كفته الجمبــــــــــرى من المطبخ البورسعيدى**مميز**مشارك في المسابقة*

جبتلكم انهارده اكله بورسعيدى كمان ميه فالميه من مطبخ دودو 😥
كفته الجمبرى يارب تعجبكم

المقادير

2 كيلو جمبرى متقشر

3 بصله

توم

خضار ( بقدونش / كسبره / شبت )

3,5 كوب رز

الطريقه

اولا بنغسل الرز ونشفوا كويس على قطعه قماش ولو عندك مكان فيه شمس حطيه فيه
المهم ان الرز ينشف تمامااا كده

جهزى وقطعى واغسلى الخضار

كمان الجمبرى اغسليه وصفيه

قطعى البصل

وحطى الرز ( بعد متطحنيه كلوا فالمطحنه ) فطبق كبير وحطى البصل والتوم معاه

ضيفى فالمطحنه معلقه من كل حاجه وحطى قطعه توم مع كل مره

طبعا لو عملتيها فالكبه هتريحك اكتر

بيطلع لنا بالشكل دااا

ضيفى كل العجينه فطبق وزودى عليها قطع من الجمبرى كده وقلبيها كلها

وزودى الملح والشطه

وسخنى زيت على النار وهاتى طبق وحطى فيه شويه زيت الزيت دا تبلى كف ايدك بيه علشان
لما تاخدى من العجينه الصابع بتاع الكفته يتلم معاكى بسهوله

واقليه بقا ( معلش مصوره كل التفاصيل علشان كنت مبسوطه انى بعملها )

وطلعت بالشكل دااااا

ولازم لازم ابو دمعه دا بيكون تحفه

وعملتلكوا كبيبه وطلعت روعه فيه ناس بتزود الرز فيها عن الجمبرى بس انا عملتها من نفس العجينه طلعت تحفه

طريقتها

قلى بصله فزيت لحد متبقى لونها بنى كده

وزودى كوبين مايه وسبيها تغلى دقايق واعملى العجينه بتاعتك اقراص كده وحطيها على البصله والمايه

طبعا بتزودى ملح وفلفل عليهم وبتطلع كده بعد متشرب المايه

طبعا كل دا معاه طبق رز ابيض حلو زيكم

اتمنى انى اكون وصلتلكم الطريقه صح