عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم..
كيفكم ان شاء اللــــــــه طيبين..
انا عندي مشكله وهـــــــم قد شعر راسي واتمنى انكم تساعدوني تكفون الله يدخلها جنه الفردوس
الاعلى اللي بتساعدني والله عجزت مالقيت حل..واتمنى انكم ماتعاتبوني لانه خلاص الحين ماينفع
العتاب وخاصا اني حتى اخواتي مااقدر اقولهم على مشكلتي كلهم مايتفاهمون..
.
المهم ياخواتي انا قصتي اني حبيت وحد وهو بعد حبني((وانا والله متاكده انه يحبني لاتقولون انه يلعب
بي))عاد انا جلسنا نحب بعض تقريبا سنه بدايه مدخلت الجامعه كنت بعيده عن اهلي وكان يخفف
على الالم الغربه كثير مع العلم اني مااقابله يعني هذا شي مستحيل.. المهم بدايه السنه الجديده
وانا مسافرة للمدينه اللي فيها الجامعه وكان ساكن بمحافظه امر عليها وانا مسافرة الجامعه وكنت
مسافرة يوم الجمعه العصر وكلمته قبل مااسافر وقالي اذا دخلتي ديرتي دقي علي قلت اوك بس
مااقدر اكلمك عشان اختي معاي قلت اوك ..المهم اني وصلت ورسلتله رساله اني دخلت وصلنا وكنا
مسرعين خرجنا بعد من ديرته بسرعه وماشف حتى سيارتنا اللي كان مخطط انه يشوف بس
السيارة..فهمتم علي؟..عاد صار يدق يدق يدق يدق وماادر المهم انه على مشارف الديرة اللي فيها
مقر جامعتي صار لنا حادث ….وماصحيت الاوانا بالمستشفى يعني كان لي تقريبا 4ساعات مغمى
علي عاد يوم صحيت كنت تعبانه مووت وحوليني دكاترة وممرضين وانا على السرير عاد اني عرفت
السالفه وش اللي صاير لي ..المهم بس اتوقعت انه بسيط عاد الحين انا بهذي المدينه مااعرف احد
مرة اهلي وسافرت عنهم مع اختى وزوجهاوام زوجها بس وكنت بسكن فيها زميلات الجامعه ..المهم
مثل ماقلت بعد مافقت دخلوني التنويم جاني اخوي وسلم علي وجهه منقلب وراح و قالي ارجعلك
وصرت انتظر مارجع لي مااغمى علي مرة ثانيه وماصحيت الا 7 الصبح ويوم صحيت لقيت بنات سكني
كلهم حوليني
وكانت صبيحه يوم السبت وعدى هذا اليوم الله لايعيده حتى على الكافر ..ويوم الاحد جاتني اختي
وجلست عندي حسيت بالامان يوم شفتها وكنت اسالها على اللي معي كانت تقولي طيبين وبخير
وصديقاتي كان يقولون اختى طيبه عاد اني تطمنت مرة مرة الله يطمنهم وشلت الموت من بالي..وبذا
اليوم الاسود الله لايعيده سالت اختى اللي معاي عن الحادث وقالتلي اني اللي معاي مـــــــــــاتـو!!!!!
ومن سمعت الكلمه هذي مدري وش صار لي يعني البنات كانو ا مخليني واثقه ثقه عمياء انها طيبه
واحسن مني بعد وبعدين يقولون ماتت هذا الصدمه عاد اني جلست ابكي لين دخت وبذاك الوقت
جاتني وحده من زميلات الجامعه من اللي كانو عندي عطتني جوالها وقالت اخوك بيكلمك اخذت
وكلمت والا انه اللي حبيته كنت تعبانه قلتله مقدر اكلمك خلاص وسكر عاد اني جلست بالمستشفى
هذي اسبوع وبعدين اتحولت على المستشفى اللي بمدينتي عشان اهلي واخذت اسبوعين ونص
وبعدين طلعت البيت حالتي حاله على عربيه لاامشي ولااقوم وكنت طول الفترة اللي بالمستشفى
اكلمه على جوال امي يصبرني ويواسيني وماقصر واشياء كثير يعني جميله بهذيك الايام مايسوها
الاهل..المهم خطبني زوج اختي المرحومه يعني( صدمه )هي معاه ماكملت سنه ولاعندها عيال
صغيرة وهو بعد صغير عاد المهم احنا متفقين على الزواج من زمان انا واللي احبه وحاول زوج المرحومه
الخطبه اكثر من مرة بهذاك الوقت كنت تعبانه نفسيا مالي خلق حتى التفكير بموضوع مرة صعب المهم
قلت لبنت عمي عن زوج اختي انه خطبني واخواته يتصلون علي وانا ويكلموني يحاولون يقنعوني بس انا
مااقدر احسها خيانه لأختي المرحومه على العلم انه خطبني 4 مرات .. وبعدين قالتلي لا لاتوافقين
صعبه المهم انه بعد اسبوع بالتقريب خطبني اخو بنت عمي من ابوي وابوي وافق علطول عباله
بيخرجني من الاحراج من زوج اختى واخواته اللي يتصلون المهم امي علمتني بولد عمي مدري وش
صارلي …
دقيت على اللي احبه وقلتله قال من بكرة اجي واخطبك وشوفو الصدفه انه اليوم الثاني الصباح راح
دوامه لقي نفسه مفصول من العمل يعني مايقدر يخطب عاد انه خطبته ولد عمي علي تمت الحمد الله
وانا صليت استخارة وارتحت مرة وخصوصا انه فيه شويه ألتزام بعكس اللي احبه ماكان يصلي كل
الصلوات غير الجمعه (عاد هذا الحب لاتلوموني)يعني انا اذا فكرت بعقلي اقول ولد عمي واذا فكرت
قلبي اقول اللي احبه ..المهم عاد المشكله الحين انه الي الحين يكلمني جوال خلاص ابي اتركه
الحين زمان كان عندنا هدف وهو الزواج والحين لا ماعندنا شي وخاصا اني مخطوبه واكلمه مرة شي
صعب..وابي اتركه بس كيف اقوله مع العلم ان خطيبي يشتغل بنفس المدينه اللي هو فيها وراح اسكن
فيها انا ويعرفه شخصيا ومكان عمله .. وهو دايم يقولي لاتزوجتي لاتتركيني ويحلفني ويامن علي
مااسيبه لانه والله يحبني من جد.. ماني عارفه اقوله الحين خلاص مقدر اكلمك وبعد الزواج مرة من
سابع المستحيلات اكلمه وانا متزوجه تكفون ابي حل اخاف يروح يقول لخطيبي انه يعرفني
والله ..محتــــــارة حيـــــــــــل..الله يوفق اللي ترد علي ويدخلها جنه الفردوس الاعلى الله تعطيني
نصيحه من قلبها من اخت لااختها ..الله يوفقكم
