عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اولا السلام عليكم و رحمة الله و بركاته
من زمان ما نزلت مواضيع مفيدة و لا شي ما غير أتفرج و بس
المهم أنا كنت أنا (أحن الى وطني) أنحف واحده يمكن بين أكثر اللي أشوفهم
كنت أتمنى يوم أني أصير زي الحريم أقصد الستات اللي اللبس ما يطيح منهم
و يصير ماسك
و تبان منهم تعرجات الانوثة ..
يعني باختصار الوضع كان مأساوي .. 😆 🙂 خخ أمزح
وفي مرة من المرات اشتركت في قروب هنا في هذا المنتدى ضد النحافة وما سويت شي
ولا زدت حتى بنص كيلو
ليش لان الواحده منا من او ل وجبتين او اول كوبين عصير او كم يوم استمرت على التمر ووزنت نفسها وما زاد
قالت بس….مافيه فايدة و انواااع الاحباط و الكسل
ووو…!! 😆 hy:
كاني طولتها وهي قصيرة
😆 hy:
اول شي
ادعي الله انه يرزقك الجسم الحسن بدون ضراء مضرة و لافتنة مضلة ..صدق يا بنات
ايش فايدة السمنة و انا مريضة يعني اعاني من امراض ..ووو…
ثم
لا تنتظري النتائج أبدا أبدا ..ليش حتى أنت بنفسك تتفاجأي…حلو
يعني انت سوي البرنامج كشيء عادي وروتين يومي
بعدين لازم يكون
اكلك اكثره يحتوي على سعرات حرارية و على اكلات لا اقول قوية لكن تكون محسوبة انها تسمن
اقول لكم ببرنامجي الروتيني و العادي و اللي بدون تكلف الين ما رجعت لاهلي و انصدموا فيني
طبعا انا اليوم وزني بيرجع لاسباب خاصة ..
فحبيت استغل الفرصة قبل لا انحف و اعلمكم بالتجربة
من اول ما اقوم
اشرب حليب انا لازم احط نسكافيه معاه لاني ما احبه حاف
مع الحليب تمر قد ما تقدري كلي حتى لو اكلت 10 تمرات و الكوب لسه ما خلص برضه كلي..
خلصي شغلك اذا عندك اشغال زيي في بيتك …
المهم اشغلي نفسك …
سوي لك ساندويتش بالعسل او بالجبنة و زبدة الفول السوداني (هذا شي ثاااني )!
كلي فاكهه مثلا تفاحه
طبعا بالنسبة لي اكون خلاص مجهزة الغدا
اتغدا و اشرب عصير مع الغدا (عصير برتقال او تفاح ما اشرب الغازيات )
بعد ساعه يمكن اكون مجهزة الحلا مع القهوة طبعا
بعدين موزة….
بعد ساعه او اكثر بطاطس مقلي او في الفرن مع مايونيييييز ( المايونييز خطيييييييييير والله طلع لي خلفية بشكل مو طبيعي )
مكسرات…..
معجنات …محشية جبن او دجاج او لحم معها شاي
العشا بيض اومليت او عجة او ساندوتش شاورما اللي اقدر عليه المهم لاااااااازم عشا
طبعا انا اسهر لازم اصلح لي ذرة معلبه احط عليها زبدة و اسخنها في المايكرويف
و اشرب معها عصير اي عصير احبه بس اذكر ذيك الفترة اكثرت من عصيرات الكوكتيل و المانجو و التفاح
و البرتقال
…………
خلصت السهرة اروح انام
ثم ابدا يوم جديد
ما اقدر احدد لكم كم المدة يمكن 3 شهور
قبل لا أنسى كنت استخدم أملج ملعقة واحده فقط قبل الغدا بساعه…و بس
واكل السنيكرس و الشوكلاتات اللي فيها سعرات عالية
…………………….
وبس…
تسالون كم كيلو زدت يمكن 10 كيلو
بس احذركم ممكن تطلع لكم كرشونه صغيرونه …
بس تهون امام الفائدة العظيمة و الجسم الحلو…
دمتم دبدوبات
لا تنسوني من دعواتكم الطيبة
وللنحيفات فالكم السمنة يارب
