كروشات جده بليز ساعدوني مين تعرف د. امل صفوت في الاطباء المتحدون

مساء الخير على الكروشات الحلوات:P
كيف اخبار الحمل معاكم
حبيت اسأل مين سمعت ولا جربت الدكتوره امل صفوت في الاطباء المتحدون
انا رحت عندها الشهر الماضي هيا مصرية وكانت خارجه من غرفة الولاده وتحسها طفشانه شوية
واعتقد طيبعتها هادية
ماعرف وبكره عندي موعد ثاني معاها بكره راح يبان كيف طبيتها وراح اقرر اذا اكمل عندها ولا لاء
بس ابغى اعرف اذا في احد ولد عندها وكيف تصبر ولا لاء وحنونه ولا لاء
بصراه هيا كشفت عليا وورتني البيبي وعملتلي تحاليل واعطتني فتمينات وحديد
وقالتلي اوقف حامض الفوليك وهذي اول دكتوره اراجع عندها من يوم ماحملت 😆 🙂
وانا بكرية وماعرف اذا تمام الدكتورة ولا لاء
انا كنت ابغى فقيه بس لمن استخرت ماتسهلت وكل مااجي احجز مااقدر احجز
مايردو عليا او كذا 😐
ولمن حجزت في الاطباء اتسهلت مره وعشان ماكان في بالي اتحجز هناك بس قلت اجرب
وعلى طول ثاني يوم اعطوني موعد
وماعرف دكتوره هناك بس قالتي موجوده د. امل صفوت وحجزت عندها كذا عمياني:P
اذا تعرفوا دكتورة شاطره في الاطباء لاتبخلوا عليا 😆 hy:
ولا رايئك استمر مع الدكتوره واشوف 😡
محتاره ساعدوووووني بليزززززززز