كلمة حق في مدرسة النوار بنت مالك …المرح والتعلم في مكان واحد

مثل ماهو واضح في العنوان (((مدرسة النوار بنت مالك للعلوم الشرعية للاطفال بجدة ))

روضة-تمهيدي -حفاظ-تحفيظ قرآن

بصراحة هذي المدرسة رااااائعة بمعنى الكلمة

وحكايتي بديت معاهم الصيف الفايت لما سجلت بنتى عندهم في النادي الصيفي ومدتة شهر واحد

الحقيقة كنت خايفة انها ماتستفيد شي او مايكون تعليم مفيد >>>>>يعني يكونوا كلالالالام جرايد بس

لكن من اول يوم سجلت بنتى كان عندهم اهتمام كبير فيها واخذوا يسالوا عن الاشياء اللى تحبها واللى

تكرهها …المهم طبعا بنتى كانت ماتنطق الكلام كويس وانطوائية بعض الشي

لكن من اول اسبوووع لها معاهم تغيرت 360 درجة وصارت اجتماعية تدخل على اهلي وتسلم عليهم وكمان صارت تتكلم بوضح كبير

واللحين مع بداية الدراسة سجلتها في مدرسة دار الحافظات 😡

صراحة كانت سيئة بمهنى الكلمة اول شي كان الفصول حارة جدا وباب المدرسة طول الوقت مفتوح

وماعندهم اي شي من وسائل التعلم المطورة ..العاب تعليمية وخلافة

والله من اول اسبوع بنتى صارت تقولي ياماما ماابغى اروح المدرسة حارة وموحلوة

والادهى والامر اني بنتى طلعت من المدرسة ومشيتى مسااافة بعيدة ومااحد داري لا مدرسات ولا مديرة

والحمدلله انه لقيتها حرمة ورجعتها للمدرسة …طبعا مااحد قالي شي وسكتوووووووووعلى الموضوع 😛

وانا دايم باسال بنتى ايش سويتى في المدرسة .. 😳

فحكتني عن اللى صار وعلى طووول ثاني يوم سويت مشكلللللللللة كبيرة مع المدرسة وطلعتها

رجعت وديتها مدرستها الاولى ((النوار بنت مالك))والحلو انهم نقلوا في مبنى اكبرواحلى ومتوفرة فية كل

وسائل الترفية والتعلم للطفل طبعا …

عندهم حاسب الى …مسبح …صاله العاب كبيرة …قاعة محاضرات للامهات …كمان في باص يوصل

الاطفال مع المعلمات والدادة توصلهم الى باب الشقة وترجعم كمان في الظهر

والحين بنت مبسوووووطة مرة معاهم ,,,,,معلماتهم قمة في الادب وتعاملهم حلو مع الاطفال يتفهموا وضع كل طفل

يخلوا الاطفال ياخذوا راحتهم مايقيدونهم بشكل قاسي بالعكس يخلوهم يتعملوا كل شي باللعب والمرح

اي نسيت اقولكم كمان في غرفة خاصة بالبنات فيها مطبخ العاب للبنوتات وتركيب والعاب تنمي الذكاء

عندهم

وغرفة للاولاد نفس الشي فيها اللعاب خاصة فيهم …

كل يوم تجيني واجباتها محلولة ويعلمونها كل الاداب الدينية وعندهم منهج كامل القاعدة النورانية واداب الصلاة والمسجد …..الخ

تعليم ديني صحيح …ورسوم معقولة …وعندهم نظام تقسيط وانا ادفعلهم كل شهر جزء من الرسوم

بصراحة هذي المدرسة تستاهل كل الشكروالتقدير الله يوفقهم لكل خير

على فكرة ترى التسجيل مستمر عندهم الا الان وانصح كل ام تبغى تعلم اولادها صح من غير تعقيد ويصيروا