كل مايخص البشره والجسم -مكياج -عطورات <<موضوع متعوب فيه تفضلي بالدخول

بسم الله …

من بودي شوب
o زيت وايت مسك<< للغرف
o ريحة العود الزيتي <<تحطيه للفواحه برضو للغرف
o للسياره Tobaccoflower<<<طبعا لتعطير السياره
o زيت للغرف oseanus

نيجي للمجموعات الكامله من بودي شوب :
o مجموعة aqualily
مجموعة Vivaldi
Perfumed
oمجموعة The Beitمكتوب على ميداليه العطر هاذي الكلمة Burberry
o مجموعه (انـــــــاني)<<حلووووه بس يقول خلصت ماادري اذا تلاقوها والا لا
o مجموعه والا عطر نسيت بس اسمها (لايف از)
o وبودي شوب ارواجهم حلوه …زمان كان عندهم الروج المنشوري بس للاسف انقرض ❗
o ليفة الجسم عندهم حلوه كمان رخيصه بـ10ريال
o قبل ماتطلعي من بودي شوب اطلبي المجله حقتهم تشوفي ايش اللي نازل جديد

مكــــــــــياجي <<كل البنات حلوين>>:😛
_ مكياجي تتميز منتجاتها بأنها بناتيه واسعارها معقوله والاهم انها تنفع للطلعات الصباحيه <<الناس اللي عندهم جامعه ودوامات صباحيه

* عندهم بلاشر بـ50 ريال <<لون وردي ينفع تاخديه معاكي في الشنطه

v* اشتريت من عندهم ارواج اللي في علبه لونها رصاصي فاتح ومكتوب عليها مكياجي واشتريت نفس الشكل بس ظل<شدو> …العلبه الوحده بـ109ريال الارواج مرره ماتسوى اتورطت فيها زي المرطب 😐 لكن سرت احطها فوق الروج تعطي لون احلى لكن ماانصح احد يشتريها ….وبرضو الظل بـ109 عادي ماشي حالو

* عندهم عطر (حبيبي ) بـ29 ريال عطر طويل نحيف زي القلم ينفع لطالبات المدارس

* مجموعه كساره اللي لونها ازرق << مجموعتي المفضله حتى الان تحتوي على :
§ عطر بـ109 ريال
§ بخاخ الجسم بـ50 ريال
§ كريم بـ65 ريال
§ بودره بـ50 ريال <<حراام الفلوس في البودره تخيلوا مافيها شئ بس الاسفنجه حقت البودره فيها بودره خفيفه يعني مافي (مسحوق بودره ) فهمتوا عليا ؟؟ 😥

* كساره منها ارواج حلوه تنفع تاخديها لأي مكان مجموعة ارواج .

المصبـــــــــــــاح :
يتميز بانه ماركه عالميه لكن اسعاره غاليه شويه خصوصا في الاكسسوارات <<لكن اذا مالقيت اكسسوار على نفس لون الفستان الاقي في المصباح وبالراحه .
· عندهم ماركه MAKE-UP STUDIO>>اشتريت من هاذي الماركه بلاشر لون واحد صغير بـ60 ريال
· هاذي الماركه MAKE-UP STUDIO في ليها مجله او كاتلوج اشيائها رووعه اللي ماتعرف تزبط مكياج زي الكوفيره لاتشتري منها لانها ماراح تستفيد منها .

………………………………………….. ……………………………….
محل (وجـــــــــــــــوه )
; تبغي اساس مزبوط عندك احلى اساس بشهاده الكل هو (فور ايفر) وفي لمعه تنفع على نفس الاساس اطلبيها من المحل ..تلاقيه عندهم ومكن تلاقيه في محل ثاني ..

; برضو عندهم لمعه اللي تحطيها تحت الحاجب في المناسبات والافراح روووعه لونها فضي بـ200ريال

………………………………………….. …..
العطــــــــــور:

ü عطر فانتزي بـ350

ü عطر ستيلا(عطر المراه العربيه ) بـ240 الصغير على مااعتقد او بـ200..في اسود وفي لون وردي <<ريحة العطر حلووه لكنها معروفه يعني اللي يشم ريحتو يعرف انو استيلا وهاذا اللي يقهرني .

ü عطر NINE <عطر شكلو زي التفاحه> الصغير بـ90 والكبير بـ 180

ü عطر من قزاز (توليتا) بـ500ريال ..في محل في الخاسقيه في جده اسمو(نور) يبيع العطور الماركات باارخص يعني مثلا توليتا يبيعو بـ300ريال ..ويقول انه يشتري بسعر الجمله

ü نصيحه لوجه الله مني لكم :لا تشتروا عطـور من شركة (درعه ) انا اشتريت منها وحرمت اشتري مره ثانيه ..

====== ====== =====
اشياء عامه:
1. اذا دخلتي المحل لايغريكي البائع بالاشياء اللي عندو يمدح فيها وتذكري انه مسؤؤل عن البضاعه ويبغي يصرفها …اذا مره احترتي قوليله عندك كاتلوج او مجله وخديها وروحي البيت اتفرجي على رواقه .

2. في ماسكرا من (اف سان لوران) تخلي روموشك كأنها مكانس ههههه..اقصد انها ماسكرا تمااام

3. اساس من نيفيا اسمو .. BEAUTY LIFT**..ماادري اتوقع يعجبكم وسعره رخيص اعتقد بـ75او 95.

4. قد ماتقدري حاولي تشتري اساس ومعاه واقي شمس .

5. لو تبغي تثبتي ريحة المجموعه حطي على جسمك بودرة اطفال وبعدها حطي بخاخ الجسم

6. عشين تسير ريحة العطر اقوى أول ماتشتريه وقبل لاتبخي منه ولابخه حطيه في مكان مظلم (دولاب الملابس) -3 ايام- وتسير ريحتو مركزه <<مجربه

7. افضل (ظل) الظل المخملي

8. اذا تبغي الظل يثبت حطي فازلين قبل ماتحطي الظل<<كلام كوفيره

9. اذا كان ظلك لونه قوي وبتخففي اللون بعد ماتحطيه حطي شويه مرطب الشفاف السائل يطلع روووعه.

10. واذا كان بتطلعي اللون هادئ حطي فوقه شوية مويه وزيعيها بهدوء كأنك بتوزعي الظل <<الكوفيره تعمل نفس الحركه عشين يطلع احلى

11. شئ مهم : اذا جاء عندكم (بازار) في الجامعه او في المخيمات لاتفوتي الفرصه واشتري من عندهم مكياج عندهم اشياء رووعه ماتلاقيها في كل مكان انا اشتريت (بلاشر –بااكثر من لون-) وبلمعه رووعه حتى يسألوني من فين اشتريته المشكله مو مكتوب عليه اسم معروف ……….وبرضو زميلتي اشترت كحل تركوازي لونه خطيييير الين هاذا الوقت مالقيت نفس درجة اللون …

12-ماركة رووج مناكيرهم حلوه

:::: ملاحظه ::: اللي ماتعرف ايش يعني بازار هو السوق اللي فيه كل شئ

………………………………………….. ………………………………
بعيــــــــدا عن الماركات :– كل وحده لازم يكون عندها كتاب (اسرار الحريم ) بـ25ريال <<مفيد مرره فيه خلطات واشياء مجربه

– الاسكينول <<تشتريه من الصيدليه …منظف جيد للبشره

– افضل حلاوه للجسم هي حلاوة (كنوز) من الصيدليه بـ5ريال على مااظن رووعه وتترك المكان نااعم

– لتخفيف الم نزع الحلاوه جيبي (مويه وخميره) وادهني بيها قبل الحلاوه وخليها تنشف وبعدين شيلي بالحلاوه

– اما اذا تستخدمي الاله (براون –الوردي وحقت العروسه ) افضل من امجوي

– بعد الاستحمام ادهني جسمك بـ (زيت الاطفال) اللي بالصياروفيتامين E يخلي الجسم ناعم ويحفظ الترطيب داخل الجسم .

– استعمال مزيلات العرق يسبب سواد المنطقه ومن الافضل استخدام الاتي ( اشتري من عند العطار *صرافه* واضيفي عليها *بودرة الاطفال *..و*كريم جلسرين* .) تعمل زي عمل مزيلات العرق واذا بتشيلي كريم الجلسرين من الخلطه عايدي …يسير عندك بودره .

– لو حطيتي فازلين لاتتعرضي للحراره لا في المطبخ ولا الشمس يسبب سمار للبشره ويعدمها>>>كلام اخصائية البشره .

………………..

. اضافه بسيطه:

– شامبو فوفو للقشره يقضي عليها بـ35 رياال

–

– الصابونه الفرنسيه cussone ….ريحتها حلوه وماتجفف البشره

– صابونه البابيا رائعه للبشره الدهنيه والمختلطه …لكنها تجفف باامكانك استعمالها وترطيب البشره بعد ذالك

*** سبحانك اللهم وبحمدك اشهد ان لااله الا انت استغفرك واتوب اليك**