني حبوب وقالت لازم التزم بشربهم عشان ارجع مثل اوول
المشكله الحييييييين انا مداومه ع الدواء بس للحين احس بتعب واكتئااااااااااب …… والله العظيم اكثر من مره افكر انتحر ………
المهم انا من بعد ماصرت احس بهالاعراض تركت الدراسه …… ادري بتقولون مايصير بس والله اللي قاعد يصير لي غصبن عني اااااااااحس تعبت ……
المشكله الحين مع امي …….امي احسها كلللللش ماتحبني وكل تسبني على اتفه سبب
والله ساعات اكون قاعده لحالي واسمعها في الصاله تتكلم عني وتسبني ولمن اسمعها اقعد اصييييييح
افكر ليش تعاملني بالهطريقه…؟؟؟؟؟؟؟؟يمكن لاني تركت دراستي بس والله انا حزينه اكثر منها
مع انها مع اخواني غييييييييييير مدلعتهم
والله لو تشوفون معاملتها معاهم ومعاملتها معاي بتستغربوووووون ؟؟؟؟؟ ولا كاني بنتهااا
والحين امي تبيني اتوظف من بعد ماطلعت من الجامعه بس للحين ماجتني الوظيفه يعني انا شسووووووووووي موبيدي هالشي
كل تصارخ علي وتقول شكلج خلاص ماراح تجيج وظيفه ولا بتتوفقيييين …. انا اصيح لمن تقولي من هالكلام
بنات انا الحين نفسيتي تعباااااانه محتاجه مساعدتكم مادري شسوووي تعبت عيوني تعورني من كثر ما اصيح 
