كنت أبي أجي أبشركم بس جيت أقول انتهت حياتي

السلام عليكم بنات 😀

صار لي يومين ما نمت جالسة افكر وابكي 😆 hy:

الله يسعد الي بتساعدني وبتحل أزمتي والا كل شي بحياتي بينقلب 🙁

طبعاً اغلب الي يدخلوا هالقسم عارفين علاقتي بولد عمي .. قبل اسبوعين في ناس كلموا اهلي يبون يجون البيت وهالناس ماشاء الله معروفين حسب ونسب وأموال وعلم واخلاق وكل شي

ولد عمي لما عرف راح ترجى امه تكلم اهلي قبل مايجون واهلي يوافقوا واضيع منه .. وفعلاً مع اصراره وتهديده اني لو رحت منه مارح يتزوج امه كلمت الماما وقالت لها الولد شاري بنتكم ويبيها وانا قلت له يصبر لحد مايخلص دراسة وانتوا عارفين بوضعه ولو رفضتوا مارح يتغير شي <— كلام مأخوذ خيره

انا لما البابا جى كلمني قلت له الي تشوفه وطبعاً مستحيل يوافق على الغريب ويبديه على ولد أخوه

وتمت الخطبة على انو الملكة تكون السنة القادمة ان شاء الله

المشكلة مو هنا 🙁

في بنت حسبي الله عليها والله لا يوفقها لا دنيا ولا آخرة بتهدم حياتي كلها

هالبنت تقرب لي من جهة ابوي بس مو قرابة مباشرة والظاهر كانت حاطة عينها على ولد عمي .. لما سمعت بالخطوبة حتى ماباركت لي ولا شي وطلعت من بيتنا كله .. للأسف كانت وحدة من اقرب الناس لقلبي .. حسافة والله حسافة كل الي بيننا

تخيلوا بنات .. طلعت البنت تبع شباب يا ريت واحد والا اثنين او ثلاثة .. شباب من الشرقية وخارجها الرياض جدة القصيم الي يحصل لها .. غير علاقات النت .. تطلع معهم عزاب متزوجين عمره 20 او 50 مايهمها .. مع انها ظاهريا متدينة كثير ومسجلة بتحفيظ القرآن وماتسمع اغاني وملتزمة بكل شي !!

هي دام هذي حياتها بالطقاق بس تبي تورطني معها .. تخيلوا بنات جتني اضافة من ايميل وقبلت .. طلع ولد قلت له اسمح لي مااكلم شباب انا بحذفك .. قال لي افا يا فلانة ناس وناس تكلمينهم .. ترى مثل ما فهد انسان انا انسان <— فهد ولد عمي

انا انصدمت كيف عرف اسمي وعرف اسم ولد عمي وعرف انو احنا بيننا شي .. قلت له انت غلطان مين فلانة ومين فهد؟ شكلك اخوي مخربط .. قال لي مو انتي ساكنة بفيلا بالحي الفلاني رقم بيتكم …. الخ

وانتي تدرسين حاليا صيفي بالجامعة وكل يوم تطلعين بهالوقت وانا اكون ماشي وراك يوميا <—- وصار يوصف كل شي 🙁

قلت له مين انت؟ وشنو تبي مني؟ قال لي تعرفين فلانة؟ انا خويها وحاب أخدمها بس قبل ماتقولين شي احب اقول لك انو كل مكالماتك لها هي على رقم بإسمي انا .. يعني باختصار مكالماتك بالنهار وبالليل والصباح على رقمي ولو احد طالع الفاتورة واتصل انا الي رح ارد عليه وبتصير فضيحتك عند اهلك ببلاش
والشي الثاني المسجات الي كنتي ترسلينهم الي فيهم مسج حب مسج شوق او “انتظر اتصالك” اي مسج رسلتيه طول هالفترة موجود عندي واقدر بسهولة اقول ان لي علاقة فيك ومن زمان بعد

والله لما قال كذه ماتدرون شصار فيني حسيت الدنيا كلها وقفت كل شي مخي ماعاد يستوعب .. يعني شنو !! معقولة وصلوا الناس لهالدرجة ! هذا وانا قريبتها

بنات مسجلة مقاطع بصوتي رسلهم لي مقطع مقطع الي اضحك والي ابكي والي والي وكلهم مافي شي يثبت اني كنت اكلم بنت =(

والله العالم شنو بعد عنده وشنو مسوية .. يمكن سرقت شي مني والله ماادري خلاص مخي مو مستوعب

لما قلت له طيب انت الحين شتبي؟ قال لي تنفذين طلب واحد لي وبتركك بسبيلك والا كل الي عندي برسله لفهد واهدم حياتك كلها ولو ارسل فاتورة جوالي بس وفيها رقمك الي المكالمة الوحدة ساعة وساعتين أظن تكفي انه يرميك ولا عاد يطالع فيك

تخيلوا بنات يبيني أطلع معه مجهز كل شي وكيف بصير الموضوع

قلت له لو توصل سابع سما مارح يصير الي ببالك انت ماتخاف ربك بشهر رمضان وانت تلاحق عورات الناس وصرت اتكلم عليه لعل وعسى يحن قلبه بس ولا اهتم 🙁

وقال لي لا تفكرين تبلغين الهيئة لان عندي نسخ ثانية عند صاحبي بمجرد ماياخذوني مارح يرسلهم لأهلك والا الحبيب لا رح ينشرهم بالنت بالجوالات بكل مكان فلا تغامرين بنفسك وسمعة اهلك ابد وعندك مهلة ليوم الاثنين تردين علي ورقمي عندك و رقمك عندي ويا ويلك لو تقفلين الجوال او اتصل وماتردين

بنات انا خلاص انتهيت .. والله جالسة اكتب لكم كلمة واوقف عشر دقايق بس ابكي

مظلومة والله مظلومة .. فكرت اقول لأهلي بلي صار بس وين يصدقوني

حسبي الله عليه حتى جهازي هكره .. ماقدرت حتى احفظ المحادثة الي بيننا كدليل

من خلص كلامه الشاشة قلبت اسود وطفى ولما شغلته المحادثة ما تخزنت

بنات بموووووووت من التعب ما في باب اقدر افتحه كل الابواب انصكت بوجهي

استغفر الله احس ما في حل الا اني انفذ الي يبيه

هو وعدني وحلف انه مارح يلمسني ولا شي بس اذا مايبي مني شي ليه كل هذا

يبون يدمرون حياتي

بنااات مالي غير الله ثم انتوا ساعدوني او اقلها ادعوا لي ربي يفرج كربتي

مو عارفة لا انام ولا حتى اكل وحتى صلاواتي استغفر الله اصلي وانا فكري وبالي مشغول ماغير قافلة على حالي الباب وابكي

انا قلت لكم السالفة بالتفصيل يمكن وحدة يطلع معها شي وتنقذني من المصيبة الي جايتني