عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اختى المتزوجه ….
ارجعى شويه بزاكرتك وتعلى نفتكر يوم فرحك …
اكيد كل واحده بتكون منتظره هذا اليوم وهى قلقه خوفا من حدوث اى موقف سخيف….
واحنا مع بعض عايزين نفتكر اليوم الجميل ده واللى حصل فيه من مواقف سواء هى مواقف مزعجه او مضحكه او…
وانا هبدا بنفسى…..
يوم فرحى وانا فى الكوافير بعد ما لبست وعملت الميكاب بدات البنت فى وضع المانيكر وكان لونه احمر وكانت مشغوله فى الحديث مع احدى الزبائن فانسكب المانيكيير على الفستان…!!!
وتخيلى انتى مانيكير احمر على فستان ابيض ….!!!!
فتعصبت عليها وانفعلت ونزلت دموعى وباظ الميكاب….!!!
وطلبت منها ان تزيله باسيتون فقالت ان الاسيتون ممكن يحرق الفستان لانه ستان…!!!
وقامت بتصليح الميكاب ووصل زوجى وذهبنا الى النادى….!!
ولا استطيع ان اوصف لكم نظرات المعازيم والله اعلم كان ايه تعليقاتهم..!!!
وانا فى انتظار اخواتى الفراشات ليحكوا لنا المواقف التى قابلتهم فى يوم زفافهم…..
ويارب الموضوع يعجبكوا
