عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انا كان عندى سمك اسمه الفارس وده شكله السمكه الحمرا
جبته بس جوزى مش عجبه لان لحمه غامق فطبعا اضطريت اخليه واعمله كفته كتحايل على جوزى والحمد الله اكله
12كيلو سمك فيليه (او كيلو سمك وانتى تخليه )
بصله
4فصوص توم
فلفل اخضر
بقدونس بس انا مكنش عندى
زيت
ليمون
ملح وكمون وكارى وتوابل سمك وممكن تبدلى الكارى بالزعفران
اخلى السمك وافرميه وهيبقى بالشكل ده 
حطيه فى الكبه معاه البصل والتوم والفلفل والبقدونس وعصير الليمون وفرميه جامد لحد لما يبقى ناعم
حطى عليه الملح والكومن والكارى والتوابل وحبه زيت وسبيه ساعه يتبل
بعدين كفتيه ورصيه فى صينيه مدهونه زيت وحطى معاه قشر الليمون 
ودخليه الفرن ولما تحسى انه نزل ميته وشربه ضيفى له نص كوب ميا عشان تستوى وتبقى طريه
ولما تخرج هتبقى بالشكل ده
انا كنت مجهزة
دقيق وبيض وبقسماط
حطيت الكفته فى الدقيق وبعدين البيض وبعدين البقسماط وقليتها ولما اتقلت رشيت عليها كمون
وده شكلها على الرز البسمتى بالزعفران
