عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مراحب
بنات استغفر الله احس اني كرهت الحمل والاطفال والذريه من الحره الي اشوفها
انا بكريه ولدي عمره شهرين 24 يوم باقي له اسبوع بخلص الثالث
المهم معاناتي بدت من يوم ولدته وهو بكى وصياح حتى نووومه قليل مو زي المواليد
طول اليوم نايمين قالو لي الاربعين بس وبعدها يتغير
خلصت الاربعين والولد زاد حاله بكى لدرجه يروووح نفسه ويفحط ويسووود وجهه
واموت رعب بالهاللحظه
وديته لااربع دكاتره مابين حكومي وخاااص
قاااااااااالو كلام واحد مغص طبعا اعطيه ادويه مغص ولايفيد اغشاب مافاد حممته برضو ولا شي مستتتتتتتعصي
رحت لحرمتين معالجات قالو مافيه الا العافيه واعطوني سعوط ومحو المهم تعبت بمعاه
وزنه كويس يرضع تمام برازه الله يكرمكم عادي بس مشكلته يصيح او ينق طول اليوم
العبه شوي ويناغي بس على طول يقلبها نقنقه
رجعت بيتي ثلاث ايام انجنيييييييييييييييت ماينام ويقوم يصيح كل شوي
ماقدرت اتحمل ورجعت لامي طبعا انا بمنطقه غير منطقه اهلي
تخيلو اهملت بيتي وزوجي قربت اكل ثلاث شهور ببيت اهلي
الكل يقول انتي مافيك صبر وعيب عليك
بس انا مااااني قادره احسس وجودي بيتي زي عدمه لاطبخ لاتنظيف حتى اهلكت زوجي معي يروح دوامه مواصل
كل من نق الولد ذا
الله يسعدكم قووولو لي هل كل من المغص ولا هوطبعه كذا انا صايره مسوسه
احس حياتي انقلبت احس اني مراابطه له طول اليوم
تخيلو افرح بنومته واجري باصلي باسوي لي قهوه الا دقايق مايمديني اطلع من الغرفه
الا واااااااااواااااااا يبكي طيب اش اسوي له راضع مغيرين له
مااااااتوقعت الذريه كذا استغفر الله والله والله ان الم الولاده على الوحم عل الحمل
ارررررررررررررررحم من الوضع الي انا فيه احس نفسي مختوقه مسجوونه
وكله كوووم والسياااره بكوم اجلس على اعصابي لين اوصل
بس ينق ويبكي وزوجي يتوتر ولايقدر يسووق
لاتقولون وديه مستشفى وديته حكومي وتخطيط قلب وشافو الاكسجين والررئه سلييييييم
شافو اذا معاه ملع اوخلع قالو مافيه المعالجات الشعبيات قالو مافيه لا الاخت ولاغيرها
بنات تتوقعون يكبر ويتغير هل هذا طبيعي وقله نومه طبيعيه انا كتبت موضوعي هنا لان اغلب اطفالكم من 4 شهور ل6 قلت باشوف تجارب تتطمني
كثرت قرقه بس من الحره الي فيني
الله يجزاه خير الي تطمني او تدعي لي يااااااااااارب افرجها عليها من حيث لاتحتسب
