عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اهلين بجميع الامهات … كيفكم وكيف الحلوين الصغار ..
ان شاء الله كلكم يا رب بالف صحه وعافيه ..
.
.
.
.
.
اليوم رحت السوبر ماركت وانا في قسم الاطفال تجي عيني على كريمات الاطفال …
وشفت طبعا كذا نوع لكن عجبني كريم بيزلين وعجبني اكثر عشان مكتوب عليه انه بالعسل وزيت الزيتون …
وهذي صورته …
مين جربت هذا الكريم مع طفلها تقولنا تجربتها مع الكريم وهل نفع مع طفلها وخصوصا البنوتات لازم نحطلهم كريمات وننعنشهم …:(
عشان ما يكبروا وبشرتهم تصير جافه ولا متشققه ولا فيها سواد وخصوصا الركب مع الحبي تصير سودا لازم نرطبها ونحطلها كريم …
لا تقولي نلبسهم بنطلونات والله ما تسوي شي الاحتاك مع الارض هذا لوحده حكايه وحتى لو لفيناها ما شاء الله الاطفال حركتهم كثيره …
وان شاء الله راح استعمله لطفلي كل يوم واقولكم على تجربتي بعد فتره ..
*******
ونصيحه يا امهات لا تستعملوا الصابون السايل المعطر للاطفال …
لأن العطر اللي في الصابون يسبب سمار لبشرة الطفل …
انا ولدي بشرته فاتحه وجلست ثلاثه ايام ورا بعض احممه بصابون سايل من بايجون
حسيت الولد صار مسمر وبشكل ملاحظ ..و لمن وقفته راح الحمدلله السمار لأني لحقته من بدري …
بس وعن تجربه اللي يبيض الاطفال البودره لو حطيتيها على بشرتهم كلها حتى على الوجه تبيضه بالمره …
بس تحذير لا تخلوا البودره تتطاير في الجو ويستنشقها الطفل لأنها مو كويسه على الجهاز التنفسي ..
انا مشتريه فرشه تبع البودره تلاقيها في سيتي بلازا وانتي تحطي فيها البودره …
تاخذي من البودره وتمسحي على جسم الطفل ووجهه من غير ما تتطاير البودره …
وهذي صورتها بس ترا في اشكال ثانيه غير هذي بس انا ما شفتها الا بعد ما اشتريت هذي ..
*******
وطبعا لا ننسى كريم سودو لمنطقه الحفاض …
مو لازم لمن يصير التهاب نحطه للمنطقه …
لا بالعكس .. خليه دايما موجود ومع تغيير كل حفاضه لازم تحطي من الكريم على المنطقه كلها سواء ولد ولا بنت ..
وخصوصا برضو البنات من بدري قبل ما يكبروا ويحوسوا في سواد المنطقه ويتعبوا …
نخليهم يكبروا وهم مبسوطين وواثقين من نفسهم .. 😆
وكمان اهم شي نحرص على جفاف المنطقه بعد غسلها وبعدها نحط الكريم…
اللي تستعمل البودره للمنطقه توقفها لأنها مو زي الكريم ..
البودره تروح مع اول عمله للبيبي يعني ( البول ) لكن الكريم يسوي زي طبقه حمايه للبشره ويقل احتمال حدوث التهاب ..
وفي نفس الوقت يبيض المنطقه ويحافظ على لونها الفاتح …
😆 🙂
😳 وشكرااااااا للجميع .. 😉 😡 😥
ربنا يحفظ اطفالكم يا رب …ويخليهم ويحميهم ..
😆
