عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام وعليكم
اخباركم
ربي يسهل عليكم ياكروشات التجمع ويقومكم
بالسلامه
المهم ببدا على طول انا ولدت فجر السبت تاريخ ,,,ثلاث طعش ,,,ثلاثه,,,الساعه خمسه ونص الفجر
كنت يوم الخميس العصر داخله التجمع مافيني شي سولفت واستأذنت وخرجت عشان عندي شغل سويت شغلي لما خلصت رحت ريحت شوي وحسيت بماغص قلت اقوم اصلي المغرب كانت الساعه سته بعدين جاني المغص انا استغربت عشان جابعده على طول رحت لزوجي قلت ودني لهلي احس اني تعبانه من الشغل برتاح شوي ماتوقعت انه طلق رحت لامي واختي قلت معي ماغص بدا من سته المغرب قالت امي ان شالله يكون ولاده الليله وترتاحين بس اصبري لين يكون بين الطلقه والثانيه ربع او عشر دقايق ونروح للمستشفى وبدا يشد ويزيد الالم معي وصار يجي كل ربع ساعه
بس هذا يوم الخميس المهم رحت للمستشفى الفجر واكشفت الدكتوره قالت واحد سانتي مفتوح ورجعتني وانا مره تعبانه رحت انام ماقدرت قالت امي امشي واعطتني شاهي القرفه واشرب ولا استفدت بس اروح للحمام من هالقرفه والالم
وبعد ماتعبت قلت بنام يمكن ارتاح شوي ماقدرت طلع الصبح دقيت على زوجي قلت تعال ودني مره تعبانه ورحت الساعه ثمانيه الصبح يوم الجمعه وانا ادعي ربي يارب يكون مفتوح والله يابنات اني تعبت من الطلق والمغص مره قوي وتكشف علي قالت مانفتح ورجعت عند امي وانا اصيح اقول يارب افرجها علي لان الطلق يجيني كل ربع او عشردقايق
امي واختي يقولون هذي ولاده سبحان الله والرحم مانفتح صرت اقرا على نفسي وادعي ربي
ولا ذقت النوم من يوم الخميس لين يوم الجمعه باليل وانا بحاله مايعلمها الا الله
يوم صار باليل طلع مني الله يكرمكم دم قلت بس ان شالله ربي افرجها معي واتصل على زوجي وصار نايم وداني ابوي يعمري عليهم مقابليني هو ويا امي وانا اتوجع رحت الساعه وحده ليله السبت تخيلو كشفت علي قالت واحد لسى مانفتح انا خلاص اتقطعت من الالم وتقول هذا طلق كاذب كيف كاذب وانا ميته من الالم قالت خلاص بعطيك ابره مسكوبان تهدي الماغص اللي فيك قلت شوفي اذا جاني شي او اللي في بطني جاه شي على مسؤليتك قالت لاتخافين واخذ الابره قالت امي ان شالله تنامين اذا خف الطلق قلت ماضنتي رجعنا البيت الساعه ثنتين
صارالطلق يجيني قوي مره اقوى من اول وكل خمس دقايق جبت تمر واكلت شربت قرفه وكمون واروح للحمام الله يعزكم وانا يالله امشي الا يوم انفجرت مويت الراس مع دم وسدادت الرحم وانهبل اول مره يطلع معي كذا بحملي الاول لا غير واطلع واقول لامي جابت لي منشفه وادق على زوجي لين رد واشوى جا يقول الحين يرجعونا يمزح قلت لا مافيه مزح الحين المويه طلعت وادخل للنفس الدكتوره قلت انا اللي جيت تو ورجعتيني انفتحت المويه قالت انسدحي اكشف قالت ماشالله انفتح اربعه ونص خلاص ولاده وقع زوجي وعبا البيانات وطلعوني الساعه اربع الفجر فجر السبت ورفعت يديني قلت يارب اني اشوف جنيني قبل لايطلع النور والح
مدلله ربي استجاب دعائي اذن الفجر وولدت
احلا حلا بالدنيا
المهم ارتحت عند ولادتها بس جاني شي ماتوقعته وكأنها ولاده ثانيه البشيمه طلعوانصها والباقي تقطعت وقامو يسوون تنظيف اخخخخخ بس تبهذلت وذبحوني كانها ولاده ثانيه قمت اصيح واقول للدكتوره خلاص خلاص خليني قالت تحملي لازم تنظيف بعد التنظيف بنحطك تحت الملاحظه لين تسوييين بول حطولي المغذي اربع مرات عشان البول يطلع وشربوني مويه والحمدلله بولت وطلعوني من الملاحظه للغرفه والاحد بعد الظهر طلعت
والحمدلله رب العالمين
الطلق ,,,خمسه وثلاثين ساعه
هذا اللي جنني وتعبني
بس كله اجر وعافيه
