عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاته
اول شي ابارك لكم بقرب حلول شهر رمضان المبارك
عسى الله يمتعنا بصيامه وقيامه
انا احب هالقسم بس اتصفح واقراه ولا نزلت له موضوع
لكن هالمره قلت لازم انزل موضوع نفرفش فيه شوي يعني نقول سوالف عيالنا اللي تضحك هنا
انا ببدأ
مره كنا انا وبنتي نطالع في قناة كراميش
المهم جايبين دعايه عن عروسه لعبه مره تحبي ومره تسبح ومره تبكي اكيد عرفتوها
وبنتي مره نفسها فيها
المهم وقت الدعايه تقول يا ماما هذي اللي ابي مثلها قلت طيب وانا جالسه اراقب بنتي وهي تطالع لأن الدعايه مره طويله طبعا اخر الدعايه قالوا
احذروا التقليد
قالت الله ياخذكم الله ياخذكم والله لأقلدكم وتقولها وهي زعلانه هههههههههههههه وانا ميته ضحك عليها
………………
واليوم ولدي عبود الله يحفظه جاني يركض يقول يا ماما الجدار فيه دم قلت ايش فيه دم
ويروح ويجي يركض مره ثانيه ويقولها ويعيدها ويقول قومي قومي بسرعه
المهم يوم رحت الا ولقيت شخطه على الجدارن باللون الحمر
يقول يا ماما الجدران مجروح وفيه دم انا عاد امسكوني تسدحت من الضحك وجلست اسلم عليه وعفست وجهه يا حبني له صغنون عمره ثلاث سنين
وانتو ابي اسمع سوالف اطفالكم يالله خلونا نتونس شوي معهم هالحلوين الله يصلحهم ويحفظهم ويرزقنا برهم اللهم آمين
ويرزق كل محرومه ما تتمنى ويمتعها بالذريه الصالحه ويقر عينها فيهم اللهم آمين
أختكم في الله أم البتول 2006
