عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكــــم ورحمــــة اللة وبركاتة..
بصراحة مدري كيف ابدا يابنات بموضوعي وكيف اتكلم .. صراحة الكارثة اللي مرينــأ فيها مو هينـــة ولازلنـــا تحت وقع الصدمة.
يوم الأربعــأ بدا الجو يحلو عالصباح ومن كثر مالناس فرحنا بالجو كلهم اتجهوو للبحــر.. لاكن للأسف يافرحة ماتمت.. بدت الأمطار تنزل بغزارة لدرجة اللي كان بالبحر ماقدر يرجع لبيتة لان السيول احتجزتهم..
عاد اصحاب السيارات الصغيرة اغلبهم شالهم السيل واصحاب السيارات الكبيرة هي اللي صمدت ومنهم اخوي اللي نجا بأعجوبة بذاك الوقت لانه كان هو وعيالة وزوجتة بالبحر وقتها..
تخيلو التوتر اللي كنت فية انا وامي احنا بالبيت ومو عارفين مصير اخواني واخواتي والشبكة ززفت والاتصال مايلقط واذا لقط الاتصال الصوت مو وااضح ويقطع.. فجأ رن الجوال الا اختي الكبيرة من بيتها تتصل تسألنا اذا السيل مر علينا اول لا قلت لها اي سيل قالت فية سيل جااي بالطريق والسيل دخل علينا واغرق الدور الاول والثاني من حسن حظ اختي انه بيتها يتكون من ثلاث ادوار..
طلعوا فية واحتمووو فية.. والسيل يظرب بالبيت ويسحب الاثااث معاه برا بالشاارع.. تخيلو تكلمنا وهي تصيح تقول قدامي حرمة قااعه تغرق كانت تشووفها من الشبااك تنادي عالناس والناس مو قادرين يوصلون لها والدفااع المدني ناايم بالعسل.. غررقت قدامهم شووي الا يجينا اتصال من ولد اختي ويكلمنا واحنا مو فااهمين شي منه طلع انه سيارته غرقت وهو طلع منها.. وطلع فوق الجسر ويقولنا ارسلولي احد .. يابناااااااات وربي كانت حالتنا حالة شوي الا اختي الثاانية تتصل علينا وهي تبكي لان زوجها طلع وكل اللي بالعمارة اللي ساكنين فيها طلعو ومابقى بالعمارة احد غيرها هي وبنتها وهي ساكنة بالدور الارضي ومحد يقدر يروح لها لان السيوول تمشي وتشيل كل شي قدامها وربي يابنات انه فية بيوت غررقت بالكاااااااااااااامل لدرجة انها اختفت نهائي..
ماانسى منظر حكااة لي اخوي يقول رجال كانت سيارته غرقانه بالسيل والسيل يخرفها وهو فووقها راكب ولمن عدا من جنب عمود ومسكة عشاان يتمسك فية اشتعلت فية الكهرباء وتوفى فورآ..
وربي ياابنات منااااااااااااااااااااظر عمري ماشفتها خصوصآ منطقة قويزة تدمرت بالكاامل صايرة مدينة اشباح الناس كلهم اللي توفى واللي هرب منها وين ماتلفين وجهك تلقين جثة مرمية…
اختي لقيت عند باب عمارتهم جثة بنت عمر ها 17 سنة السيل شايلها من حي الصواعد الين حي قوويزة..
والا عائلة بأكملها غرقت وهم بوسط بيتهم سبحان اللة بنت هاذي العائلة جات عند امها مخصوص عششان موعد ولادتها قرب ودخل عليهم السيل وتوفوو كلهم 6 افراد لدرجة انه البنت قبل لا تتوفوا كانت تكلم عمها وتسأله ياعم احنا بالليل والا النهار الموية كانت مغطية الشبابيك وطاح جوالها بالموية ومن بعدها فقدوهااا.. ولمن جو ودخلو البيت لقيووة وكأنه كاسة امتلت بالموية ولقيوو العائلة كلها كلها متجمعه بركن واحد ومتوفين وهم ضاامنين بعض لاكن البنت اللي عمرها 4 سنوات للحين مفقوودة.. الله يرحمهم بواسع رحمتة ويصبر اهاليهم علة هذه المصيبة..
تخيلو مقر عملي تدمررررررررررر بالكامل.. لمن شفت المنظر جلست اسأل نفسي واتخيل لو كنت وقتها مداومة بشغلي ياترا كيف كان راح يكون مصيري؟؟ المبني بأكملة مغطى بالموووووووووووية والسيارة طافية فوق الموية ومرمية جوة المبني جدار كامل انهد .. بجد كاارثة عمرها ماصارت واللي يقهر انه مافي فرق انقاذ كااااافية من الدفاع المدني لانه اغلبها راحت لمكة عششان الحج..
تخيلو مدينة زي جدة ومافيها تصريف للموية ولهذا السبب اتجمعت السيول بالمنازل وهدمتها.. وصار فية هالخساير بالارواح والمنازل والاموال.. قمة الاهمال مدري على اية حااطين عندنا شي اسمة البلدية مجرد اسم فقط..
وربي اللي صار لنا عمري ماشفتة ولا اتوقع اني راح اشووفة
الحمد لله اللي انجا عائلتي بأكملها من هذه الكارثة والله يرحم جميع الموتى ويصبر اهاليهم..
وان شالله الامانة تاخذ العضة والعبرة من هذه الكارثة وتتحرك..
وان لله وان اليو راجعوون
