((كم وحده حاولت تسوي حركة رومنسيه لزوجها و فشلت))

نبي نتسامر هنا و نحكي لبعض شوي من الحكايات الرومنسيه الفاشله اللي تحدث مرات للمتزوجات

وانا ابتدي اول قصه :

بيوم كان زوجي مداوم من 4 العصر الى 12 بالليل و انا جالسه لحالي بالبيت .. بعد ما خلصت كل اشغالي جلست اطالع التلفزيون .. مدري وش اللي جاني ساعتها و قلت خليني اسوي حركه حلوه لزوجي وكان وقتها الساعه 11
سويت عشاء سريع من اللي يحبه زوجي و حطيته في المجلس و لبست لبس سهره نااااااعم و كشخت كشخه حلوه
وكتبت 3 بطاقات دعوه …

البطاقة الاولى : حطيتها في مدخل البيت و مكتوب فيها (( الى غرفة النوم ………….))

البطاقة الثانيه : حطيتها في غرفة النوم و مكتوب فيها (( انت مدعوا لحضور عشاء رومنسي في المجلس .. ))

البطاقة الثالثة : حطيتها في المجلس عند العشاء و مكتوب فيها (( ما ودك تدعي حبيبتك على العشاء ))

<< تحسون انها شاقيه عمرها ….هههههههههههههههه

المهم تخبيت في غرفة و جلست تحت المكيف عن الحر عشان ماتخرب الكشخه و جلست انتظر يجي …
عقبها بشوي يدق تلفوني … تخيلوااااااا مين

زوجي متصل علي يقول لي افتحي لي الباب ترى مفاتيحي ناسيهم في الشغل 😉

طبعا خربت الدعوه و خربت الرومنسيه و خربت الاخلاق و فشلت الحركه .. و يوم فتحت له الباب انصدم من الفستان و المكياج و قال وش صاااااااااير .. كاشخه هالحزه بفستان .. قلت رح البس ورانا عشا << متحطمه 😡

طبعا قصص الرومنسيه الفاشله كثييييره عندي بس بعدين اكمل لكم