كشفت خيانة زوجي من دقيقتين وش اسوي الحين

مرحبا يافراشات طبعا انا كنت زميلتكم بس انا مسويه هالحساب الجديد لان زوجي دايم يفتش حولي ولما يشوفني اني اكتب همومي عندكم يزيد همي بمشاكله المهم بدخل في الموضوع على طول
انا من قبل ربع ساعه شفت محادثه الى زوجي مع بنت من الجزائر وهو يتعرف عليها وطبعا من قبل صدته كم مره وعنده ايميلات بنات ومحادثات في ايميله لما كلمته قالي مادري انهم بنات لاني ماعرف اقرا انجليزي او يقول هم الي يكلموني ولما اعرف انها بنت اقفل وماكلمها ومره شفت في تلفونه بنت سمها شهد ولما قلتله قالي هذي شريحه قديمه وشفت فيها الاسم بس حبيت اشوف من هي وطلع الرقم مقفل اوكي وكل ذا عديته الحين صارلي متهاوشه معاه اسبوع وهو الي مهاوشني ومايكلمني حجته اني كنت عازمه اختي على الغذا وهو كان في العمل وعنده خبر ان هي بجي لما جى ولقاها معاي بالغرفه زعل يقووول مايصير كل تجلسون لوحدكم وحنا ننتظر بره مع اني جلسنا 5دقايق عشان البس عباتي عن زوجها
المهم الحين وحرقة القلب اني لقيت محادثة تعارف بينه وبين بنت ابليس صح هي مو طويله بس حسوا فيني كيف انا الحين محروقه المهم انا طبعت المحادثه ودزيته له على الايميل عشان يعرف اني كشفت خيانته بس هو نايم ومو عارفه اتصرف لما يجلس شيروا علي وحسوا فيني
ومشكورييييين