عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
انهاردة جبت لكم طريقه عمل كعكة
غاناش الشيكولاته
المقادير والطريقة مظبوطين جدا
وانا حاولت اعملها على قد ما اقدر
المقادير:-
250 جرام زبدة غير مملحة(انا استخدمت سمنة فقللت المقدار شوية)
375 جرام دقيق(يعنى زيادة عن تلت كيلو شوية)
22.5 مل باكنج بودر(1.5 ملعقة كبيرة)
45 جرام كاكاو مطحون للكعك
300 جرام سكر مطحون
6 بيض
10 مل فانيليا(2 ملعقة صغيرة)
125 جرام شيكولاته عادية للشريط
30 جرام كاكاو للرش في النهاية
مقادير عصير التفاح
125 مل ماء
100 جرام سكر خشن
30-45 مل عصير تفاح(2-3 ملعقة كبيرة)
مقادير مربي توت العليق للصقل
100 جرام مربي
30-45 مل ماء(2-3 ملعقة كبيرة)
مقادير غاناش الشيكولاته
250 جرام شيكولاته
250 مل كريمة مكثفة
الطريقه:-
1- سخنى الفرن على190 درجة
2- جهزى 3 قوالب متساوية الحجم وادهنيها زبدة ثم ورق زبدة ثم زبده (او ممكن زبدة ورشي دقيق)
3- انخلى الدقيق والباكنج بودر واقسميه نصفين
4- انخلي الكاكاو البودر واضيفيه لاحد نصفي الدقيق
5- اخفقي الزبدة حتى تكون كالكريمة ثم اضيفي عليها السكر المطحون مع الخفق الجيد
6- اضيفي البيض واحده واحده مع الخفق عد كل واحده حتى تختفي واستمري في الخفق حتى تصير كالكريمة
*في حال ان المزيج فصل بعد اضافة البيض ضعيه في حمام ماء ساخن مع الخفق حتى يتماسك ثانيه
7- اقسمى المزيج نصفين واضيفي نصف للدقيق والاخر للدقيق والكاكاو مع الخفق الجيد
الان لديكى خليط ابيض وخليط اسود
8- ضعى كل خليط في كيس عصر
9- ابدائى في عمل حلقات بالخليط في كل قالب
ابدائي من الخارج للداخل حلقة سوداء ثم بيضاء وهكذا
اصنعى قالبين يبدءان بالشيكولاته وقالب يبدا بالابيض
10- ادخلى القوالب الفرن حتى النضج 15-20 دقيقة
في هذه الاثناء جهزى العصير والمربي للصق القوالب معا
طريقة العصير
ضعى السكر والماء على النار حتى ترتعش و تبدا في الغليان ثم اضيفي العصير(انا استخدمت عصير فراولة )
العصير نسقي بيه الكعكه
طريقة المربي توت العليق
ضعى المربي والماء على النار لحد لما تصير سائل ثقيل ثم صفيها وخليها دافيه في حال بردت سخنيها قبل ما تحطيها على الكعك
(ممكن تستخدمى اى مربي انا مكنش عندى مربي استخدمت عصير وسكر وحطيتهم على النار لحد لما ثقل واستخدمتة وربط الطبقات سوا كويس)
بعد ما الكعكات استوت
خرجيها على شبكة سلك لتبرد
11- ادهنى الطبقات الثلاثة بالعصير لتصبح طرية
12- ضعى ضبقى بدايتها شيكولاته وادهنيها بنصف كمية المربي
13- ضعي فوقها طبقة بدايتها ابيض وادهنيها بباقي المربي ثم ضعى اخر طبقه
اتركيها تبرد واصنعى الغاناش
طريقة عمل الغاناش
1- افرمى الشيكولاته جيدا
2- سخنى الكريمة المكثفة حتى الغليان ثم صبيها على الشيكولاته مع التقليب لحد لما تسيح خالص
3- اخفقى الشيكولاته بالمضرب لمده 5-10 دقائق لحد لما تبقى كريمة زغبيه وتبرد
*لتطرية الشيكولاته ولمعانها*
ضعيها فى حمام ماء ساخن حتى تصبح ملساء
ثم ضعيها فى ماء بارد غير مثلج لحد لما تبرد
ثم ضعيها فى ماء ساخن مرة اخري
بعد كده احفظى 13 الغاناش للتزيين والباقي ادهنى بيه الكعكة من السطح والجوانب
علشان الجوانب تبقى متساوية ولامعه
جهزى شريط من ورق الزبدة ارتفاعه نفس ارتفاع الكمعكة
قومى باذابه الشكولاته بتاعت الشريط وتطريتها كما سبق وادهنى بيها الشريط وبسرعه لفيه على جوانب الكعكة
ابدائى في تزيين الكعكة بعمل دمعات باستخدام باقى الغاناش وكيس التزيين ابداى من الاحرف للوسط
وبعد ما تنتهى رشى كاكاو بودر عليها واتركيها فى التلاجو ساعه تجمد وبعد كده شيلى ورق الزبده اللى على الجوانب لانه بيحتاج حوالى ساعه عشان يجمد
وبكده تكون خلصت ولالف هنا وشفا
دى بقى بتاعتى محدش يقارن بلله عليكم
انا بنتى كان فوق دماغى عايزة تاكل الشيكولاته وكمان المضرب بتاعى بعافية شويه فده خلى الغاناش ميظبطش شويتين ومعرفتش ازوقها حلو لانه كان سايل منى
دى حته لفرح مش مبطله زن
ودى بعد ما قطعتها
ودى لاول رد
بالف هنا وشفا
