كل ماتحتاجينه لجمالك

نجي للمهم بعد اللفلفة والسفر بعد الزواج رنو القديمة انقلبت صار ما عندي وقت أهتم بنفسي زي زمان…
وتعبت من السفروتغير الأجواء…شوفوا اش صارأقسم بالله اني انقلبت.
..شعري بهت وجف وصار يتساقط بشكل مخيييييف …بشرتي انعدمت وعيوني ماصارت صافية المهم كل بلاوي الدنيا…
.أنا بديت ألاحظ نفسي متأخر …بس بعد 3شهوررجعت ع السعودية …أهلي انصدموا لمّاشافوني…
وماما تقوللي استحي ع وجهك صايرة كانك انتي اللي ماما منو العكس…المهم من ثالث يوم ليّا عندهم أخذتني ع دكتور العيلة…
حتى الدكتور لمّاعملي فحص قاللي حتى صحتك تدهورت منو بس شكلك الخارجي…
وصاريقوللي رغم اني أعرفك من لما كان عمرك يوم الا انك عمرك ماوصلتي لذأه المستوى…
وأختكم في الله بكل قواية عين أقوللو طيب ماعندي وقت اش أسوي؟؟؟؟؟
اش أسوي؟؟؟؟؟؟؟؟؟؟ذأه اللي أبغى أوصللو من اليوم.
قام عمو عمللي جدول متكاااااامل…..راح أقولكم ع كل شي بالتفصيل…طبعا هوّا كان كل مايقوللو ع شي يجلس يشرحلي ساعة…وهذي القائمة:

1-في الصباح ع الريق ملعقة عسل أسود…تصدوقوا انو فيه كل أنواع المعادن والفايتامينزوغني بالحديد.

2-لازم تاكلي باليوم مالايقل(ع قولو)عن 7حبات تمر.

3-أكل مقدار الكف من الحبوب الكاملة…ومنها الكورن فليكس يتاكل لوحدو جاف بلاحليب.كمان غني بكل الفايتامينز المفيدة للشعر والبشرة.

4-وهذي بجد القنبلة الخطيرة…كوب شاي أخضر +زنجبيل+نص ليمونة……..والله انها بجد خطييييييييرة هذي لوحدها يبغالها مجلد…تنحف وتشد الجسم والبطن وتتذوب السيلوليت وتعطي نظارة ونعومة رهييييبة للبشرة…

4-صابونة كلين أندكليروالسائل المنظف كمان من نفس الشركة…أنا كتبلي المحلول اللي للبشرة الحساسة وقاللي استخدموا ع الوجه والرقبة من قدام وورا وبين الأفخاذ وع الركب والأكواع بحيث أفرك المناطق بقطنة مبلولة بالمحلول وشوفي البلاوي اللي تنزل…أما بالنسبة للصابونة قاللي أحطها ع بشرتي لمدة دقيقتين بعد كذا أشطفها كويس وأبدا أفرك وجهي بأطراف أصابعي وجسمي بالليفة وشوفي القشور كيف…
كنت أستخدمها 3 مرات باليوم مع المحلول….يعني الصابونة وبعدها المحلول….
يتبع……

-وصفلي زيت وقاللي انو أفضل زيت للشعر على الاطلاق وهو زيت سدرين…وفي منو أكثر من نوع أنا وصفلي واحد مكتوب عليه مقوي ومكثف ومانع للتساقط…وهوعبارة عن مجموعة زيوت مخلوطة اللي هيّا:
اللوز-الخروع-الجرجير-الزيتون-النارجيل ومعاه كمان فيتامين E.A وخلاصة الغار والسدر والقراص والمرامية.بصراحة رااااااااااائع والنتيجة النعومة واللمعان والحجم الكثيف من أول مرة,.

6-محلول ديبلوناوهو عبارة عن محلول مكون من فايتامينز ولوشن …تعملي فيه مساج لفروة الراس يوقف تساقط الشعرويقويه وينظف الفروة .وهو صناعة ألمانية.

7-قطرات معقمة للعيون واسمها….أوبتيفلوكس والثانية أوبتيلون….تنظف العين وتخرج كل البلاوي اللي فيها وتشيل الاحمرار…باختصار تصفيها وتعطيها لون أبيض ناصع.

8-مرهم للعيون اسمو فيسكوتيرز,,,جناااااان وهو عبارة عن دموع بديلة…ترطب العيون وتخليها كأنه مليانة دمع…لأن جفاف العين هو اللي يغير لونها ويضيقها ويخلي شكلها ذبلان …

9-حبوب اسمها ستريس تابز….وهي فايتامينز وزينك للشعر والبشرة والأظافر وتشيل الغبش اللي ع العيون والذبلان اللي فيها.

10-حبوب فيرومن وهي عبارة عن كبريتات الحديد…طبعا تعرفوا فايدة الحديد.

11-أداني هذي النصيحة …انو أفضل مرطب ومفتح للبشرة هو الجليسرين وقاللي أخلط علبة جليسرين كريم الكبير مع جليسرين السائل…وأحطهم ع جسمي بعد كل حمام وأرطب فيهم جسمي كلووووووحتى الوجه والشفايف…
طبعا الدكتور هوّا اللي اشترالي كل هذي الأغراض…وجهزها ليّا بس موجود الستكرز عليها وراح أكتبلكم أسعارها كلها…

نجي للنتيجة وراح أنقلها لكم بالضبط……
في البداية صارت بشرتي تتقشر باستمرارمرة طفشتني حتى اني لمّا كنت أشيل بالحلاوة الشعر ينشال وأجلس أشيل بعدين علشان القشور تنزل…ع قد ماأشيل الاقي طلعلي ثاني جلد ميت…اتصلت عليه قاللي ان البشرة تتجد…وفعلاطلعلي المستخبي بشرة ولاكنت أحلم فيها بيوم…بالنسبة لوجهي للأمانة من زمان صافي بس صار زي الأطفال من النضارة …شفايفي مليت ووجهي كمان لدرجت انو طلعي قريب من فمي زي الغمازة ….عيوني ياهي نظفت نظافة وصارت حوووووووور ماشاء الله …نجي لجسمي بعدزواجي مليت حوالي 7 كيلو لدرجة انو زوجي ماصار يناديني الا بطة…بس بعد الشاي ضعفت بسرعة بدون ترهل ولاتغير في البشرة بالعكس شد جسمي…أضافري صارت تهبل وشعري طول بسرعة وأقسم بالله انو صار يلمع بشكل ملفت ونعم والتقصف والجفاف راح رغم اني والله على ماأقول شهيد مااستخدمت الزيت الا مرتين والمحلول حوالي أربع مرات…
لأن خرجاتي كثيرة والزيت يبغالو وقت…بالنسبة للركب والأكواع صرت ماأقدر أتكي ع كوعي من نعومته يآلمني..شفايفي صار لونها وردي مايل للحمرة كأني حاطة روج صرت بس أحط عليها مرطب وتطلع جنان…
.يعني باختصار انقلب حالي…وبدون تعب والله اني ندمت ع الأيام اللي كنت فيها أتعب نفسي بالاهتمام والجداول وماأدري ايه….وهذي النتيجة وصلتلها بعد شهرين ونص…مع العلم انو راح تلاحظي الفرق الشاسع من ثالث اسبوع…
ورجعت زرت أهلي بعدها بشهرين…وكنت وقتها جاية من الارجنتين(اللي معروفة بمراكزالتجميل)….وطلعوا عليّا اشاعات بالعيلة…رنو أخذت ابرة تبييض…رنو عملت سيليكون ………………..وياااااكثر الحكي…
يتبع

نجي ذحين لأسعارالأغراض:
الصابونة=4 ريال.Clean and Clear.
المحلول=15 ريال.}Clean and Clear
زيت سدرين=55 ريال.SedReen
محلول ديبلونا=35 ريال.Diplona Vitamin-Haarwasser
قطرة أوبتيفلوكس=8 ريال.Optiflox
قطرة أوبتيلون=11 ريال.Optilone
مرهم فيسكوتيرز=13 ريال.Viscotears
حبوب ستريس تابز=13 ريال.Stresstabs
حبوب الحديد+ ماأدري.Feromin
كريم جليسرين الكبير=15 ريالز
جليسرين السائل الحجم الكبير السعودي=20 ريال.

كلها تقريبا موجودة بالنحاس.

الأسئلة اللي متوقعتها مع اجاباتها:
لازم عسل أسود وطبيعي؟ماينفع الأبيض؟
طبعا لاااااازم أسود الأبيض مافيلو نفس فوايد الأسود(نفس السؤال سألتو للدكتور).
الصابونة لأي بشرة؟وتشيل الحبوب وتفتح وتصفي؟
لكل أنواع البشرة أما المحلول فكل بشرة لها نوع مخصص…وتفتح وتصفي وتشيل الحبوب…والمحلول في منو خاص للرؤوس السودا(الزيوان).
كم مرة نستخدم الصابونة والغسول(المحلول)؟
3 مرات باليوم بالصباح وبالليل وبوسط النهار.
الزيت له ريحة وكم ساعة نخليه ع الشعر؟
الزيت فيه مواد معطرة بس باين ريحة الخروع شويييييييييية مرة…ويتخلى ع الشعر لمدة 6 ساعات.
المحلول كيف نستخدموا؟محلول الشعر.
تدلكي فيه فروة الراس ولازم يكون الشعر نظيف منو مدهن…وريحتو تجنن معطرة.
قطرة العيون كم مرة باليوم؟والمرهم كمان؟
القطرة 3 مرات باليوم…والمرهم مرة وحدة باليوم قبل النوم.
كم مرة استخدام حبوب الحديد والسترس تابز؟
مرة وحدة باليوم بس أحذركم لازم تاخذوها بعد الأكل….
وراح أذكرلكم موقف غبي صارلي…مرة أخذتها بدون فطور وبعدها حسيت غثيان ودوخة والله يكرمكم روحت أرجع…المهم زوجي جاء يسألني حاسة دوخة؟أقوللوا ايوا…حاسة بغثيان؟؟كمان ايوا…فجأة ينط ويقوللو مبروووووووك انتي حامل ياحياتي…وشوفوا منظرنا أنا جالسة أبكي وأقوللوا ياشرير ياوقح يامجرم والله لأقول لمامي عليك..كذاتسوي فيّايانذل وأبكي …,هوّا يقوللي يلا نسوي قرعة بالأسماء المقترحة…المهم روحنا للمستشفى دخلنا أنا أبكي وهوّا مبسووووط وطلعنا العكس أنا مبسوطة وهوّا مكشر علشان الدكتور قاللي ان هذي الحبوب هي السبب لأني أخذتها ع الجوع…..
الكريم والجليسرين السائل اش نسوي فيهم؟
تخلطي ياحلوة كل الكميتين سوا وتحطيهم بعلبة…
تنفع لكل أنواع البشرة؟وفعلا حسيتيها فتحتك؟
ايوا تنفع وهي من الساس للراس أنا احطها من وجهي أليييييين رجولي حتى المنطقة الحساسة…,هي تفتح وتنعم بشكل خيالي.
قد ايه كمية الحبوب الكاملة(كورن فليكس)؟
خذي مقدارالكف مرة وحدة باليوم بأي وقت انتي تفضليه.
مقادير الشاي؟وكم مرة ينشرب باليوم؟ومت بديتي تنزلي؟
ملقة شاي أخضر+شري زنجبيل+نص ليمونة…..أشرب باليوم حوالي كوبين وأوقات 3….بديت أنزل من رابع يوم…

أتوقع هذي الأسئلة….واللي عندها سؤال ثاني لاتزعل اذا مارديت …لأني راح أسافر..بس باذن الله أول ماأرجع راح أرد عليكم…

وسلامي واصل للجميع قارئات وعضوات.