كريم لتنفيخ الخدود (ريم الرياض) مجرب والكل يدخل ضروري

اهلين بنات كيفكم عساكم بخير

المهم من العنوان اكيد عارفين

عن ايش راح اتكلم..صح ولا لأ ؟؟

طيب بقول لكم بس لحظه قبل ما اقول

اكيد من اللي قاعدين يقرأون موضوعي

اشخاص يعرفون انهم هم المقصودين

المهم انا قرأت موضوع وحدة منزلته

هنا عن كريم ريم الرياض لنفخ الخدود

وطبعا عارفين ولعنا بالخدود المنفوخة

وكانت منزلة رقم الرجال اللي يبيعه

وعلى طول دقيت وفعلا رد علي ذاك الرجال

المحترم ذو نبرة دينية!! لأضفاء مصداقية على

المعروضات وفعاليتها..المهم طلبت الكريم

وسألته عن مفعول هذا الكريم وهل سبق انه

جاب نتائج وخلا ل كم تبان النتيجة؟؟المهم مع الحلف

والثقة بالنفس انا صدقت..واخذت الكريم ب 300 ريال

بس عمل لي خصم واخذته 250 ريال مع ان العبوة

صغيرة جدا تقريبا كبر علبة البيكنج باودر او اكبر بشي

بسيط جدا؟؟المهم انا جالسة الحين انتظر النتيجة

صار لي شهر بالضبط..وهو قال لي من اسبوع الى اسبوعين

تبان النتيجة..وانا يوميا استخدمه 3 مرات باليوم.. عارفين انا

الحين مابغى خدودي تنتفخ انا ابي اعالج الحبوب اللي طلعت لي

وشوهت وجهي ولا نفخت خدودي حسبي الله عليهم..وازيدكم من الشعر بيت ايضا

اخذت منه خلطة العنود لتطويل الشعر ايضا 300 ريال وصار لي الحين

5 اشهر انتظر الشعر يطول او يتوقف عن التساقط ولكن….هيهات

لكن ما اقول الا حسبي الله ونعم الوكيل على الناس اللي ماتخاف الله

الى متى اللعب على الناس حرام اتقوا الله ياعالم..لا واكتشفت وشي

الخلطة اللي باعها لي ب300 ريال،،اقول لكم وشي ؟ طلعت هي الغسول

الهندي اللي عند العطار بعشرة ريالات!!!انا كنت مااعرف الغسول لين

جابته وحدة من المدرسات من العطار وشفناه،، عندها انا صعقت وذهلت

وحلفت بالله لازم اكتب واحذر اخواتي لايا كلون نفس المقلب
منقوله

نصييييحه اي خلطه سواء تطويل وتنعيم الشعر ..تفتيح بشره ومدري ايش
لاتشتروون حرام الخساير هم ماهمهم الا الدرااهم الفلوس والله لايوفق كل وحده كذابها جعل حياتها تسير كلها مشاكل وماتقضى ذا المشاكل
حسبي الله ونعم الوكيل والي تبي تسوي اي شي تروح تدعي ربها ليل ونهار اوشي موثوق يعني انتي الي تسويه مو احد غيرك..