عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اهلا ببنات النيل القمرات
متزوجات ومخطوبات وكمان على وش خطوبة
حبيت افتح الموضوع ده كملتقى لينا كلنا
بعيد عن الحمل والولاد ومشاكلهم
الموضوع ده علشانا احنا بس !!
من حق كل واحدة فينا تغتنم اى فرصة وتعيش لنفسها شوية
تعمل لحياتها الزوجية ريفريش
مش عايزين الأهتمام بالبيت والولاد ينسينا نفسنا
ولا انتو رأيكو ايه؟
💡
فى ملتقانا هنا هنفضفض مع بعض فى يومياتنا الزوجية
اى واحدة عندها مشكلة لا قدر الله تخصها هى وزوجها تطرحها وكلنا نقولها رأينا فيها ونحاول نقرب وجهات النظر اكيد الواحدة ساعة الغضب بتبقى شايفة نفسها هى الصح ومش سامعه اى حد غير عقلها
اى واحدة تعرف حركة رومانسية جديدة وجابت نتيجة حلوة معاها تيجى تقولهالنا ماتبخلش على حد بيها
لو اشتريتى اى لبس بيتى او لانجرى جديد صوريه وفرجينا معاكى ونشجع بعض على الشرا وتغيير محتويات دواليبنا
لو مش هتقدرى تصوريه هاتى صورة مقاربة من الموديل من جوجل وحطيها اهم حاجة الفكرة توصل
لو عملتى عشا او غدا رومانسى مرة تعالى واحكيلنا اختراعاتك وافتكساتك
وكمان لو خرجتو خروجة حلوة مع بعضكو انتى وزوجك
نعرف بعض الأماكن الحلوة والمميزة ونشجع بعض
لوعرفتى طريقة تتعاملى بيها مع زوجك وتتناقشى معاه بهدوء وتجيب نتيجة الحقينا بيها
هنا هنتكلم فى كل حاجة مع بعض بدون كسوف او خجل اهم حاجة اننا نفيد بعض ونستفيد من كل حرف فى الموضوع هنا
معا من اجل حياة زوجية خالية من المشاكل
بانتظا مشاركتكم معايا
