كل وحده تقول بتودي اطفالها المدرسه ولا لا بسبب انتشار الفلونزا الخنازير

الموضوع محتاج فعلا لمناقشة

بعض الدول اصدرت قرار بتاجيل الدراسه حتى يطلع المصل وهدا قرار عين العقل

ولكن لماذا السعوديه لم تصدر هدا القرار؟

وهل انتم ناويين تودوا اطفالكم المدرسه ان لم يصدر القرار؟

انا عن نفسي ماراح اودي بنتي الروضه حتى يطلع المصل

المفروض مانستنى يطلعوا لنا قرار بتاجيل الدراسه او لا– المفروض مانوديهم سواء طلعوا القرار ام لا

لان مو هم اللي راح يخسروا ولكن احنا اللي ح نخسر فلذة اكبادنا

لازم نستنى حتى يطلع المصل

صحه اطفالنا اهم من كنوز الدنيا ومافي اي شي راح يعوضها

واي ام حتى لو ودت اطفالها المدرسه في هدى الاوضاع ماراح تكون مطمنه وحتكون موسوسه علطول باقل تعب يجي لاطفالها وحتعيش في قلق كبير وخوف وغير كده لو احد من اطفالها جاله المرض فالعيله كلها راح يجيها 😆 فليش نخاطر 👿

شوفوا مافي احد راح يحس بخطورة المرض غير اللي شاف حالات

ام زوجي راحت المستشفى مع ابنها 27 سنه لانه جاله المرض وشافت حالات كتير وكلهم تعبانين وحالتهم حاله- وابنها الحمد لله مناعته كويسه فشفى بعد 7 ايام بس بعد ابر وعزل

واما المسكين الحقيقي فهو ابن اخت زوجي جاله قريب المرض وياااحرام شوفوه كيف تعبان–صغيييير اسبوعين مايتحمل هدا المرض– واخد ابره في ظهره وبكى بكى — لانهم قالوا يشوفوا الاول لا تكون حمى الشوكيه– وبعدين اعطوه ابره تحت باطه لانهم مالقو عرقه -بس بعدين جت ممرضه ودورت دورت الين مالقت بيده عرق — اما الادويه فهي غير متوفره غير حبوب فصاروا يعطوه الحبوب مطحونه

وكل ماياكل يستفرغ–

لا وكمان حصل موقف مرره يحزن– جات جدته تبوسه فاتنهد– شوفوا كيف هدا الصغير اللي لسه ماشاف شي من الدنيا صار يتنهد– هدا الموقف اثر بجدته جدا ودمعت عيناها
والحمد لله ساعتها امه كانت بالتواليت وماشافت هدا الموقف–

واللي لازم اعرفوه ان الاطفال ومرضى الصدر والقلب المرض خطر عليهم
وبالذات لان المرض في النهايه لو اشتد بيسبب التهاب شديد بالصدر ممايؤدي الى ضيق التنفس والاعتماد على الاكسجين وهنا قد تنتهي حياة المريض

فتخيلوا كمان لو طفل وعنده ربو مثلا!!!! زي هدا حررررام امه توديه المدرسه 😛

انا كتبت لكم هدا عشان تفكروا ميه الف مليون مره قبل لا تودوا اطفالكم المدرسه

صحه اطفالكم لو راحت كل شي راح يروح لكن التعليم لاحقين عليهم

ولا ايش رايكم؟؟ من تؤيدني؟؟

يلا خلينا نشوف ارائكم

وهنا واحده بالمنتدى سجلت حاله وفاه لاحد افرادعائلتها بسبب المرض

http://satfrequencies.com/girls/alfrasha16/thread1058186/