كفته الفراخ بالبشاميل

السلام عليكم

عزيزاتى الفراشات الحلوين قوى

النهارده ح اقدم لكم طبق مفيد جدااااااا

واتمنى يعجبكم

المقادير

فرخه مسلوقه بدون عظم – ضعيها فى التلاجه فترة

حتى تتماسك وقطعيها قطع مناسبة

البشاميل وطريقته معروفه

ح اقولها وفى الاعاده افاده بس لازم تكون بشاميل تقيل شبيه بالأسمنت

أنا با عمل 3 معالق دقيق على كل كوب لبن

و معلقتين سمن أو 3 ويوضع عليهم 3 معالق دقيق

ويحمر السمن جيدا ثم يضاف كوب اللبن ونقلب سريعا وتبهر

ويضاف إليها قطع الدجاج ثم تصبع أو تكور وتقلى بالبيض والبقسماط

ملحوظة : سوف تلاحظون من الصور أن البشاميل أشبه

بالبطاطس المسلوقة المهروسة ده بيكون أسهل فى التشكيل

لكن ممكن عمل البشاميل بحيث يكون سايب أكثر يعنى مثلا

معلقتين دقيق لكل كوب لبن حليب فى الحالة دى

يكون طعم الكفتة أحلى بكتير لكن التشكيل بيكون صعب

ولتسهيل التشكيل يوضع البشاميل مع الفراخ فى التلاجة

ساعة علشان يجمد شوية

أترككم مع الصور

هنا الفراخ مع البشاميل

بعد التقليب

لاحظوا كثافة البشاميل

يقلى فى الزيت

ثم يقدم مع الأرز أو المكرونة

ملحوظة

يمكنك عملها إذا كان عندك بواقى فراخ من عزومه او ديك رومى

او بواقى فراخ بانية وبايته ومحدش عايز يآكلها

حطيها فى الفريزر فى أكياس بعد ماتقطعيها

لحين الاستخدام ولو كانت فراخ بانية شيلى طبقة البانية