عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
أخواتي الفراشات الحلوات
ياما في فراشات أمورات متعقدات نفسيا من الصدر المترهل ➡
ونفسها ومنى عينها تخلص من ذي المشكله إلي معقده نفسيتها قدام أبو الشباب
1أختكم الفراشه أمنيات ورديه مرت بنفس حالتكم ذي 😛
والسبب انه حضرتي كنت ارضع واطول على السنتين كمان !
وصحيت فجأه لعمري ولقيت انه الرضاعه لعبت في صدري لعب … قلت يابنت مابدهااااااااااش خلاص افطمي الولد وانتبهي لعمرك
أول شي سويته بديت ابحث في النت عن خلطات وفعلا لقيت خلظة المر والنيفيا لوحده في المنتدى الله يجزاها خير ……..وفعلا كان لها دور راااااااائع في انها رجعت صدري للونه ولكثير من تماسكه
كنت استخدمها وزوجي مسافر وفعلا بعد مارجع لاحظ الفرق و انا ما كنت متوقعه ينتبه لذي الدرجه …!
بس المشكله انه ماااقدر استمر عليها بعد مارجع من السفر ريحتها قوووويه بس نتائجها رووووعه
الزبده
لقيت حلول الحمد الله اسهل بكثير وهي
انك تدهنين صدرك بزيت (جنين القمح )…. ابحثي في النت واتفرجي على فوائده المبهره !!
سبحان الله هذا الزيت يقال انه يعيد تجديد الخلايا ويقوي الانسجه..
وفي موضوع شفته لاحد الاخوات ناسيه اسمها والله.. تقول ان قريباتها يتمعون بصدور مشدوده و جذابه وكان السر بسيط جدا فقط في ( زيت السمسم ) اعتقد كانت تقول انهم يسوون مساج للصدر بزيت السمسم و يغرقون الصدر بالزيت لحد ما يتشرب منه تماااام
اقنعتني وصفتها مع اني ماجربتها
وكمان يقولون زيت الحلبه راااائع للصدر
نجي للتمرين البسيييييييييييييط …الي رح ينفع ويشد بأذن الله ثلاث مناطق في جسمك في وقت واحد !!!!
تمرين يشد الصد والزنود والجزء العلوي من البطن…والشي الغريب كمان اني لاحظت انه يبرز المؤخره بس لسا ما أتأكدت من ذي النتيجه تمام !!! يعني 4 ×1 ………..!!!!!
التمرين قريته لوحده من الاخوات والله ما اذكرفي اي منتدي كانت تقول انه رائع للزنود ..بس أكتشفت انه ينفع عدة أماكن في وقت واحد …!!!!
بكل بساااااااااااااطه هوا
إنك تصفقين على ورا وقدام …مو عاد ترجون البيت ههههههههههههه يعني خلي أطراف اصابعك بس تتلامس …والتمرين تاااااااافه جدا وغير متعب وتقدرين تمارسينه في اي وقت واي مكان وغيررررررررر مجهد ولا متعب ابدااااا يعني تقدرين تسوينه من 200 ل 300 مره في اليوم موزعه على 4 مرات كل مره 50 مره
جربي أوقفي قدام المرايه وطالعي فين نفسك من الجنب رح تلاقين كل الاماكن الي ذكرتها أنشدت وكل مارفعتي يدك للخلف على فوق زاد الشد خااااصه في الزنود
أظن أبسط من ذا التمرين ماااااافي
وفي تمرين مشابه له هوا انك ترفعين يدك على فوق وكأنك بتلمسين السقف وتنزلينها لتحت وتعيدين التمرين هذا مجد شووويتين عن الي قبله بس هذا نتائجه رائعه للبطن
وكمان في تمرين بسيط هوا انك تقولين إكس ..أو …x o …يعني أتعيدين أكس أو أكس أو …الخ رح تلاحظين عظلات الصدر أنشدت …بس أنتبهي لايدخلون أولادك ويشوفونك بذا المنظر ويتنحون ويفرطونها ضحك لليل والا يقولون أمي صابها شي وينادون أبوهم يشوف أش جرالك هههههههههههه
(((((قومي بشد عضلات وأعصاب الرقبة وأنتي تنظرين إلى نهديك ( بدون شد الأضراس طبعاً حتى لا تتألمين ,, افتحي فمك قليلاً لا بأس )
– لاحظي الارتفاع البسيط للحلمتين مع الشد
– داومي على هذا التمرين عدة مرات يومياً
– سوف تلاحظين بعد أيام بدء عودة النهدين باتجاه وضعها السابق ( نافرين على الصدر))) هذا نقلته لكم من أحد المواقع
شوفوا بالله قلت لكم تمرين واحد وحطيت لكم كومه ههههههههههه بس قلت دامك كتبتي فرصه سدحي كل ماعندك عشان لاتجي وحده تتعذر تقول صعب وأنا واقفه قمنا جبنا لها واحد حتى وهي جالسه ههههههههه
لاتجي وحده تقول ابغى تمرين وأنا نايمه … هذا لسا ما اخترعوه هههههههههه
يلا بنات كل وحده قرت موضوعي أبغاها تدعي لي من قلب أن الله يصلح أحوالي ويشفيني ويحببني في زوجي ويحببه فيا ويبارك لي في أولادي ويفظ لي أمي وأبوي ويرزق قريبتي الذريه الصالحه وإنه وزني يرجع 50 كيلو زي زمان أنه سميع مجيب
