كنت أرمي الأدويه الشعبيه بالزباله .. شوفوا أمي كيف خلتني أحبها واهتمام ايام الدوره

ألاحظ دايما بعض الحريم الله يهديهم تكون بأيام دوره ولا نفاس وتشرب بيبسي عادي لا وتمشي على السيرميك حافيه بدون شيئ واللبس قميص عادي بدون سروال …!
أتعجب صراحه من هذه الناس ماأدري هو إهمال ولا جهل ولاعدم إقتناع بهذه الأمور أنا قلبي يحرقني لما أشوف وحده بنفاس تسوي كذا ….. تخرب نفسها بنفسها
الي خلاني أفضفض لكم صاحبتي ماشاء الله جابت كتكوته ولما اتصلت علي ثاني يوم بعد الولاده قلت لها : عاد الله يعينك الحين الأدويه المره والتحاميل والسفوف وقلق النفاس (احنا في عائلتنا النفاس من قبل شهر يجهزوا أكلها وسفوفها وبيت النفاس تكون ريحته كلها اعشااااب ….)المهم قالت لي ايش هذا احنا مانسوي ولا شيئ من هذه الخرابيط حاولت أقنعها ابدا البنت مقتنعه باللي تسويه ولما رحت لها في البيت أزورها ماشاء الله توها مالها أسبوع والده والله هي الي تخدمنا وتشيل وتحط وتمشي على السيرميك حافيه …… الله يعين المسكين زوجها هذه البنت أبوها متزوج على أمها 3 ولو ماغيرت من حالها أظن زوجها بيسوي كذا …..
أفتكر زمان كانت أمي أيام الدوره الله يكرمكم تعطيني أدويه وأروح أرميها وأقول لأمي شربتها ! ماكنت أعرف قيمتها ولما كشفتني امي الله يحفظها جلست تكلمني عن أهمية هذه الأدويه وضربت لي أمثله من عايلتنا ووالله إني بعدها أقتنعت باأهمية هذه الأدويه الي مانحبها
من الأمثله :
وحده من صاحبات امي متزوجه ماشاء الله حلوه وأنيقه والكل يتكلم عن شياكتها عندها 6 أطفال الله يحفظهم وكل ولاده تولدها امي وغيرها يقولها اشربي كذا وسوي كذا وهي ترفض وتقول اعيش زي ماعاشت امي (لأن هم في عايلتهم مايسون هذه الخرابيط على قولتها )المهم قريب زوجها اتزوج عليها وهي تحبه وهو بعد لكن الرجال مالهم امااااان تركت له البيت والست العيال وهم الحين عند الشغاله طبعا كل شيئ مقدر ومكتوب لكن امي تقولي لو زوجها مرتاح معاها مااتزوج عليها وهو يحبها لكن من إهمالها لنفسها بالمقابل وحده من قرايبنا اعرفها حق المعرفه عمرها تقريبا 45 سنه والله العظيم يازوجها يدللها ويداريها كأن عمرها 15 ماشاء الله تبارك الله وهي خلقة الله شريفه مافيها ذرة جمال سبحان الله حتى ان كثير من بنات العيله يقولون عنها(دايما الوحشه حظها حلو )امي من ضربت لي هذا المثل أقتنعت بهذه الأدويه لأني كنت أقول في نفسي اكيد فيه سر وراء هذا الحب الله يديمه
الرجل يحب المرأه النظيفه المهتمه بنفسها واذا كانت مسنعه حتى شكلها مايشوفه أهم شيئ راحته ع الفراش مايهمه الشكل الخارجي يعني الحلوه يفرح فيها زوجها شهر وبعدين خلاص يتعود على شكلها ومايشوفها حلوه يدور الجمال الداخلي الأخلاق والنظافه الشخصيه والسناعه بعد هذه النصايح حبيت الأدويه هذه ماشاء الله تبارك الله وتعلمت عليها والحمد لله تعودت على طعمها وأدمنت عليه ههههههههه صدقوني ياحبايبي أول مره تتضايقي وثاني مره يخف وثالث مره خلاص بتحسي الطعم عادي

هذا الأدويه أعتبرها سبب مهم من أسباب السعاده الزوجيه بعد توفيق الله لأن السعاده الزوجيه في تلبية الحاجات النفسيه والجنسيه الانسان كتله من الغرائز والقوى والعواطف ومايكون ناجح في تفاعله الا لما يكون سعيد وما يكون سعيد الا لما يشبع حاجاته النفسيه والجسميه ..

أتمنى يكونو الي يكرهو الأدويه الشعبيه أقتنعوا مثل ماانا اقتنعت وفقني الله وإياكم لكل خير